#انت_بدايه_نهايتي
بقلم T.A
-١٣-
ودي شهد صحبت اختي واختها واختي والكشحت فيك المويه 😂 وقعد يضحك طبعا انا شميتو ليك شم وهو زاتو شماني قعدت اتونس مع سمر واتعرفت عليها واتعرفت علي البت ظريفه وتتحب بي سرعه م زي اخوها 😏 واخوها يحمر لي سااي وانا ولا اشتغلته بيهو 😂 المهم تمينا ونستنا وجينا راجعين انا مشيت البيت نمت طوااالي 😀 صحيت على صوت مياسم بتصحي فيني قلت ليها ياخ مالك وبعدين انتي الجابك شنو من الصباح قالت لي اول شي الليله الجمعه ي بقره تاني شي جايننا ناس سمر تالت شي دايراك تجي تساعدينا انا وامي قلت ليها خلاث طيري انا بلحقك مشيت استحميت ولبست لي لبسه عاديه كدا ومشيت بيت ناس مياسم دخلت نضفت معاها ومشيت عشان اساعد خالتو سحر في المطبخ الرجال بدوا يجوا من الصلاه قام جانا عمار في المطبخ قال لينا اسرعوا الناس ديل قاعدين المهم جهزنا سريع سريع وخالتو قالت لي نادي عمار مشيت لبست لي توب وعاوزه اناديهو لقيتو قاعد في الصالون جوا وهو قصاد الباب بقيت الوح ليهو بي يدي وهو م شايفني😂 بقيت عامله زي الزول المتخلف بعداك شلت لي حجر وعاوزه افلقو بيهو الحجر جا في القاعد جمبو😂 والقاعد جمبو منو حساام 😱 خلاص الليله وووب المووت المهم حمر لي كدا وانا خلاص قلت حيشاكلني قدام الناس بس قام على حيلو وشايفاهو جاي علي بس انا رفعت التوب عشان اجري اتعترت بي الجك والمويه اتكشحت واتزلقت 😂😂 تخيلو الفضيحه هو بقا يعاين لي وقرب يضحك لكن م ضحك قال لي تستاهلي عشان تجدعي الحجاره في الناس كويس قلت ليهو اصلا م كنت قاصده قال لي قاصده م قاصده انا م عندي شغله بس تاني م اشوفك في وشي دي شنو الوجوه البتخرب على الزول يومو😒 ولا اشتغلت بي كلامو وقمت واصلت الوح لي عمار وهو واقف بعاين لي قال لي غايتو الجنون فنون عاينت ليهو بي طرف عيني كدا وقلت ليهو وانت
يتبع...
