عودة إلياس

الجزء الثامن عشر

عودة إلياس(الجزء الثامن عشر)
ميشيل : رح سافر و آخد إلياس معي ع لوس أنجلوس
رامي : شو مشان العقرب?
ميشيل وهوي حاطط إيدو ع كتف رامي : رح وكلك المهمة كاملة لإلك صح هالشي صعب بس إلياس بعد ما عرف الحقيقة ماعاد يركز أبدا و صار لازم نبعدو عن هالقضية
رامي وهو عم يتنهد : سيدي اعمل الشي المناسب و أنا تحت أمرك بس إلياس وافق عالسفر ?
ميشيل : ان وافق أو لأ خلص انا قررت ..كمان هنيك عنا شغل و كان لازم يروح معي واحد منكن بس بظن الأفضل إني آخد إلياس حتى يسهى شوي وينشغل بغير أمر
رامي : قرارك صائب و بوعدك رح اعمل جهدي حتى اقتل العقرب بإيدي التنتين
ميشيل بإبتسامة : صح الرب ما بعتلي أولاد ذكور بس بظن عوضني فيك انت و إلياس لما بعتلي إياكن
رامي : 😊 تسلم يا غالي
. . . . . . . . .
كانت حلا بالغرفة قاعدة مع إمها
حلا : شبك ماما مو ع بعضك
ام حلا وهيي عم تلمس ع راسها : راسي عم يوجعني كتير
حلا : رح اطلع شوف شي حدا يعطيني حب وجع راس
ام حلا : ياريت لان عما يبدو الشقيقة رجعتلي
.....طلعت حلا من الغرفة و هيي متحجبة و لابسة تياب من الي بعتلها اياهن ميشيل ...و كانوا عبارة عن قميص لونو زهر للركبة و فوقو جاكيت جينز قطش ع بنطلون جينز و حاطة شال لونو ابيض و زهر
.........
كانت حلا عم تدور بعيونها ع حدى تطلب منو الدوا مشيت كام خطوة بالكردور بعدين مرقت من جنب غرفة إلياس الي كان بابها مفتوح لقتو واقف مستدير ع طرف و بإيدو صورة كان باين عليه غرقان بعالم الأحلام و هوي ماسك هالصورة قربت شوي كانت بدا تطرق الباب بعدين رجعت ل ورى بدون ما تدق و كملت وهيي عم تدور ع حدى تاني و فجأة سمعت صوت ناداها من الخلف
اندارت حلا لقتها مرة بعمر ال 47 ملامح هالمرة كانت بسيطة شعرها قصير و وجها كتير رايق
ماريا : خير حبيبتي لازمك شي
حلا : خالة انا عم دور ع حدا يعطيني مسكن آلام لإمي راسها عم يوجعها اذا ممكن تساعديني
ماريا : تكرمي من عيوني امشي معي حتى اعطيكي
...مشيت حلا مع ماريا و مروا من جنب غرفة إلياس و وقفت ماريا عندا
وقفت حلا معها بس بقيت ع جنب و ماريا عم تدق الباب فاق إلياس من شرودو ع صوت الباب
إلياس بلهفة : ماما ماريا شو عم تعملي هون
ماريا : قلت اذا ابني ما ع بيجي لعندي انا بجي لشوفو
إلياس : بعتذر عن تقصيري معك بس بتعرفي انتي ضغوط العمل
ماريا : طيب مو مشكلة بسامحك بس اذا بتعطيني حبوب ل وجع الراس
إلياس : ليش راسك عم يوجعك مرضانة شي
ماريا بإبتسامة : لا لاتخاف الدوا مو إلي هوي لإمها لهالصبية
و أشرت ماريا بإيدها ع حلا
طول هالوقت كانت حلا واقفة عم تشوف الموقف وهيي ساكتة و مفكرة انو ماريا امو لإلياس و ما الها خبر انها زوجة ميشيل بس إلياس بحبها و بيحترمها كتير
إلياس بإستفهام وهوي عم يحكي بهدوء : عجب طالعة من غرفتك وما خبرتي الحارس
حلا : بس مافي أي حارس لخبرو و إمي معها شقيقة مافيني انتظر حتى الحارس يجي
إلياس بغضب : بعدين بشوف شغلي معو
ماريا بهدوء : حبيبي اشبك أمر بسيط متل هادا ما بيستاهل العنف و الغضب
إلياس و هون هوي حس ع حالو وبلش يبرر الموقف : بعتذر عن ردة فعلي بس خفت انها تضيع و البيت كبير
حلا و الدمعة بعينها: بس الحمدلله ماضعت و هلق اذا موجود معك مسكن آلام ياريت تعطيني و اذا مو موجود لإرجع ع الحبس
بعدين سعلت حلا و قالت : عفوا ارجع عالغرفة
سكت إلياس شوي بعدين قال : عندي سيتامول بس بظن ما بفيد لحالات الشقيقة بإمكانك هلق تروحي و بعد شوي بيجي الدكتور بشوفها
حلا : عن اذنك
بعدين اتطلعت ع ماريا و قالت : شكرا خالة عذبتك معي
اندارت حلا و صارت تمشي و هيي راجعة لعند امها و دموعها بدون إذن بلشت تنزل و هيي تمسحهن بسرعة حتى تفوت ع الغرفة وهيي بصلابتها و ما تخلي إمها تشعر بشي
إم حلا وهيي حاسة راسها رح ينفجر من الوجع : بنتي ان شاء الله لقيتيلي دوا
حلا : هلق جاي الدكتور يشوفك
إم حلا : اااخ ياربي دخيلك ياريت ما يطول ليجي
حلا : ان شاء الله ما بطول
بعدين قربت حلا من إمها و بلشت تقرألا عليه قرآن بين ما يجي الدكتور
.
.
ماريا : ابني ليش هيك عاملت البنت حرام باين عليها ظريفة و حبابة
إلياس : بعتذر ماما ماكان بقصدي هالشي بس الحارس مابصير يتركهن ويروح وين مابدو
ماريا بحزن : انت هيك متل خالك و كل واحد بيشتغل بمجال السياسة بحس ماعندكن قلب
صفن إلياس شوي بعدين قال : بالفعل ماعنا قلب
ماريا وهيي عم تتنهد : الله يهديك
بعدين راحت ماريا و بقي إلياس عم يلوم حالو ع ردة فعلو مع حلا رغم انو ما دخلها و الحق ع الحارس
.
.
.
أخد إلياس الدكتور لعند إم حلا و كان إلياس بهالوقت كتير لطيف بتعاملو معها يمكن حس إنن عم يعيشوا نفس الألم و يمكن لأنو بشوف بكل مرة بهالعمر إمو لأنو عاش محروم من إمو الحقيقية و لما كبر و تعود ع لورين كمان خسرها ... فحص الدكتور إم حلا و عطاها أدوية و طلب منها انها تطلع عالجنينة شوي حتى تتنفس الهوى النقي و تغير شوية جو
و بعد ماراح الدكتور طلب منهن إلياس تنفيذ كلام الدكتور و عند العصر يبقى ينزلوا عالجنينة و بعدا طلع إلياس و راح ع غرفتو غير تيابو لبس بنطلون جينز و قميص ابيض قام برفع أكمامو شوي و حط جيل و مشط شعرو ل ورا و نزل لعند ميشيل و هوي عم يتظاهر انو بخير و استرجع صحتو
ميشيل : شو شايفك مصحصح
إلياس : ماتعلمنا الظروف تغلبنا ممكن نتعرض لبعض الخيبات و نوقع ببعض الأحيان بس لازم نرجع نوقف مو هيك انت علمتنا خاال
ميشيل بإبتسامة : هاد هوي إلياس الي بعرفو
إلياس و كان جايب معو ملف حطو عالطاولة قدام ميشيل و قال : هون بتلاقي كل المعلومات عن العقرب و الأماكن الي اتواجد فيها بالمرات الأخيرة و الأماكن الي ممكن يتواجد فيها هلق خاصة انو لساتنا متأكدين هوي بسوريا
ميشيل : تمام هالخطوة رائعة بس لسا ما رح ننفذها هلق
إلياس بإستفسار : ليش?
ميشيل : رح يجتمع السفير الأميركي و السوري و عدد من السفراء ب لوس أنجلوس و نحنا لازم نكون موجودين
إلياس و كأنو الحكي ما عجبو : اي يجتمعوا شغلنا شو دخلوا فيهن
ميشيل : عم قلك لازم نكون موجودين رح روح انا و انت لهنيك
إلياس و هوي عم يحاول يخبي غضبو: طيب انت رح تروح ع كيفك بس ليش لحتى أنا روح يعني معقول مابقي لهالمهمة حدا غيري
ميشيل : اي مافي حدا قد هالمهمة غيرك حماية السفير من واجبنا و انت اكتر حدا ممكن اوثق فيه
إلياس : خود رامي انسان منيح و قد هالمهمة
ميشيل : بس إنت المرشح الأفضل لهالمهمة صار زرت أميركا كذا مرة و بتعرف لوس أنجلوس منيح و بتعرف تحكي أميركي بطلاقة يعني بإمكانك تتحرك هنيك بكل رياحة أما رامي ما بيمتلك هالمقومات
سكت إلياس شوي بعدين قال : مافيني اترك قضية العقرب
ميشيل : مارح نطول هنيك و الخطة هون بكون رامي درسها عالسوا بين ما نرجع و بكون اكتشف مكان تواجد العقرب
إلياس بغضب : هدول هلق وقتهن يتقابلوا مع بعض
ميشيل بهدوء : هاي هيي السياسة مافينا نغير فيها شي
إلياس : طيب ايمت الاجتماع
ميشيل : 25الشهر
إلياس : يعني بعد بكرا
ميشيل : اي نعم و نحنا بكرا رح نسافر
إلياس ع مضض : ماشي
و بعدا طلع إلياس وهوي معصب و ما عم يشوف قدامو و نادى : جووورج
جورج بخوف : نعم سيدي
إلياس : جبلي شمبانيا إلحقني فيها ع غرفتي
جورج : حاضر
طبعا جورج بكون خادم و الرايح و الجاي بعيط عليه و هوي عبارة عن ختيار مهرهر و صاير ملطشة الكل لما يكونو معصبين 😂 و لما بيهدو بيعتذرو منو و بتكون معاملتن معو كويسة و هوي اتعود عهالشي .
................ ..... ...... ...... ......... ....
بعد ساعتين
رامي وهوي عم يمشي داخل عالفيلا و عم يغني: ياهوى روح و قلو قلو كتير اشتقتلو و لو بدو عمري كلو بعطييه
فجأة رن تلفونو
رامي : شو الاخبار
___: معلم كلو تمام بس بدي خبرك انو الآنسة طلعت من البيت هلق
رامي : ابقى مراقبها و خبرني خطواتها أول بأول و اصحك تغيب عن عينك
___: حاضر معلم
سكر رامي المكالمة و هوي عم يحكي مع حالو و يبتسم : لمى انا واثق انك بريئة من هالمستنقع و رح احميكي مهما بلغ التمن ومتل ماقالو ( سأراقبك من بعيد و إن حاولو أذيتك سأقترب ).
إلياس وهوي نازل من عالدرج : شو هاد انت عنا
رامي : مو عاجبك وجودي لف و ارجع
إلياس : لاا انت بتعرف انك مسكن آلامي و انا هلق بحاجتك
رامي : خير شو صاير معك
إلياس : امشي نقعد هنيك و نحكي
.....
إلياس : بدي روح بكرا ع لوس انجلوس
رامي وهوي عم يتظاهر انو ما بيعرف شي : بجد ليش
إلياس : مهمة مع خالي ميشيل
رامي : بالتوفيق غالي
إلياس : رامي بهالفترة حملك رح يكون كبير بس انا معتمد عليك و مابدي العقرب يطلع من سوريا و ما نقدر نقبض عليه
رامي : ولايهمك حزنك حزني و عدوك عدوي و رح اعمل جهدي عهالقضية
سكت إلياس شوي بعدين قال : بس حاول لا تقتلو
رامي : ولايهمك مارح يصير إلا الي بدك اياه
إلياس : بهالفترة انتبه ع حالك منيح و لاتروح ع مكتبنا و خلي الشباب يختفوا عن الانظار هالكام يوم لان اكيد العقرب عم يعمل جهدو ليكشفنا
رامي بإبتسامة : وشو كمان يا حضرت الضابط
إلياس وهون انتبه ع حرصو الزايد ف ابتسم ابتسامة بسيطة و قال : و لسا اذا بتبقى هون هالفترة بكون ممنونك
رامي : هههههه لا هيك كتير بدك سيادة اللوا يقلعني بس ع كلن بدون ما تطلب مني انا فضيت مستودعات الأسلحة والذخيرة الي ب اسم روبر و اغلقت مركزنا و رح اختفي حاليا عن الانظار و استقر ببيت قريب من الفيلا حتى ابقى على علم بكل التطورات
إلياس : امممم معناها انت بتعرف بشغلة السفر.
رامي : آاا لا مابعرف ، يعني هوي أنا عملت هالخطوات من قبل ما اعرف عن قصة السفر
إلياس و هوي عم يحرك براسو كأنو مو مصدقو : ايييه الرب يعينك ع كذبك
رامي: 😅😁
.
.
تاني يوم الصبح طبعا كان إلياس بيعرف انو ميشيل عمل هالشي قصدا حتى يبعدو عن العقرب هالفترة و يرجع يركز بشغلو من أول وجديد و لقى إلياس انو هالشي حاليا رح يفيدو لأنو مشوش كتير
.
ميشيل وهوي عم ينادي من الصالون : اتأخرنا يا حضرت الضابط
إلياس و هوي عم ينزل من عالدرج وكان لابس تياب رسمية لونها أسود و حاطط نضارة سودا و سماعة بلوتوث بإدنو و باين ع شكلو الهيبة و شغل مخابرات
إلياس : ليكني خلصت
ماريا : العدرا تحميك
إلياس : الرب يسلمك
ماريا : لا تطولو الغيبة رح اشتقلكن
إلياس و هوي حاضنها : تكرمي يا ست الكل
إلياس وهوي لساتو حاضنها حكى بصوت واطي : البنت و امها أمانة عندك بين ما نرجع
ماريا بإبتسامة : ولايهمك هني بعيوني
بعدين بعد إلياس عن ماريا بهدوء و ودعت ماريا زوجها ميشيل و طلعوا إلياس و ميشيل و راحوا لمهمتن الجديدة .
و بعد ماراحو طلعت ماريا لعند حلا و إمها
ماريا : صباح الخير
حلا : صباح النور
ماريا : كيفها الوالدة اليوم
حلا : الحمدلله أحسن
إم حلا : الحمدلله صرت افضل و شكرا ع اهتمامكن
ماريا : ولو هاد واجبي
حلا : تسلمي خالة
ماريا : شو رأيكن ما بتنزلو تفطروا معي بالصالون
إم حلا : إلنا الشرف نقعد معك بس ما منريد نتقل عليكن
ماريا : لاا لاتفكروا هيك ابدا بالعكس الرب بعتلي إياكن حتى نتسلى سوا
حلا : خالة بس ممكن سؤال ?
ماريا : اتفضلي ياروحي
حلا: انتي يعني إمو للضابط إلياس
ماريا بإبتسامة : إمو ومو إمو
حلا بإستغراب : كيف يعني ما فهمت عليكي?
ماريا : امشوا معي هلق نفطر و بعدها في كتير شغلات رح نحكي فيها و بخبرك
كيف بكون إلياس ابني رغم انو مو ابني
حلا : ماشي😀
.......
عند لمى
منذر وهوي جاي من غرفتو لعند لمى و بإيدو اللابتوب
منذر بلهفة : كشفتوو عرفتو مين
لمى : بربك
منذر : خدي اتفرجي
أخدت لمى اللابتوب من أخوها و بلشت تشوف كيف بغرفة مكتبها فات عاصم و هوي عم يفتش بالمستندات و الأوراق و كان شكل عاصم متوتر بعدين حكى مكالمة مع شخص و طلع لمكتبو بقي عم يشتغل شوي بين ما وصل هالشخص
___: السيد العقرب معصب كتير منك
عاصم بغضب : لك هاي الجدبة صرلا يومين ما اجت و عم حاول اتصل فيها ما عم ترد
___: بس هاي مو شغلتنا و الأوراق لازم تتوقع حتى البضاعة تمر
عاصم : خبر العقرب انو الأمور رح تمشي تمام و انا رح إتولى الأمور مع المديرة و قوي عيار التهديد عليها
الشخص بإستفسار: طيب شو عم يصير معها ليكون كشفت شي
عاصم : لاا انا متأكد ما بتعرف شي و بالأصل هيي غايبة عن الشركة لأنها عم تبحث بالملفات القديمة
___: خليك حذر منها
عاصم : لا تقلق انا خفيت كل الأوراق
___: تمام
عاصم بخبث : صحي ما خبرتني هالمرة مين الي رح ينفذ
الشخص التاني و هوي عم يضحك بإستهزاء : انت دخل البضاعة بالأول بعدين فكر بموضوع زراعة القنابل
عاصم : بدي مساعدتك بهالأمر
___: من الآخر شو بدك?
عاصم : ازرع المتفجرات مقابل اني إملك الشركة يعني سياسة الخال جعفر
___: هههههه اذا هيك الشغلة بسيطة بس متل ما خبرتك دخل البضاعة بالأول
عاصم : ماشي
..وبعد ماراح هالشخص
دخل عاصم ع غرفة مكتب لمى و قعد ع كرسيها ورا المكتب و صار يحكي بخبث : لمى التهديد عما يبدو ماعاد ينفع معك و صار لازم استخدم الأساليب التانية ...
.
.
خلصت لمى المقطع و هيي متفاجئة
منذر وهوي عم يهزها : لمى خبريني انتي بإيش عم تشتغلي و شو هيي هالبضاعة الي لازم توقعي عليها
لمى : قوم معي
منذر : لوين
لمى : هلق قوم بسرعة و بلا حكي
.........