شرطية صعيدية

البارت(10)

بليل🌃
عز قاعد مستني مهاود يجي.......وصباح في اوضتها بتجهز.....عز بيرجع احداث الصبح
Flash
صباح فاقت من خشوعها في صلاتها علي صوت رزع البلكونه....فسلمت وخلصت صلاه وبعصتله بزهول وغضب

صباح بدهشه وغضب:نهار ابوك اسود!

عز بتفاجا من رد فعلها:نعم يااختي

صباح بزعيق:نعم لله عليك ياخوياا،ااا

قاطعها عز بغضب:وطي صوتك ياصباح

صباح بغضب اكبر:انت ازاي يا حيوان انت تدخل عليا الاوضه

عز:اولا الحيوان ده انتي مش انا.....ثانيا انا خبطت عليكي كتير وتقريبا لنتي مكنتيش حاسه....فقلقت ليكون جرالك حاجه.....فدخلت ولقيتك بتصلي ولقيت واحد في البلكونه عمتل يبص عليكي وانتي اصلا ضهرك للبلكونه......وده كله وانتي مش حاسه...انا مش بلومك علي انك كنتي مع ربنا....بس قبل ماتهبي زي الجموس في الناس افهمي الاول.....وانا كنت داخلك عشان ابلغك ان مهاوي جاي النهارده.....يعني تجهزي نفسك...لو اللي احنا عايزينوا حصل...كده القضيه هتخلص علي النهارده او بكره

خرج عز من الاوضه بغضب ورزع الباب وراه جامد...لدرجه ان صباح اتخضت...... وفضلت تفكر في كلامه.....هي غلطت اه....بس برضو انا معذوره....يارب الهمني الصواب....وبعديها افتكرت شتيمه عز ليها

صباح بزهول:انا جموسه!!!؟
Back
فاق عز علي صوت جرس الباب....فتح عز الباب وكان مهاود

عز(سامي)بترحاب:اهلا اهلا ياشيخنا

مهاود بفرحه:السلام عليكم

سامي:وعليكم السلام ياشيخ اتفضل..اتفضل..نورتنا

مهاود قعد:بنورك يابشمهندش....اكيد حضرتك عرفت بقي انا جاي ليه

سامي:اه جميله قالتلي انك فاتحتها في الموضوع......بس مش الاوصول بردو انك تقولي انا الاول

مهاود بحرج:معلش بقي.....انا قولت بس اجي نبضها....واهي خلاص ان شاء الله كلنا هنفرح

سامي:ان شاء الله

مهاود:امال فين العروسه

سامي:قبل ماالعروسه تيجي....نتكلم احنا الاول

مهاود:نتكلم يابشمهندس وماله

سامي:حضرتك متجوز اتنين.....واختي ارمله...ليه عايز تجوزها

مهاود:الشرع محلل اربعه.....والست جميله ميعبهاش انها ارمله لاا.....ده الرسول عليه الصلاه والسلام

سامي:عليه افضل الصلاة والسلام

مهاود:كانت كل زوجاته ارامل معاد السيده عائشه راضي الله عنها

سامي:ايوه الكلام ده علي راسي....بس اضمن منين ان اختي تعيش مستريحه مع مرتاتك.....وانها تبقي مرتاحه معاك