#انت_بدايه_نهايتي
بقلم T.A
-٤-
قلت ليها ولا شي م بسمع كلامك بس قالت لي هووي ي بت جبناك ختيناك في البيت دا واكلناك وشربناك وقريناك جايه تقلي ادبك قله الادب دي زاتها م جايباها من امك الخلتك دي حتكوني جايباها من وين يعني جات علا قالت ليها اصلا هنا انا اخلاقي بااظط وكان في مزهريه جمبي شلتها جدعتها في علا لكن هي زحت والمزهريه وقعت في الارض وهي شغاله تكورك فيني كمان تجدعيني بالمزهريه ي كلبه ي كيت كيت كيت بس مسكتها وضربتها وامها بتمسك فيني وهي زاتها ضربتني وشغالين نصرخ وامها دي بس بتمسك فينا وتنبذ فيني طبعا ناس مياسم جيرانا بالحيطه طواالي سمعت الصواريخ وجاتنا مسكتنا وساقتني بيتهم وخلينا علا عامله زي الغوريلا 😂 وامها مخلوعه جات قعدتني في حوشهم وقعدت جمبي وانا بس نفسي لمن قايم وعيوني شرار شرار مياسم قالت لي اهدي اهدي في شنو قالت لي دقيقه اجيب ليك مويه جابت لي مويه شربت وهديت حبه وقالت لي اها مالكم بتضاربوا كدا ناس الملاكمه م بلحقوكم 😂 حكيت ليها قالت لي ياخ انا زاتي كرهتهم ياخ قلت ليها عاملوني كعب م قلت شي طعنوني بي الكلام م قلت شي لكن يجو ينبزو امي وابوي والله م اسكت ليهم ياخ امي وابوي زنبهم شنو م عملوا ليهم اي شي ياخ لمن كانو حيين كانوا بطعنوهم بالكلام واسي لمن ماتوا عاوزين ينبزوهم ياخ استغفر الله بس الله يرحمكم ويدخلكم الجنه ي امي وابوي وبكيت كدا لمن مياسم بكت معاي وقالت لي خلاص ي بت امشي غسلي وشك وتعالي ناكل اندومي 🌚 جبتوا هسي من الدكان قلت ليها قبل م اغسل وشي انتي بيتكم دا مالو صاني كدا وينا خالتو سحر قالت لي امي مشت السوق مع اخوي يختارو لي خطيبتو حاجات وساره اختي عند صحبتها عندهم امتحانات بعد اسبوع وانا قاعده في البيت بقرا لانو م عندي موضوع 🌚😂 ضحكت قلت ليها قومي جيبي الاندومي
