عودة إلياس

الجزء الأول

عودة إلياس ( الجزء الاول)
مابعرف شو الي وصلني لهالمرحلة يمكن ابي الي باعني و يمكن يكون هداك الانفجار الي سرق مني أغلى حدا ع قلبي
مو مهم هلق مين أنا و شو هيي هويتي الحقيقية المهم هلق إني رح انتقم فقط رح انتقم 🔥🔥
.
.
بتبدأ قصتنا عند هالعيلة السورية المقيمين في قبرص الي بتتألف من الام رندا و الاب ساهر و ابنهن صالح عمرو.
8 سنين و هالعيلة بتعاني من تفكك أسري بسبب زواج ساهر من رندا بعمر صغير و كمان لان ساهر شخص غير مبالي و من وقت ما اجو ع قبرص نسي دينو و ربو و بلش يتبع شهوات النفس الأمارة بالسوء
..............
والآن نبدأ🎬🎬
رندا بالمطبخ عم تستغفر ربها و تبكي و ساهر بالصالون سهران مع رفقاتو و صوت ضحكاتن عم تعلى و هني عم يلعبوا قمار و أناني الخمر حدهن عالطاولة و ريحة الحشيش عابقة بكل البيت .........
.......
ساهر و هوي عم ينادي لابنو : تعى صالح تعى روحي اتعلم سر المهنة من ابوك خليك أكبر قمرجي بالعالم
صالح وهوي فرحان: يعني معلش العب شدة معكن
ساهر : اي و انت شو ناقصك مانك شب تعى شوف هلق شلون رح تربح كتير مصاري
سعيد: اقعد اتعلم و شوف كيف ابوك اليوم رح يخسر كل شي 😂
ساهر و هوي آخد عليه الخمر و سكران: 😏إن بعد قليل لناظره قريبووووو
كاظم: يا الله يا شباب حاجتكن لعي و خلونا نبلش
ساهر: طيب ماشي
و بعدين رفع ساهر الكاسة بإيدو وقال: بصحتكن شباب🍷🍷و بصحتك ابني
سعيد بصوت عالي : علي الدي جي يا خالد و خلونا نبلش ب اسم الله 🎶🔊

بهالوقت كانت رندا عم تحترق اعصابها و ماعادت تقدر تتحمل الي عم يعملوا جوزها كانت خايفة و متوترة ف قررت تاخد الولد و تهرب
جهزت اوراق السفر و الهويات و المصاري بشنتة و بعد شغلة نص ساعة نادت على صالح بس ماكان عم يسمعها من صوت الدي جي و بقيت تناديلو حتى بالاخر سمعها و اجا لعندا و هوي مدروخ من ريحة الحشيش
رندا : حبيبي انت بخير
صالح و هو عم يضحك و عم يحكي بلا وعي : ماما ليش انتي تنتين😂
رندا بحزن : خلص حبيبي تعى غسلك وجهك لتصحصح
وبالفعل غسلتلو وجهو و بعدا مسكتو من ايد و الشنتاي ب إيد و فتحت باب البيت حتى تهرب و لسا مالحقت تطلع ما حست إلا ايد و نحطت ع كتفها ارتعش قلبها و اندارت لتلاقي ساهر مقابيلها و الشرار عم يتطاير من عينيه
....
ساهر : لوين رايحة وليك
رندا و هيي عم ترتجف : بدي اخلص منك
ساهر : انقلعي لحالك بس ابني بيبقى معي
بلشت رندا تبكي : بترجاك ساهر خليني اخد ابني و اطلع من المستنقع الي انت فيه ابني ما دخلو حتى تخليه يصير متلك و انا ما ذنبي حتى عيش حياة الفسق هاي😭
ساهر وهو عم يضحك بصوت عالي : هلق اعملتيلي حالك شيخة
مسك ساهر رندا من حجابها و هو عم يشدها بقوة: شوفي و ليك انا هاي عيشتي عجبك عجبك ما عجبك انقلعي لحالك و لا عاد تفرجيني خلقتك
رندا و هيي عم تبعد ايدو : لك اااخ بترجاك اتركني

بهالوقت كان صالح واقف على جنب عم يبكي خوفان

اتطلع عليها ساهر نظرة استحقار و بعدها مسك موس و حطو ع رقبتها و قال : طلعي انا مو فاضيلك كل يوم نفس المسرحية يا اما ادخلي من تم ساكت يا اما انقلعي من وجهي فورا
كانت رندا عم ترجف و ما رح تتحمل تدخل : خلص انا رايحة رايحة
نزلت من عالدرج تاركة وراها كل شي ابنها و اغراضها بس بدا تنفد بروحها
...................
سكر ساهر الباب بقوة و رجع الموس ع جيبتو بعدين اتطلع بطرف عينو شاف ابنو عم يبكي ف تركوا وكمل طريقو
.
.
بالصالون
سعيد : يازلمة طولت
خالد:😂 يمكن عندو حسابات عم يصفيها
ساهر وهو عم يزاور : المكان ماعاد آمن خلونا نكمل بغير مكان
كاظم : امشوا لعندي
ساهر : اي تمام
.
.
اخد ساهر ابنو معو و راحوا ليكملوا هنيك لعب القمار
.
.
كانت رندا بالشارع عم تمشي خوفانة حتى وصلت ع بيت رفيقتها سوزان و دقت الباب
سوزان بإستغراب : رندا
رندا :😭
سوزان بقلق : اتفضلي ادخلي
.
.
دخلت رندا و حكتلن كل شي صار معها
فطلب منها زوج سوزان انو تقدم بلاغ انها تهددت بالقتل بس هيي خافت تخبر الشرطة عسى انو بيوم من الايام يتغير خاصة انو ما إلها حدا بهالدنيا غيرو امها و ابوها ميتين من زمان و ماكان عندن غيرها و بيت عمتها زوجوها ل ساهر بس ليخلصوا منها رغم انو من البداية ماكان منيح معها،..... و بعدين راح زوج سوزان لحالو ل عند ساهر بلكي بيسمحلوا ياخد الولد لامو بس مالقى حدا بالبيت
.
.
رندا: 😭يا الله وين ممكن يكون راح و اخدلي الولد معو
سوزان : استهدي بالرحمن و ريحي حالك هلق ...و اكيد بخاف ع صالح متل ما انتي بتخافي عليه و ما بيعملوا شي
رندا :لك هاد مجنون مجنون اذا انا كان رح يقتلني😭