شرطية صعيدية

البارت(11)

في بيت صباح وعز (جميله وسامي)ومعاهم مهاود....
التركيبه اللي شربها مهاود في العصير مش عارفين عملت مفعول ولا لا...و صباح وعز كانو من جواهم قلقانين للخطه تفشل.....ويكون نصب عليهم في حكايه التركيبه دي.....فقررو يجربوا مع مهاود الاول

سامي كان جوه في الاوضه وجميله قربت من مهاود:بقولك ياشيخ

مهاود:قولي ياست البنات

جميله بهمس:هو انا المفروض استخدم التركيبه اللي اديتهالي امتي

مهاود:مش دلوقتي....خليها ان شاء الله بعد مانتجوز

جميله:اي ده....ليه؟

مهاود:بصراحه لاني مش ضامن التركيبه هنشتغل ولا لا

جميله:وهو انت بتضحك ع الناس وتديهم حاجات زي اللي ادتهالي دي

مهاود بتوتر:لا طبعا...والا محدش كان جالي عشان اعملهم اعمال وحاجات من دي...واصلا التركيبه اللي اديتهالك دي انا لسا عاملها...ومجربتهاش علي حد لسا...ومش عايزك انتي تجربيها دلوقتي...غيرلما اتأكد من مفعولها الاول

جميله(صباح)اتأكدت ان مهاود كان بيضحك عليها...وان التركيبه معملتش مفعول ولا حاجه...خصوصا انه شرب العصير اللي فيه الماده كله....وسامي(عز)كمان اتأكد من نفس الموضوع...لانه سامع كل حاجه عن طريق الفون اللي صباح فتحاه علي مكلمه مع عز

سامي(عز)خرج من الاوضه وبص لجميله نظره فهمتها

سامي:معلش اتأخرت عليك ياشيخ بس كنت بعمل مكلمه

مهاود:ولا يهمك يابشمهندش

جميله:طب انا هقوم احضر العشا

مهاود:طب مقولتيش ياعروسه رايك اي؟

سامي:نتعشي بس الاول ياشيخنا...ده الصبر حلوه

مهاود:وماله نصبر....الصبر بردو مفتاح الفرج

جميله دخلت المطبخ....وحضرت العشا وحطت منوم فيه
****************************
في مستشفي الشرطه
مازن كان بيزور احمد وقاعد معاه

مازن:دراعك عامل اي دلوقتي

احمد:الحمد لله....بكره ان شاء الله اخرج من هنا

مازن بضحك:ايوه ياعم بقي....هتاخد اجازه شهر في البيت يابن المحظوظة

احمد:الله يخرب بيتك.....الله يخرب بيتك يا مازن.....بتنوق عليا حتي وانا تعبان وواخد طلقه وفي المستشفى

مازن ضحك:لا انا مش بنوق....انا بقور بس

احمد:يارب تاخدلك طلقه في عنيك الاتنين عشان ارتاح وترتاح البشريه من نققك

مازن بدلع:اخص عليك ياأحمد كده اهون عليك

احمد:امي يلا