صباح الخير🌎
صلوا ع النبي🤎
واذكار الصباح💜
•••••••••••••••••••••
صباح بعد مكالمه طاهر استأذنت من والده احمد ونزلت ركبت عربيتها وعملت اتصالتها وعرفت المستشفي اللي فيها نرمين وراحتلها.
••••••••••••••••••••
في بيت احمد..قاعد هو ومازن في الڤرندا
مازن:لا بس انت اڤورت اوي يااحمد
احمد بعصبيه:انا اڤورت..انت شايف كده
مازن:اه شايف كده..ده انت كنت عامل زي الطور الهايج..ونطحت في صباح من غير سبب...انا كنت فاكرك بتبقي عصبي في الشغل بس..بس لا..طلعت عصبي مع كله..مبقتش تفرق ما بين الناس العاديه و المجرمين اللي بنتعامل معاهم..مش عشان بتكره صباح تعمل كده فيها..ولا من حقك تعمل اللي عملته مع اختك قدامنا...اا
احمد قاطعه:لا بقولك ايه..ملكش دعوه بأختي..انا اعمل فيها اللي انا عايزه ومحدش يدخل..عايز تدافع عن صباح براحتك..شكلها حليت في عينك انت كمان
مازن بصله بهدوء:مش هرد عليك عشان عارف انك في عز عصبيتك دلوقتي...وهعمل نفسي مسمعتش حاجه عشان منزعلش من بعض..لان ساعتها عمر لساني مايخاطب لسانك الا في حدود الشغل بس..وانت عارفني وعارف لما بقطع وبزعل بجد...نرجع لموضوعنا(مازن ولع سيجاره)عصيبتك دي ليه؟
احمد سكت ومردش..مش عارف يرد عليه بي ايه..حاسس بالذنب نحيته ونحيه صباح ونحيه امه واخته..هو عكها جامد
مازن:مش لاقي اجابه..ولا بتاكبر ومش عايز تجاوب...مش عايز تقول انك بتغطي بعصبيتك علي احساسك بالذنب..انت عارف انك غلطان ودي حاجه كويسه لانك تقدر تصلح غلطك...بس خلي بالك لتزود الغلط بغلط اكبر..اصلك بقيت غشيم اوي ياحمد
احمد غير الموضوع:انت مش هتقولي ايه اللي حصل مع سلمي..وازاي وصلت ليكوا
مازن طفي السيجاره:لا ده مش تخصصي..صباح رفضت تقولك وراحت قالت لامك انت..فلو عايز تعرف ايه اللي حصل عندك امك وصباح..بس وانت بتسمع الموضوع عايزك تكون هادي وتستوعب وتشغل عقلك ومتتسرعش عشان التسرع دايما بيودي في داهيه...انا همشي بقي....واه صحيح..بعد ماتسمع من امك الحكايه ابقي اسمع من اختك..ونصيحه عشان انت صحابي..طريقتك مع اختك غلط جدا..انا عارف انك خايف عليها..وده بسبب عقدتك من البنات اللي بتصاحبهم..وخايف اختك تبقي زيهم.. اختك محترمه يااحمد وزي الفل..انت بس بطل طريقه تعاملك معاها..لان الطريقه دي هتخليها تمشي في الطريق اللي انت خايف انها تمشي منه..هقول تاني يااحمد..لو اختك عملت اي غلط هتبقي انت السبب..دي مش طريقه تربيه..وانا حذرتك كتير من موضوع البنات اللي بتعلقهم بيك دول...فمتجيش عايزه اختك شريفه ومحترمه وطاهره..ربنا ممكن يعاقبك فيها..كما تدين تدان...فقبل ما تلوم عليها لوم علي نفسك..غلط فيك من اول مش فيها
احمد بسخريه:ها..بقيت محلل نفسي يامازن..ماده علم النفس اللي واخد فيها ماجستير نفت اهيه
أنت تقرأ
شرطية صعيدية
Açãoياجماعه انا اول مره اكتب روايه ومحتاجه تشجيع بليز وياريت رايكم بصراحه ☺️☺️❤️🌹
