عودة إلياس

الجزء الثالث

عودة إلياس(الجزء الثالث)
صالح: بس انت ما بتحبني😔
جوزيف وهو عم يمسح ع راس صالح : لا انا بحبك وكتير و اليوم انت انقذت حياتي و الحب أقل شي ممكن اعطيك اياه بس انت خبرني بتحبني ?
صالح :انا مابكرهك بس انت دوما بتعيط عليي😔
جوزيف : انا آسف ومن اليوم هنبدا صفحة جديدة و شو بعدين موافق تصير ابني و لورين امك
صالح و هو عم يومئ بالايجاب : موافق
لورين و عيونها عم تدمع من الفرحة : يعني خلص من اسبوعين لهلق وانا عم اقنعك و اخيرا لاقتنعت شكرا جوزيف شكرا إلك 😍
جوزيف : و هلق يا حبيبي روح ع غرفتك نام و بكرا في كتير شغلات هنحكي فيها
.
.
وبعد ماراح صالح ع غرفتو وهو فرحان و مبسوط
جوزيف : لورين انا اليوم حاسس حالي عديم الانسانية كيف قدرت عامل هالولد كل هالفترة معاملة سيئة و بالاخر هو ما تردد انو يخبرك حتى ما اتأذى
لورين : بتصدق من الاول شفت بعيون هالولد ابننا إلياس 😔وللحظة كنت أنانية و تمنيت اهلو ما يلتقو حتى نربيه
جوزيف : انا حاسس فيكي بس من البداية كان تفكيري مختلف عنك حتى مجرد بقاؤو ببيتي ما تقبلتو لانو ابن شخص مقامر و مو من مستوانا نربي ابن هيك شخص ببيتنا
لورين : بس شفت شلون ابن هالشخص كان اليوم سبب انقاذك
جوزيف : يمكن اليوم لحتى شفت هالشي لورين بجد انا هلق شفت بعيون هالولد نظرة رجل مو طفل شفت بعيونو قوة و كبرياء انا متأكد اذا ربيناه رح يكون إلو شأن في المستقبل بس انا خايف مانتعب عليه و ينكر جميلنا و يروح لابوه
لورين : جوزيف لا تفكر كتير بالمستقبل و اذا ربيناه كإبن اكيد ما رح يتركنا بس يكبر ، و كمان من هلق انا شفت انو صالح حاقد ع أبوه و بيكرهوا لان كان يشوف معاملتو معو و مع أمو و كمان بعد ماعرف انو امو ماتت بسبب ابوه هالشي زاد الكره بقلبوا وانا لاحظت من أول ما دخل بيتنا لهلق ما سأل ع ابوه ابدا وبخاف يرجع لعندو
جوزيف : رجاء بكفي بجد وجعني قلبي عليه و خلص القرار اخدناه و هنربيه بس في شي كمان لازم نحطو بالحسبان هوي اسمو وديانتو
لورين : بما انو الولد صار من اليوم ابننا طبعا رح يصير على ديننا لان نحنا الي هنربيه و كمان شو رأيك يصير اسمو إلياس
جوزيف : تمام خلص من اليوم اسمو إلياس و انتي خبريه بهالشي بس لا تضغطي عليه
لورين : ولايهمك
.
.
الأيام عم تمر و صالح صار إسمو إلياس كطفل ماكان عندو أي مشكلة ليغير إسمو و كنيتو ولا حتى ديانتو كان هم الطفل الوحيد إنو يعيش حياة بسيطة و حلوة مع ام و اب يحبوه و ما يعيطوا عليه ......كان دوما إلياس يعمل مقارنات بين معاملة جوزيف معو و معاملة ابوه كان يتذكر كيف ابوه يحبس رندا بالحمام و كان يتذكر كيف كان يضربها حتى كان يتذكر كيف ابوه كان يضربوا لإلو كمان في كتير شغلات كان يعمل فيها مقارنات و يلاقي الفرق واضح و بشكل تدريجي حنية جوزيف عليه ومعاملتو الكويسة معو عم تخليه ينسى كل شي بيتعلق بهالولد القديم / صالح/
و كمان لورين قدرت تكون الام المثالية لانها عم تشوف فيه إلياس ابنها الحقيقي و كان إلها دور لتخفف عن ألمو بفقدانو لإمو
و ميشيل طبعا كان الخال الطيب ، بالبداية كان إلياس يتزايى من ميشيل و يكرهو لان هوي الي أخدو من حضن ابوه بس هلق لآمن بفكرة انو ابوه هوي الي باعوا و ميشيل هوي الملاذ الآمن يلي جابوا لهالعيلة و خلصوا من هداك الظلم
.........
بعد مرور سنة
كان البيت عتمة كتير و إلياس مع ميشيل برى البيت و أول مادخل فجأة اشتغلت الأنوار و اتفاجئ لما لقى كل رفقاتو و لورين الي صار يناديها ماما و جوزيف ابوه و كل الي بحبهن موجودين و البيت كان مزين و قالب الكيك بالنص
و الكل صار يغنوا : هابي بيرثدي تويو
هابي بيرثدي تويو ..... سنة حلوة يا إلياس
بهالوقت فرح كتير الياس و ترك ايد ميشيل و ركض لعندن وهو عم يقول : شكرا ماما شكرا بابا انا بحبكن
..... طفى إلياس الشمعات و صفقوا الكل و طفى إلياس بهالوقت كل أيام الحزن بحياتو ليبدا حياتو الجديدة
.
.
بعمر ال 12
إلياس :مامي اليوم رفيقي كان لابس صليب برقبتو و انا كمان بدي البس متلو حتى يبقى حرز إلي
لورين : اي تكرم حبيبي 😊
شلحت لورين السنسال الي هيي لابستو وحطتو برقبة إلياس و كان هوي كتير مبسوط بهالشي