عودة إلياس

الجزء الثاني والعشرون

عودة إلياس(الجزء الثاني و العشرون)
خلال الأيام الي مرت لقت حلا شغل محاسبة بمشفى و قررت تفتح بداية جديدة لحياتها هيي و امها و تشتغل حتى تصرف ع حالهن مال حلال و استسلمت لفكرة السكن مع بيت خالتها هالفترة لان امها بالعدة و ما بتقدر تتركها لحالها بالبيت خاصة و قت بتكون بوقت العمل
..............................
كان أول يوم شغل ل حلا و تعرضت لكتير مواقف جارحة خاصة من الاشخاص الي بيعرفوها إنها رئيسة شركة و هلق هيي مجرد موظفة خلص عمل اليوم بالمشفى و بعدها طلعت حلا و صارت تسوق بسرعة و هيي مقهورة
بعدين وقفت حلا السيارة و سندت راسها عالكيدون و صارت تبكي
و عند رفعت راسها لمحت إلياس كان طالع من محل و معو إزازة خمر و بعدها دخل سيارتو و مشي فيها بسرعة
بهالوقت كانت حلا عم تراقبو بنظرها من بعيد و هيي عم تبتسم رغم ألمها و عم تقول : غبي بفكرك هالخمر رح ينسيك انك ابن العقرب
بعدين سكتت شوي و قالت :مابعرف كيف و ليش و شلون بس ....
اتنهدت حلا و بقيت ساكتة و بعدها مسحت دمعاتها و شغلت السيارة و كملت طريقها...
.
.
عند إلياس كان عم يمشي بسيارتو بالشوارع و هوي مشغل ع أغاني حزينة و عم يستعيد ذكريات حياتو من وقت ما وعي عالدنيا لهاللحظة هاي .
... .. . ... ...... .....
بعد مرور اسبوع
العنصر: سيدي ما عم نلاقيه و كل ما لقينالو أثر بمكان بيرجع بيختفي مننا
رامي بغضب : لإيمت يا إلياس لإيمت
.
.
عند حلا كانت هيي و امها بالغرفة لحالهن
ام حلا :كيف الشغل
حلا : منيح
ام حلا : شبك باين عليكي مقهورة
حلا : اليوم رح يصير المزاد
ام حلا : بعين الله
حلا : ونعم بالله
ام حلا : خلص بنتي انسي أمر البيت ليكي عايشين هون و هاي الله عوضك بالشغل بالمشفى بدال الشركة
حلا : إمي انا مو مشكلتي مع الشغل مشكلتي انو كرامتي انمسحت بالاراضي بتعرفي الاعلام شو عم يحكي 😔
كلن ملتهيين بس بالحكي عني افلاسنا و خسارتنا
بعدها كملت حلا الحكي بإستهزاء : وهاي الحمدلله الله بيض وجهنا بقصة الخطف و عرفوا الكل انو كانت الشرطة عم تحميني و إلا الاشاعات الي طلعت كانت رح تبقى ملاحقتني لموت
ام حلا و هيي عم تبكي :يعني شو اعمل اقتل حالي و الله بعرف انتي ما دخلك و كل الحق عليي اني تجوزت هيك انسان و رضيت عيش بأملاك ابي و ما عرفت اعمل متل خالتك اتجوزت ع كيفها و أسست اسرة بعيدي عن حيات جدك بس ما قدرت والله ما قدرت حكم القوي عالضعيف
حلا : خلص ماما بكفي بكى انا بعتذر منك و ماكان قصدي اجرح مشاعرك
.
.
عند إلياس
فتح باب بيتهن و صار يتطلع حواليه و هوي عم يتذكر آخر مرة اجى فيها عهالبيت كان إلياس بهاللحظة بحالة سيئة كتير بإيدو إزازة خمر و عم يمشي بدون توازن و كيف ما اتطلع عم يشوف لورين و جوزيف وكان عم يحكي مع حالو و هوي سكران : ماما لك قال انا مو انا قال انا صالح
بعدها صار يضحك إلياس ضحكة ألم و كمل : ماما لورين تعي احكيلي انا صالح و لا الياس هههههههه لأ لأ لأ انا روبر ههههههههه
و بعدها الياس عصب و صار يكسر كل شي حواليه و صار يعيط بصوت عالي : لك حدا يخبرني مين انا ..انا ميييين شو هيي هويتي مسلم ولا مسيحي انا ابن المجرم العقرب و لا ابن اللواء جوزيف
بعد مافرغ إلياس كل عصبيتو بالعياط و التكسير هون بلش بطنو و خواصرو يوجعوه و ماعاد يقدر يتحمل و قعد بالأرض و هوي دوخان و ماسك بطنو
..... ....... ...........
بالمزاد العلني
كانت لمى واقفة وهيي عم تشهد ع بيع أملاك بيت خالتها قدام عيونها و طبعا حلا كانت رح تجي بس ما قدرت لانها كانت بالشغل
.
كان المزاد أول شي عالشركة
____: 40 ألف دولار مين بزيد
____: أنا 43 ألف دولار
____: بدفع 43و نص
____: 47ألف دولار
____: 50ألف
____: 50ألف مين بزيد ... البيع وقف عال 50حدى بزيد
و بعدين بلش العد التنازلي حتى يعلنوا توقف المزاد و فجأة وقف شخص و قال : انا بدفع 60
الكل سكتوا و انصدموا بالسعر و عند التفتت لمى لتشوف مين هاد لقت انو رامي و اتذكرت فورا لما قابلتو بالشركة
..وقف السعر عال 60 و محدا زاد عليه و تم البيع ل رامي
و بعدها كمان رامي اشترى البيت و بعد الانتهاء راح رامي لعند لمى حتى يسلم عليها
رامي : كيفك آنسة لمى
لمى و هي عم مقطبة حواجبها: الحمدلله
رامي : شو ما عرفتيني
لمى بإستهزاء: اي بظن اني بعرف شخص بهالشكل بس اسمو يمان وكان عم ينتظر مقابلة العمل لوظيفة محاسبة
رامي وهوي عم يضحك طالعلها هويتو و هيي انصدمت لما شافتها وقالت بصوت واطي : حضرتك ضابط
رامي : آنسة لمى أنا كنت من المستلمين قضية شركتكن و لهالسبب دخلت ع اساس بدي اشتغل فيها موظف
لمى بحزن : طيب وشو الغاية هلق من شراء الشركة
رامي وهوي عم يبتسم : حتى ترجعلكن
لمى بصدمة : بجد
رامي : رح تكون الشركة هدية إعتذار مني للآنسة حلا بس بتمنى ما تخبريها بهالشي حاليا
لمى وهيي متوترة : ماشي
رامي : اممم انسة لمى ممكن اسألك سؤال
لمى : اتفضل
رامي : اذا شب متلي تقدم ليخطبك بتقبلي فيه?
لمى و هيي خجلانة حكت بصوت هادي : مابعرف
وبعدها مشيت لمى و بس بدها تهرب من هالمكان