في بيت في قريه من قري محافظات الصعيد..واقفه قدام مرايتها مش بتدلع براحتها خالص..هي بس واقفه تلبس الزي الميري وبتستعد لسفر..عشان تستلم شغلها اللي اتنقل للقاهره..ومن رغم من انها منامتش كويس بسبب طبعا الاقارب والجيران والمعارف والقريه كلها اللي جايه تودعها وتسلم عليها..الا انها متحمسه جدا للسفر..بصت علي نفسها في المرايا بثقه وخدت شنطتها وخرجت من اوضتها بغرور..فلقت والدتها قاعده بتعيط كعادتها من ساعه ما اتخرجت من اكادميه الشرطه(هي عادتها يعني ولا هتشتريها)
صباح بتفاجأ مصتنع:وه ياما!..لساكي تبكي عاد من ساعه ما سبت امبارح..يعني في ناس جت ومشيت..وانا نمت وصحيت وصليت وفطرت ولبست..وانتي لسا جاعده جعدتك دي وبتبكي..جبتي الدموع دي كلها منين بس ياما؟
الام سعديه:ايوه اتمألتي(اتريقي)عليا ياحزينه...عايزه تسافري وتسبيني لوحدي
صباح:لوحدك ازاي ياما..امال ما ابويا الحج جاعد(قاعد) معاكي اهوه...وفي سرها:ربنا يستر بس وميطفش
سعديه:اااه..اااه..بنتي راحه تشتغل ظابطه...سابت كل الشغل..ومسكت في ظابطه اااه..خليتي اي للرجاله ياحزينه..اااه
صباح:بتقوقي ليه ياما بس ع الصبح...ياما بنتك بميت راجل ياما..ده انا بعون الله رجاله بتجع شنباتها لما يسمعوا اسمي
سعديه:اااه ياخيبتك ياسعديه..ياوكستك في بنتك ياسعديه..نسوان البلد كلها منصوفين في بناتهم اا
قاطعتها صباح:الا انتي ياسعديه..ام ايه بنتها ايه دكتوره..وام عزه بنتها عزه مُدرسه وام مين بنتها طلعت مش عارفه اي..الا انتي ياسعديه..شوفتي ياما انا حافظه موال كل يوم ازاي...ده بدل ما تدعيلي حلوه قبل ما امشي
سعديه:لا ياختي بدعيلك..بس فيها اي لو كنتي طلعتي دكتوره ولا مدرسه..مش بدل ماانتي راحه تشتغلي زي الرجاله..هو ابوكي اللي مقوي قجبك وماشي وراكي كيف الاعمي
خرج الاب خضر من الحمام:اللاه..وانا مالي ياسعديه عايزه تخرجي زهجك عليا ولا اي
سعديه:مالك ازاي يعني..هو مش انت اللي مشيت وراها وخليتها تخش كليه الشرطه..وتطلع ظابطه
خضر:وماله يعني لما تطلع ظابطه..انتي نسيتي ابوها يبقي مين..انا خضر ولد حسنين الجبالي..ولا نسيتي تاريخي في الجيش
صباح:لا طبعا يابوي..ودي كيف دي..سعديه عمرها ما تنسالك حاجه واصل..صُح ولا لا ياما
سعديه بصتلهم بضيق:ايوه صُح
صباح:بقولك اي يابا..مش كل شويه الجاك بتتصل بيا وتقولي اصل الحج متولي اتسرق ولا مش عارفه مين اتاخدت الجموسه بتاعته..ماشي يابا
خضر:وه!..اومال انتي دخلتي كليه الشرطه ليه وبقيتي ظابط..مش عشان تجيبي حق الناس
صباح:اجيب حج الناس..مش احل مشاكل صحابك يابا
أنت تقرأ
شرطية صعيدية
Hành độngياجماعه انا اول مره اكتب روايه ومحتاجه تشجيع بليز وياريت رايكم بصراحه ☺️☺️❤️🌹
