#انت_بدايه_نهايتي
بقلم T.A
-١١-
جانا عمار داخل قال لينا بي مناسبه اخر امتحان حنطلع بعدين مياسم نطت قالت ليهو احلف كدا 🌚 قال ليها والله وتخيلوا معانا منو قلنا ليهو اها منو قال لينا سمر خطيبتي ومعاها اخوها حسام قالت ليو سموره جايه معانا ياخ حتكون احلى طلعه بعدين بالمره شهد تتعرف عليها قلت ليها اي انا زاتي حابه اتعرف عليها وقلت لي عمار لكن انا م كلمت عمي و... قبل م اتم كلامي عمار قال لي انا كلمتو ووافق قلت ليهو خلاص انا زاتي بعد دا راجعه بيتنا اتونس مع عمي وانتو تعالوا بعدين سوقوني قال لي ظاابط مياسم قالت ليهو لالا عسكري قلت ليها اها بدينا قالت لي لالا انتهينا عمار قال ليها غايتو م بسالك قلت ليهو بسالك ولا بجاوبك 🌚 قال لينا الامتحانات قامت بيكم ولا شنو 😂✋ قلنا ليهو شكلوا كدا المهم مشيت البيت وفتحت لي الباب علا سلمت عليها لكن م ردت السلام سالتها امتحنتي كيف برضو م ردت م اشتغلت بيها قلت ع الاقل سالتها مشيت سلمت على عمي وسالني من الامتحانات وكدا واتونست معاهو وقال لي انتي طالعه بعدين مش قلت ليهو اي قال لي تمام امشي جهزي لبستك خلاس قلت ليهو حاضر مشيت المطبخ عشان اشرب مويه لقيت خالتو لمى قاعده سلمت عليها ردت لي السلام ودي اول مره طبعا كنت مستغربه ي ربي مالا قلت غايتو اخير من بتها المهم مشيت جهزت لبستي اخترت لي فستان طويل لونو كبدي بي ذهبي والطرحه ذهبيه فيها اشكال بالون الكبدي ولبست شبط كبدي واتعطرت على خفيف كدا وجوني ناس مياسم ومشينا بي عربيه عمار وصلنا المحل وكان محل راقي كدا وهادي وانا بي طبعي بحب الاماكن الهاديه المهم قعدنا في تربيزه كدا ومياسم سالتو من سمر قال ليها قالو في الطريق
جات وحده كدا ماشاء الله حلوه ولابسه فستان ازرق كدا وبين طويله وبين قصيره شفت عمار اشر ليها قامت جات علينا مياسم قامت قالت
يتبع..
