عودة إلياس

الجزء السابع عشر

عودة إلياس(الجزء السابع عشر)
عند لمى بالشركة كانت قاعدة هيي واخواتها محمد و منذر
منذر وهوي عم يحرك رقبتو الواقفة : حرام عليكي ليلتين ماشفت النوم بهالشركة
لمى بنفاد صبر : هسسس لاتزيدها فوق راسي
محمد : يا خيتي كلامو صح يعني لايمت رح ننام معك بالشركة الله يوفقك خلينا نرجع عالبيت يعني بفكرك انا وانت هون رح نقدر نلاقي شي
منذر : اي صح و كمان خلص هاي الشرطة عم تدور ع حلا يعني نحنا هون وجودنا مالو نفع
لمى : خلص روحو و اتركوني انا اختكن الوحيدة هون
محمد : ياعيني ما عم نقول نتركك بس والله عيوني راحو قد ما قريت ملفات بهاليومين
لمى :😔طيب خبروني شو اعمل انا متأكدة الي عم يبعتلي تهديدات من الشركة وكمان انا متأكدة انو هالشخص نفسو بيعرف كل شي و وين حلا هلق
منذر : لقيتاا
لمى بفضول : شو
منذر : انت أول ما بلشتي البحث من مين طلبتي المساعدة
لمى : عاصم
منذر : بس?
لمى : اي بس هوي
منذر : امممم معناها بجوز يكون هوي
لمى : لا ما بتوقع هوي لان عاصم انسان منيح و من زمان بيشتغل هون
محمد: اختي هاي مشكلتك بتشوفي كل العالم منيحه
لمى : امممم والله رح جن ساعدوني حبابين😭
منذر : خلص الحل موجود رح نحط كميرات مراقبة بالشركة و بالأيام الجاية رح نغيب عنها و نراقب تحركات الموظفين كلن عن بعد
محمد : هاد اكوس حل
لمى : اي صح شكرا منذر😭
منذر : اهلا و سهلا هاد واجبي منذر رجل المهمات الصعبة
محمد وهوي عم يضربو ع راسو : اخرااس ولا و هلق قوم خلينا نبلش شغل
لمى : استنو يا شباب
محمد ومنذر سوا : شوو
لمى : رح اطلع بتصريح بث مباشر
محمد : شو انت بعمرك ما نشرتي صورة إلك ع مواقع التواصل الاجتماعي حتى هلق تطلعي بتصريح
لمى : بس انا هلق ما رح اعمل هالخطوة مشاني هاي مشان حلا و لاتنسى الاشاعات الي انتشرت بالفترة الاخيرة عن اختفائها لازم سكت الاعلام و إلا رح يتمادى
محمد : طيب لمى اعملي الشي المناسب و انا اول الناس الداعمين إلك
لمى وهيي عم تبكي : الله يخليلي اياكن يا سندي😭
.
.
.
عند المسا
حلا : ممكن قابل سيادة اللواء
العنصر : انتظري دقيقة
..
العنصر : سيدي في البنت الي اجت مع حضرتكن مبارح هلق بدا تشوفك
ميشيل : خليها تدخل
...
حلا : مرحبا
ميشيل : اهلا و سهلا اتفضلي اجلسي
حلا : سيادة اللوا انا بدي اسألك لايمت رح نبقى هون
ميشيل : آنسة حلا وجودك هون مرتبط بإلقاء القبض على العقرب و إلا حياتكن رح تكون بخطر
حلا : بس هوي ما بيعرف نحنا شو حكينا ولا وين نحنا هلق يعني احتمال كبير ما يشك فينا
ميشيل وهوي عم يفكر : حاليا رح تبقوا هون بس بين ما ندرس الخطة
حلا : بس خطتكن ممكن تطول لتتنفذ
ميشيل : انا متفهم شعورك هلق و الاشاعات الي عم تطلع بخصوص اختفائك بس أول ما تنحل هالقضية وعد مني انو رح نعوضلك كل هالخسارات و رح ننفي هالاشاعات
حلا : طيب فيني طمن بس خالتي و بنتها انو نحنا بخير اكيد بالهن مشغول و انا خايفة عليهن
ميشيل : حاليا بعتذر منك مافينا نخبر حدا ع مكانك و لازم يبقى العقرب شاكك انو اختفائك خطف من قبل أعدائو
حلا : 😔....
ميشيل : آنسة حلا صدقيني هالشي لمصلحتك و إلا اذا ماتعاملتي معنا رح يعتبر هالشي انك متورطة مع العقرب و رح تنسجني بتهمة انك رئيسة الشركة و المسؤولة الوحيدة عن هالبضاعة المهربة
حلا و عيونها مليانة دموع عم تحاول تخبيها : طيب شكرا و عن اذنك اخدت من وقتك
و طلعت بعدها حلا من الغرفة و تصادفت وهيي طالعة مع إلياس وقفت شوي اتطلع فيها و اتطلعت فيه بعيونها الي عم تلمع من الدموع بعدين مشيت بدون ما تحكي و لا كلمة و هوي بهاللحظة حس بضيقة بصدرو
الياس و هوي عم يحكي مع حالو : كلياتنا كنا دمية عم يلعب فيها مع الأسف الشخص الي هوي ابي ، و عما يبدو مو بس انا وحدي الخسران بهاللعبة
..بعدا وقف شوي الياس قدام الباب قبل ما يدخل ل ميشيل حتى استعاد نفسو شوي بعدها دخل
.
.
ميشيل : كنت عم انتظرك
إلياس وهوي عم يجيب قنينة خمر من عالرف : خلص يا خالو انا اتدمرت
ميشيل : انا خالك و سندك و قوتك بهالحياة و طوال ماني موجود مستحيل حدا يدمرك
قعد إلياس و عبى الكاسة و بلش يشرب وهوي عم يحكي بحزن و عم يرسم ابتسامة سخرية ع وجهو : بس خبرني كيف فيني انكر انو الدم الي عم يمشي بعروقي هوي نفسو دم العقرب
ميشيل : إلياس انسى لا عاد تفكر هيك بهالطريقة انت رح تقتل حالك عالبطيء
إلياس : وهو المطلوب إني موت
سكت الطرفين و كمل إلياس شرب حتى سكر عالآخر و بعدها طلع ع غرفتو و هوي عم يتأمل الفيلا و عم يشوف سالي كيف ما اتجه و عم يتذكرها بالانفجار كيف كانت عم تموت بين ايديه 💔
.
.
رامي وهوي عم يضرب ع كيدون السيارة: وينها ما طلعت لهلق
...انتظر رامي كمان دقايق و بعدا طلعت لمى من الشركة
رامي : حتى لو بدي راقبك كل يوم ماعندي مشكلة المهم ما يصيبك شي