شرطية صعيدية

البارت(16)

في مكتب مريم وحسناء

مريم:سميه هتضيع نفسها ياحسناء...وهتضيعني انا وعيالها معاها

حسناء:يلهوي...عملت اي سميه

مريم:سميه فاكره نفسها صغيره ياحسناء....سميه اتجننت علي كبر

حسناء:اهدي كده بس وفهميني

مريم:
Flash back
مريم كانت قاعده في اوضتها...دخل عليها التوأم ولاد اختها
جميل وجميله اللي عمرهم7سنين

مريم بإبتسامه:تعالوا ياحبايبي

جميله وجميل جريوا عليها وقالوا مع بعض:جاين نقولك علي حاجه

مريم قعدتهم جمبها:حاجه اي ياكتاكيت

جميله:هنقولك بس متقوليش لماما ان احنا قولنالك

مريم:متخافيش مش هقولها...بس قولو

جميل:اصل في حاجه حصلت

مريم:قولي ياحبيبي...اي اللي حصل

جميل:ماما اول امبارح لما نيمتنا واحنا ضحكنا عليها ومنمناش....لقيناها بتحضر السفر وتحط عليها اكل....وبعد شويه الباب خبط وهي راحت فتحت ودخل راجل غريب ودخلو قعدو جوه وكان بيقولها انه هيتجوزها قريب وقعد كل ع السفره....وقعد كتير وبعد كده مشي

مريم بتسمعه وهي مش مصدقه ولا مستوعبه الكلام اللي بتسمعه

مريم بصدمه:الكلام ده حصل بجد ياجميل ياحبيبي

جميله:ايوه ياخالتو....احنا مش بنكدب

جميل:انتي مش مصدقاني ياخالتو

مريم:لا طبعا ياحبايبي مصدقاكوا....انتو عمركوا ماكدبتوا ابدا....مش انتو عارفين اللي بيكدب بيروح النار

جميل وجميله:اه عارفين

مريم:طيب...انا عارفه انكوة شطار...ممكن بعد كده اي حاجه تحصل تيجو تقولولي عليها

جميله:حاضر ياخالتو...اول مانشوف حاجه...هنيجي نقولك علي طول

جميل:علي فكره انا اللي قولتلها مش انتي

جميله:لا...انا كمان قولتلها

مريم بتهدي بينهم:خلاص بقي بلاش خناق عشان خاطري....ممكن اطلب منكوا طلب كمان

جميله وجميل:ماشي

مريم:مش عاوزه ماما تعرف اي حاجه علي الكلام اللي بينا...اتفقنا

جميله وجميل:اتفقنا

جميله:بس هاتليلنا حاجه حلوه

مريم بإبتسامه:حاضر...هجبلكوا كل اللي عايزينوا...يلا كل واحد يديني بوسه...وتعالو نامي في حضني

التوأم باسوا خالتهم وناموا في حضنها....وهي حضنها وبعد ما نيمتهم فضلت تفكر

مريم:اااه ياربي ع اللي بيحصل.... ليه كده ياسميه....تعملي فيا وفي نفسك كده ليه.....تضيعي نفسك...وتضيعيني معاكي انا وعيالك ليه.....اكيد العيال مش هيكدبوا ويقولوا حاجه زي دي.....يارب اعمل اي يارب....انا تعبانه اوي يارب...حلها انت من عندك...انا معنديش طاقه لحاجه تانيه