Secretly Loving You

CHAPTER 7

[2weeks later]

—GISELLE POV—

Pasado ala-siyete palang ng umaga ay nagtungo na ako sa filming location ng pagbibidahan namin na pelikula nila Ezekiel at Coleen, ito ay sa isang luxury hotel and casino. Pag dating ko doon, agad kong binati ang production staff maging ang iilang artista na cast din ng pelikulang pagbibidahan namin. Hindi ko nakita si Ezekiel, siguro ay papunta palang siya gayundin si Coleen. Kaya naman naisipan ko muna na magtungo sa rest room.Pagdating ko sa rest room ay agad kong nakita si Coleen. Nandito na pala si plastic, mukhang nauna pa sakin.Hindi ko siya pinansin at nagtungo sa dulong bahagi ng wash area at humarap sa malaking salamin.

"Alam mo, nagtataka parin ako kung paano mo nakuha yung lead role sa pelikulang ito. Hindi kaya, may something sainyo ni Ezekiel?" sarcastic na pagkakasabi ni Coleen saka siya tumingin sakin.

"Coleen, kung naiinis ka dahil ako ang nakakuha ng lead role at hindi ikaw. Bakit hindi ka mag reklamo sa direktor? or kay Ezekiel mismo. Isa pa, kung ako man ang nakakuha siguro dahil alam nilang mas magagampanan ko ng maayos yung role na yun kaysa sayo." sarcastic na pagkakasabi ko, nakita ko naman sa mukha ni Coleen ang matinding galit at inis niya sakin. Nginitian ko lang siya at agad narin akong lumabas ng rest room.

[During the filming]

"And.....action!" sigaw ni Direct Adele.

——

During the fight scene, nag agawan kami ni Madison (Coleen) sa nahulog na baril sa sahig. Nakasulat sa script na dapat ako ang makakakuha ng baril at itututok yun sa ulo ni Madison (Coleen), pero nagulat ako ng bigla niya ako sipain at agad akong nauntog sa pader kung saan mabilis na nagdugo ang noo ko.

"CUTTTTT!" sigaw ni Direct.At agad sila nagtakbuhan sa direksyon ko. Nang mga oras na yun ay halos mahilo hilo na ako. Pero malinaw pa sakin kung sino ang agad na tumakbo sa kinaroroonan ko at agad akong binuhat, si Kian.

—KIAN POV—

Nag e-enjoy ako habang pinapanood ang fight scene nila Coleen at Giselle. Oo nandito ako sa filming location nila upang suportahan si Giselle, at para narin mabantayan siya.Ngunit nagulat ako sa ginawa ni Coleen kay Giselle, wala yun sa script. Wala sa script na itutulak ni Coleen sa Giselle. Kaya hindi pa man sumisigaw ng cut si Direct Adele patakbo ko ng tinungo ang kinaroroonan ni Giselle. Halos ng mata ay sakin nakatingin ng bigla ko buhatin si Giselle na dumudugo na ang noo at ngayon ay wala ng malay. Kaya naman mabilis siyang isinugod sa pinakamalapit na hospital sakay ng ambulance na naka-abang sa filming set. Sumama ako na magtungo sa hospital, gusto kong masiguro na maayos si Giselle. Dahil kapag may nangyaring masama sakanya, hindi ko alam kung anong magagawa ko kay Coleen.

—COLEEN POV—

"Coleen! Ano ba naman ang pumasok sa utak mo at ginawa mo yun kay Giselle!" sermon sakin ng manager ko. Nakayuko lamang ako habang sinisermonan ako ng manager ko.

"Hindi ko naman sinasadya eh. Akala ko kasi kasama yun sa fight scene namin." palusot ko.

"Akala mo kasama? Ilang beses mong nireview yung script. Sinabi mong memorize mo na, tapos sasabihin mo akala mo kasama yun?!" biglang sabat ni Direct Adele na ngayon ay sinesermonan narin ako.

"Hindi ko po talaga sinasadya Direct. Maniwala po kayo sakin. Sorry po sa nangyari." paghingi ko ng paumanhin.

"So paano na yan ngayon? Sigurado akong hindi agad makakabalik si Giselle sa filming dahil kailangan niya pa magpagaling dahil sa kagagawan mo. Mahalaga ang role ni Giselle sa pelikulang ito, paano na ngayon kung wala siya?" panenermon ni Direct, agad naman kami nagtinginan ng manager ko.

"Direct, pwede naman siguro si Coleen nalang ang pumalit kay Giselle. Tutal nagsisimula palang naman yung filming eh. Pwede pa mapalitan si Giselle." mahinanon ngunit nakangising pagkakasabi ng manager ko.Bahagya naman natahimik si Direct, siguro ay iniisip niya rin yung sinabi ng manager ko.

"Kung hindi si Giselle ang magiging leading lady ko sa pelikulang ito. Mas gugustuhin kong mag back out nalang." biglang sabat ng isang lalake kaya agad ako napalingon, nakita ko si Ezekiel na masama ang tingin sakin.Agad akong tumayo mula sa pagkaka-upo at agad na lumapit kay Ezekiel.

"Saan hospital ba dinala si Giselle? Gusto ko siyang puntahan. Pwede mo ba akong samahan?" mahinahon na pakiusap ko kay Ezekiel, paraan ko lang 'to para makita ko si Kian. At isa pa, para rin mapalapit kay Ezekiel at makuha ko ang lead role.