شرطية صعيدية

البارت(6)

لفت صباح لقت عز واقف وراها
عز بغضب:انتي بتعملي ايه

صباح بزهول:في أيه

عز:انتي اللي في أيه،انتي ازاي تكلمي في التلفون وتستعملي تلفونك

صباح:وانت مالك اصلا

عز:يعني اي انا مالي...وهو مش احنا في نفس الزفت..وممكن غلطه زي دي تكشفنا...انتي مش عارفه أن احنا مينفعش نتكلم في التلفون بتعنا

صباح أنبت نفسها لأنها اول مره تنسي نقطه زي دي..بس هي كانت عايزه تتطمن علي أهلها

صباح:انا اسفه مكنش قصدي انسي حاجه زي دي انا بس كنت عايزه اطمن علي اهلي

عز بزهول منها مكنش متوقع أنها تعتذر:خلاص حصل خير بس خلي بالك المره الجايه..ومتنسيش احنا بنتعامل مع مين...وان هو ساكن فوقينا علي طول

صباح:تمام خلاص،هنطلعله امتي

عز:انا كنت جاي اقولك تجهزي عشان نطلعله دلوقتي

صباح:تمام بعد اذنك عشان اجهز....كنت عايزه اقولك حاجه

عز:حاجه ايه؟

صباح بغضب:صوتك لو عليّ عليا تاني..او اتعصبت عليا..وحياه ابويا اللي لسا كنت بكلمه ده..لكون ظبطاك الظبطه التمام ياعز

عز:ايوه كده اظهري اظهري..وانا للي لسا هقول هي مالها سخنه ولا ايه...ايوه كده خليكي بوحه الصباح...عشان احنا خلاص بقينا عارفينك كويس..وبعدين ايه اللي انتي بتقوليه ده..مين ده اللي تظبطيه
جهزت صباح وطلعوا لشقه مهاود

في المُدريه
كان احمد ومازن بيجهزوا لمأمُوريه،وهي القبض علي
عتمان الشرقاوي

مازن:ها يااحمد جهزت

احمد بحماس:اه جهزت

مازن: اي الحماس ده يالاا

احمد بأبتسامه غموض:هقولك.........
قاطع احمد رنين تليفونه وكانت أخته الصغيره سلمي😉

احمد:اي ياحبيبتي

سلمي:وحشتني يااحلي اخ في الدنيا

احمد بضحك:ياكدابه

سلمي بحزن مصطنع:اي ده انت مش مصدقني

احمد:لا مصدقك عايزه اي

سلمي:حبيبي اللي فاهمني،كنت عايزه أخرج النهارده مع صحابي

احمد:هتروحي فين

سلمي:هنتمشي شويه بس وبعد هنروح نقعد عند واحده مننا

احمد:تمام ياسلمي بس متتاخريش

سلمي:لا متخفش مش هتاخر،انت هتيجي أمتي

احمد:إن شاء الله ياحبيبتي مش هتاخر

سلمي:اوكي باي

احمد:مع السلامه

مازن:انت مش قولتلهم انك طالع مأموريه النهارده