شرطية صعيدية

البارت(25)

#شرطية صعيدية

بقلم♡هنا ابو عرفه
•••••••••••••••••••
احمد قاعد علي سريره بيفكر في كلام والدته

Flashback
احمد بعد ما مازن مشي..قعد في الڤرانده شويه يفكر في كلام مازن..نفض كلامه من دماغه ودخل يشوف والدته فين..لقاها قاعد في اوضتها بتقرأ قرآن

عفاف:صدق الله العظيم..كويس انك جيت عشان اتكلم معاك

احمد:هتقوليلي بقي ايه اللي حصل ولا هتعملي زي مازن وتقوليلي روح لصباح تقولك هي

عفاف:لاتروح لصباح ولا لغيرها..تعالي اقعد جنبي وانا هحكيلك.

احمد قعد جمبها وربع ايده:اتفضلي ياامي

عفاف:انا عارفه انك بتحب اختك وبتخاف عليها وده حقك..بس اللي مش من حقك هو اللي بتعمله فيها

احمد:وهو انا عملت ايه

عفاف:خليتها تخاف و تبقي جبانه..خليتها معندهاش صحاب وانطوائيه..خليتها متعرفش تتعامل مع الناس بسبب انك مانعها تكلم مع اي حد غريب..كل ده خلاها تخبي علينا

احمد:انا مش فاهم حاجه..هي خبت ايه علينا

عفاف كملت:اختك كانت محتاجه منك حنيه..مش محتاجه انك تخوفها منك وتقعد تأمرها وتمنعها تيعيش حياتها زيها زي البنات.

احمد:انا يماما مكنش قصدي اعمل كل ده..انا كان قصدي احميها..اديكي شايفه شغلي وخطورته..واديكي شايفه الدنيا مفيهاش امان..البنات بقت كلها بتقلع عشان تجذب الولاد وعشان الشهره والفلوس..الولاد بقت عامله زي الحيوانات بيفترسوا اي لحمه قدامهم..حالات التحرش الاغتصاب والقتل بقت بتجيلنا كل يوم زي الرز...شوفتي كام حاجه انا خايف منها عليها..مش زي ماانتي بتقولي..انا مقصديش امنعها تعيش وانها تصاحب..انتوا ليه فهمني غلط.

عفاف بهدوء:طب وضربك ليها النهارده

احمد بإندفاع:ده كان بدافع الخوف..سالتك قولتك فين سلمي مرضتيش تقولي وكدبتي عليا وبعد ما اعصابي تلفت من الخوف  الاقيها جايه الساعه 3الفجر مع اتنين ظباط بصرف النظر عن انهم معرفه..عايزاني اعمل ايه..اعمل ايه وصباح بتقولي اهدي وبتشد سلمي ناحيتها اللي هو مش هتعرف تعملها حاجه انا بحميها منك..ها ياامي..حقي ده ولا لا..حقي اخاف ولا لا.

عفاف:طب خلاص سيبك من كل ده..انا هحكيلك اللي حصل..بس اوعدني تسمع اختك وتفهمها وتفهمك براحه

احمد بهدوء:قولي ياماما

عفاف:اختك النهارده قالتلي انها عايزه تنزل مع اصحابها.

عفاف سكتت فقال احمد:وبعدين ياماما..كملي

عفاف بقلق منه: بصراحه صباح قالتلي ان هي كانت... كانت..

احمد: قولي ياماما متخافيش

عفاف: قالتلي ان هي كانت قاعده مع واحد زميلها في كافيه.. والبوليس كان رايح يقفل الكافيهات دي عشان الطلاب اللي بيسيبوا دروسهم وبيروحوا يقعدوا فيها.. فخدوا سلمي والولد اللي معاها.. عشان يعني يخوفوا بقيت العيال اللي بيروحوا الكافيهات دي