شرطية صعيدية

البارت(30)

بسم الله الرحمن الرحيم🌺💛

#روايه_ شرطية صعيدية👮🏿‍♀️

#بقلم_هنا ابو عرفه🖋

قربنا نودع شرطية صعيدية💔
✉️✉️
صباح راجعه هي ومازن من القصر وفي طريقهم لدار صباح والدنيا ممطره جد.. شافو من بعيد ناس كتير متجمعه حولين الدار

صباح بقلق: في ايه

*جريت صباح وحاولت تعدي من بين الناس اللي اول ما شافوها فتحولها الطريق عشان تعدي ووراها مازن.. صباح بصدمه شافت ابوها غرقان في دمه ومرمي ع الارض.. وشافت امها حاضنه جسمها وبتصوت وبتنادي عليه وعليها

سعديه بصريخ: ياخضرر.. رد عليا ياحبيبي رد عليا... قتلك الكلب.. اخوك قتلك وحرق قلبي عليك.. متروحش وتسيبني ياخضر.. ده انت لسا كنت بتكلم معايا وبتدعيلي..روحت فين وسيبتني ياخضر.. ياصباااااح.. تعالي شوفي ابوكي.. قتلوه عتمان.. عتمان قتلوه.. خلاص ابوكي راااح... اااااه ياحرقه قلبي عليك ياقلبي... ياللي كنت شايلني طول العمر علي راسك.. في الاخر تبقي دي نهايتك.. لا متستاهلش كده... ده محدش عمره قال عليك كلمه وحشه... عمرك ما اذيت حد.. تبقي دي موتك...يارب يارب.. انت اللي عالم بالنار اللي في قلبي يارب

*صباح من الصدمه والخضه حطت ايديها علي بُقها بتحاول تصدق اللي عينها شايفاه..بتحاول تستوعب المنظر والوضع اللي شايفه ابوها فيه..منظر صعب عمرها علي خكر علي بالها تشوفه فيه..هي لسا سيباه من كام ساعه وقايلها انه هيستانها هنا قدام الدار..هي مشيت وسابته في المكان ده حي يرزق..ترجع تلقيه مقتول وغرقان في دمه!..دموعها مش قادره تنزل..قلبها بيدق بعنف..بتحاول تكدب عنيها...فجأه راحت في الظلام واتمنت ترجع منه تلاقيه موجود زي ما علطول موجود واكنها نفسها تصحي من كابوس
📝📝
في مخبأ عتمان ووفاء

عتمان بفرحه:اخييرا..اخيير خلصت منك ياخضر...كان نفسي في اليوم ده من زمان..يااااه ع الراحه...كنت عارف ان راحتي هتبقي بموتك ياخضر...بعتك تونس امك...ابقي دور مراتك وبنتك..عشان اخلص من نسلك..هبعتهملك قريب متخافش

وفاء:متأكد انه مات خلاص

عتمان:ايوه متأكد...رجالتي اللي زارعهم هناك بلغوني باللي حصل

وفاء:يعني الراجل اللي انت بعته ينفذ العمليه دي قالك انه خلاص

عتمان سكت شويه:لا

وفاء:هو ايه اللي لا..مش المفروض يتصل بيك بعد ما يخلص

عتمان:ايوه المفروض يتصل بيا..والمفروض كمان انه ليه بقيه فلوسه وهيجي ياخدها

وفاء:ولو مجاش

عتمان:ايه اللي مش هيجيبه

وفاء:معرفش..بس ليه متصلش بيك..المفوضوع عدي عليه كام ساعه وهو مختفي