شرطية صعيدية

البارت(31)

#رواية: شرطية_صعيدية👮🏿‍♀️

#بقلم: هنا ابو عرفه🖋

بسم الله الرحمن الرحيم🤎

قربنا من النهايه ياعيال💜🤡
📝📝

صباح:طب كمل..دخلت القصر ازاي

علي:من السرداب

صباح بنتباه:ازاي..انا نزلت السرداب ملقتش منه اي باب

علي:في باب صغير كده بيطل علي نفق انتي مشوفتيهوش في الضلمه..النفق ده بتمشي فيه ساعه تلاقي نفسك في البلد اللي جمب دي.

صباح:ساعه؟!قدرت تمشي فيه ساعه بحالها وطلعت عايش

علي:كان معايا انبوبه اكسچين..في بيت كده في البلد دي عتمان قايلي عليه..روحت لقيت باب النفق في الارض..ولقيت انبوبه الاكسچين والبندقيه وكل حاجه احتاجها

صباح:تعرف حاجه تانيه عن عتمان

علي:رجالته بيقولوا انه مستني فاروق بيه يهربوا هو ومراته بره مصر

صباح:انت تعرف حاجه عن فاروق ده

علي:كل اللي اعرفه ان هو اللي بيحرك عتمان..وغالبا فاروق هيخلص منه بعد ماعرف انك مش عايزه تسيبيه ومصممه تقبضي عليه..فيخلص منه عشان ميتكلمش عنه

صباح:طب ومراته وفاء

علي:لا دي ليها سكك كتير تنجدها من اي مشكله...هتلاقيلها سكه مع فاروق عشان يهربها لوحدها

صباح:امممم...قولي بقي..خدت كام عشان تقتل ابويا ياعلي

علي بدموع:صدقيني انا مجبور..عُمر ما حد فينا اختار شغلته..ظروفي اجبرتني اشتغل مع عتمان عشان اكل..ارجوكي سامحيني وسعديني..انا عارف اني عملت ذنب كبير ولله وخايف من ربنا بس انا مجبور وخايف ليموتوني..اللي زي ملهوش غير انه يقول امرك وبس

صباح بوجع: وانا المفروض اعمل ايه.. اسامحك علي قتلك لابويا وحرماني منه.. انت متعرفش خضر الجبالي.. لو كنت تعرفه كنت قتلت نفسك قبل ما تفكر تقتله.. انت في كل الحالات ميت ياعلي.. اعمل حاجه كويسه ربنا يخفف بيها عنك ذنوبك شويه عشان لما تقابله

علي: هقولك علي حاجه ممكن تساعدك...انا ليا عنده بقيه حسابي والمفروض اكلمه اديله التمام واروح اخد منه بقيه الفلوس.. هو زمانه دلوقتي بيفكر يسيب مكانه ويهرب لانه قلق عشان متصلتش بيه.. تلاقيه فاكر اني اتمسكت..فلو عايزه تروحي تلاقيه مطرح ما هقولك.. اديني تليفوني اكلمه.. ساعتها هو هيهدي ومش هيهرب من مكانه

صباح بتفكير: ماشي ياعلي، انا مصدقاك.. هديك التليفون دلوقتي بس قولي هتقوله ايه

علي بتفكير: هقوله اني في المستشفي عشان عملت حادثه بعد ما نفذت اللي قالي عليه.. وانه يبعتلي بقيه فلوسي علي المستشفي