شرطية صعيدية

البارت(27)

صباح الخير🤍

#روايه شرطية صعيدية👮🏻‍♀️

#بقلم هنا ابو عرفه🖋

صلوا ع النبي💚

مفضلش كتير علي روايتنا🥺💔🤍
📝📝📝

العوده اللي الديار

الواحد مننا مهما بعد عن بيته..ومها شاف افخم واكبر واحلي..بيشتاق للمكان اللي كبر واتربي جواه..بيشتاق لطفولته اللي في كل ركن فيه...ذكرياته الحلوه والمره مرسومه علي جدران البيت ده..فيه ريحه كده مميزه لما بتشمها عقلك بيرجع لورا..لبعيد..لايام ماكنت مش حامل هم الدنيا..ايام ماكان همك تصحي بدري عشان تلحق تشوف قناه براعم واسبيستون الكرتونيه وهما بيفتحوا..كان كل همك انك متروحش المدرسه وتقعد تلعب ع الكومبيوتر لعبه جاتا او العاب تلبيس بنات او ازاي تخنق جارك او... الخ،
البيت اللي عيط فيه واضربت فيه حته علقه متنساش سببها..البيت اللي بتستخبي فيه من اي حاجه مخوفاك براه.

ده البيت وناسه والخمسه سته اللي احنا منهم🎷🎹

الساعه7الصباح..دخلت صباح البيت لقت اهلها نايمين..فقررت تدخل تغير هدومها وتقوم تحضر فطار ليهم لانهم شويه ويصحوا..بعد ما غيرت هدومها دخلت المطبخ تحضر الفطار

سعديه صحيت من النوم وراحه الحمام..سمعت صوت كركبه من المطبخ،استغربت وخافت وجريت علي اوضتها تصحي جوزها

سعديه:خضر..ياخضر اصحي بسرعه ياخضر

خضر صحي مخضوض:ايه في ايه ياوليه مالك

سعديه:في صوت كركبه من المطبخ

خضر:ده تلاقيه فار ياسعديه

سعديه:طب تعالي موته عشان شكله فار كبير

خضر:ماتموتيه انتي ياسعديه..هو انتي صغيره

سعديه:لا اخاف..افرض عضني

خضر:طب افرضي عضني اني

سعديه:طب تعالي معايا نموته سوا

خضر:يادي حركات العيال ديه.. تعالي

خضر وسعديه خرجو من الاوضه ورايحين،وخضر كان معاه شومه كبيره وطخينه،بس وهما ماشين شافوا الطبليه محطوط عليها اكل

صباح من وراهم وبصوت عالي:صبح صبح

سعديه صوتت من الخضه،وخضر لف بسرعه بالعصايه وكانت هتيجي في وش صباح وسعديه،بس صباح بحركه سريعه قدرت تتفاده وتفادي سعديه من الضربه(صباح خدت راس سعديه ونزلت تحت والعصايه عدت من فوقهم👊🏼😁)

خضر:صباح

صباح:ايه يابا ده قطعتلنا الخلف

خضر:ماانتي اللي خضتيني

صباح:تقوم تقتلنا...اما..اما انتي كويسه

سعديه كانت حطه ايديها علي قلبها وفجأه مسكت صباح ضربتها