اسكريبتاتي 💛

11

_روحي لنوح وخليه يجيلي هنا
ردت علىّ بابتسامة: امرك ي
قطعتها بسرعة: لا امري اي انا بطلب منك طلب بس يحبيبتي
ابتسمت: ربنا يخليكِ ي ست ملاك هروحله حالا

هزيت رأسي بهدوء هي خرجت وانا فضلت افتكره وحشني جامد'ضحتكه.. صوته.. عيونه وجمالها.. هدوئه.. طريقة كلامه.. حنيته.. عصبيته.. غمازته اللي ف وجنته الشمال اللي مش بتظهر غير لما بيضحك جامد.. غيرته اللي محدش يقدر يستحملها.. هي غيرته صعبة بس حلوة.. حلوة أوي '

_ملاك ابعدي أحسنلك
قعدت جانبه: مراد صدقني انا
اتعصب جامد: ابعدي هتزعلي مني
همستله: مراد
ضرب بإيديه علي السفرة جامد: ملاك أنا حذرتك قبل كدا ولا لا
هزيت رأسي بهدوء
كمل بعصبية: تقومي تكلميه تاني ليه ها
اتكلمت بخوف: كانت حالة يمراد.. يعني غصب عني
_ملاك ابعدي
الدموع اتجمعت ف عيوني ومقدرتش ارد وجيت اقوم فمسك ايدي
واخد نفسه بهدوء: متتكررش ودي اخر مرة هقولك كدا وبعدين ان اتكررت هتشوفي وش مش هيعجبك ابدا ي ملاك
هزيت رأسي بهدوء ودموعي بتنزل مسح دموعي وابتسم: انتِ عارفة انا بغير عليكِ ازاي
ابتسمت: عارفة
همس تاني: اعرفي ان غيرتي وحشة يملاك
ابتسمت:ما انا عارفة

_ملاااك
اتخضيت: أي ي نوح براحة
اتكلم: بقالي ساعه بكلمك وانتِ سرحانة ف إيه
ركزت معاه: حقك عليّ
ابتسم: هيرجع تاني
_إمتي ي نوح
مسك ايدي: هانت
_المهم شوف الحالة دي كدا
ركز ف الورق وبدأ يقولي وجهه نظره
وبدأنا نتناقش لحد أما وصلنا لحل
_كدا تمام اوي
همسلي: ملاك انتِ شكلك تعبانة روحي ريحي طيب
ابتسمت: لا انا كويسه الحمدلله

'نوح اقرب شخص ليا بيفهمني من غير ما اتكلم.. شخص مفيش ف طيبة قلبه اتنين ولا ف خوفه علىّ واكتر شخص بيطمني ف عز خوفي ومعايا من وانا ف الابتدائي ولحد دلوقت'

الباب دق نوح فتحته وانا بقلب ف الورق برفع رأسي بهدوء لقيته واقف ومبتسم حسيتني بحلم غمضت عيوني وفتحتها لقيته لسه زي ماهو فغمضت عيني تاني وبدأت افتحها بهدوء ملقتوش قعدت علي الكرسي وخبيت وشي وبدأت اعيط جامد لقيت حد بيقرب مني ومسك إيدي وهو بيقول بهمس: خلاص إهدي إهدي
رفعت وشي لقيته هو فصرخت: بس بقي كفاية أنا مش قادرة ...إخرج من دماغي يمراد مبقاتش قادرة كل شوية أشوفك قدامي.. مش عارفة أشوف شغلي ولا عارفة أقعد لوحدي ولا عارفة أعيش حياتي طبيعية.. حتي..
عيطت جامد: حتي بقيت أخاف أفضل ف بيتنا لوحدي.. كفاية بقي.. وأنا بأكل شايفاك قدامي.. ف شغلي شيفاك قدامي.. ف أي مكان قدامي.. بقيت بخاف مع إني عمري ماخوفت وإنتَ جانبي يمراد.. كفاية
حسيت بشخص بيضمني إتفأجات لأن نوح مستحيل يعملها برفع عيني لقيته هو بيهمسلي: حقك علىّ والله أنا أسف
مسكت فيه بخوف وفضلت أعيط جامد: أنا آسفه آسفه والله
ابتسم وضمني: حقك علىّ يحبيبي

_نوح الموضوع صعب صدقني ممكن نخسر المريض وأنا معنديش استعداد لكدا
قربت بهدوء: مراد إفهم الراجل ما صدق إنه يبقي عنده بيبي فمش هيبقي مستعد يخسره
قالي بنفس الطريقه: والراجل مش مستعد يخسر مراته
نوح إنسحب:اوصلوا لحل
همستله: مراد الست قالتلنا إننا ننقذ الطفل
إتعصب: والراجل مش هيخسر مراته
_مراد الراجل قال كدا بس من جواه حزين إن مراته مش هتقدر تخلف تاني
إتعصب: متخلفش ومشي دخل العمليات