_روحي لنوح وخليه يجيلي هنا..
ردت علىّ بابتسامة..
_امرك ي
قطعتها بسرعة..
_ لا امري اي انا بطلب منك طلب بس يا حبيبتي.
ابتسمت..
_ربنا يخليكِ يا دكتور ملاك هروحله حالا.
هزيت رأسي بهدوء هي خرجت وانا فضلت افتكره وحشني جامد 'ضحتكه.. صوته.. عيونه وجمالها.. هدوئه.. طريقة كلامه.. حنيته.. عصبيته.. غمازته اللي في وجنته الشمال اللي مش بتظهر غير لما بيضحك جامد.. غيرته اللي محدش يقدر يستحملها.. هي غيرته صعبة بس حلوة.. حلوة أوي '
_ملاك إبعدي أحسنلك.
قعدت جانبه..
_ مراد صدقني أنا
اتعصب جامد...
_إبعدي هتزعلي مني.
همستله..
_ مراد.
ضرب بإيديه علي السفرة جامد..
_ملاك أنا حذرتك قبل كدا ولا لا.؟
هزيت رأسي بهدوء.
كمل بعصبية..
_تقومي تكلميه تاني ليه ها؟
إتكلمت بخوف..
_كانت حالة يا مراد.. يعني غصب عني.
_ملاك إبعدي.
الدموع إتجمعت في عيوني ومقدرتش أرد وجيت أقوم فمسك إيدي
وأخد نفسه بهدوء..
_متتكررش ودي آخر مرة هقولك كدا وبعدين إن إتكررت هتشوفي وش مش هيعجبك أبداً يا ملاك..
هزيت رأسي بهدوء ودموعي بتنزل مسح دموعي وابتسم..
_إنتِ عارفة أنا بغير عليكِ إزاي.؟
إبتسمت..
_عارفة.
همس تاني..
_ إعرفي إن غيرتي وحشة يا ملاك.
إبتسمت..
_ما أنا عارفة.
_ملاااك؟
إتخضيت..
_أي يا نوح بالراحة.
اتكلم..
_بقالي ساعه بكلمك وانتِ سرحانة في إيه؟
ركزت معاه..
_حقك عليّ
ابتسم..
_ هيرجع تاني بإذن الله.
_إمتي يا نوح..
مسك إيدي..
_هانت.
_المهم شوف الحالة دي كدا.
ركز في الورق وبدأ يقولي وجهه نظره
وبدأنا نتناقش لحد أما وصلنا لحل
_كدا تمام أوي.
همسلي..
_ملاك انتِ شكلك تعبانة روحي ريحي طيب
ابتسمت..
_ لا انا كويسه الحمدلله.
'نوح أقرب شخص ليا بيفهمني من غير ما أتكلم.. شخص مفيش في طيبة قلبه إتنين ولا في خوفه علىّ وأكتر شخص بيطمني في عز خوفي ومعايا من وأنا في الإبتدائي ولحد دلوقت'
الباب دق واتفتح وانا بقلب في الورق برفع رأسي بهدوء لقيته واقف ومبتسم حسيتني بحلم غمضت عيوني وفتحتها لقيته لسه زي ماهو فغمضت عيني تاني وبدأت افتحها بهدوء ملقتوش قعدت علي الكرسي وخبيت وشي وبدأت أعيط جامد لقيت حد بيقرب مني ومسك إيدي وهو بيقول بهمس..
_ خلاص إهدي إهدي.
أنت تقرأ
اسكريبتاتي 💛
הומורلطف ما بين السطور يوجد هنا'💙 هنا قلبي💙 هنا مراده💙 حكاوي المراد💙 #منة_محمد_أسيف
