#انت_بدايه_نهايتي💞
بقلم T. A
الحلقه 1
يلا ي عمو انا مشيت... الله معاك ي بتي
مرقت واثناء م انا ماشه اشوف بت عمي مع صحباتها ماشين المدرسه وبتحمر لي ساااي وانا م اشتغلت بيها سلمت ع صحباتها من بعيد وماف وحده ردت السلام م عارفاهم مالم لكن كنت متاكده انو بت عمي كلمتهم عني بي شي كعب المهم كملت طريقي اثناء م انا في الطريق اعرفكم ع روحي.. انا شهد عبد المجيد عمري 16 بقرا في تالت امي وابوي اتوفوا وانا عمري 10 سنوات وم عندي اخوان وبعد وفاه امي وابوي انا خلاص انتهيت وقلت ماف داعي اعيش اعيش لشنو والكنت عايشه عشانهم مشوا (الله يرحمهم بس) لكن عمي اسماعيل وقف معاي وم خلاني وبقول لي انا في مقام ابوك وبقول لي طول م انا عايش م بحوجك لي شي ي بتي بالجد م حوجني لي حاجه لكن كانت في حاجه وحده مؤلماني انو خالتي لمى مرت عمي وبتها علا ياها بت عمي القبيل ديك بكرهوني كره م عادي وانا لي روحي م عارفه بعملوا كدا ليه لكن بخافوا من عمي لمن يكون قاعد بعاملوني معامله حلوه ولمن يكون في الشغل او مافيش بحاقروا بي الحمد لله بس المهم نرجع...
وصلت المدرسه ودخلت الفصل واول م دخلت نطت فيني مياسم قالت لي: شهوودتي اخبارك قلت ليها الحمد لله قالت لي دقيقه دقيقه مالك ي بت من الصباح قعدتني في الكرسي وقالت لي م تقولي لي الاسمها علا دي عملت ليك حاجه ( طبعا هي عارفه اي شي) حكيت ليها قالت لي م تشتغلي بيها وتبيخي يومك سااي قومي قومي الحصه حتبدا بعد دا.. اعرفكم بي مياسم ( مياسم دي صحبتي واختي الم ولدتا امي بتعرف عني اي شي وانا بعرف عنا ووقفت معاي كتيير في المره قبل الحلوه حتى لمن يشوفونا بقولوا علينا اخوات)
المهم الحصص الاولى انتهت وجات الفسحه وانا واقفه في الصف عشان اشتري فطور جات بت عمي لزتني من الصف وختفت مني القروش وقالت لي
يتبع..
آرائكم تهمني❤️❤️
