بعد منتصف الليل

الخاتمة

سئلت مريض بالوسواس القهري
وكيف عرفت انك تحبها ؟
اشمئز من كل شئ يلمسني .... عداها
احببتها حتي اقنعتني ان ما مر من العمر قبل مجيئها كان انتظارا لها

احبها منذ طفولتها وما زلت انبهر بشكل ضحكتها كأنها اول مرة تضحك فيها
دائما ما تخطئ وتثير غضبي ولكن عندما تبدأ في البكاء تلقائي اكون انا المخطئ
عندما تغيب يغيب معها كل شئ جميل

يسألوني اين روحك
ج/ عندها
لكنها لا تدري

متابعة للاكونت
وقراءة رواياتي ❤❤ ومتنسوش الضغط علي ⭐ وفرحوني

        &&&&&&&&&&&&&&&&&&&&&&&&&

بيوم شديد البروده وسمائة مليئة بالغيوم ستعلن عليهم حرب الامطار في اي لحظة بالتحديد في بيت زين وسط الغابة وعلي الجانب الاخر صراع الامواج مع بعضها كأنها في سباق اعلي موجة
كان الشباب بالغابة يحملون الاخشاب وعزيز يجهز النار ليشعلها
كرم وهو ينظر للجو ويتحدث بسخرية لزين : انت دايما كده بتبهرني الصراحة اختيارك اليوم ممتاز  شهر يناير انسب شهر اننا نعمل حفلة شواء الحقيقة وطبعا دي مش افكارك دي افكار المبدعة الرائعة ملكتنا ليل مفيش حد يقدر يكسر لها طلب
زين وهو يقطع الاخشاب بالاله الحادة : بلاش تريقه  ولماضة وخد الخشب وروح زود النار ياعريس
كرم بسخرية : عريس ايه بقا ده انتوا باصين لي في الدخلة بتاعتي
زين بغموض : بتقول حاجه
كرم بنفي : بقول انكم عيلة جميلة ليتركه ويرحل

كان عزيز يجلس يشعل النار ويضع بقلبها الاخشاب لتزداد ويضع فوقها الفحم ليشتعل : ده انا هعملكم شوية كباب علي الفحم زي الفل وينظر للسماء قائلا : شكلها هتمطر
كرم من بعيد باندهاش : شكلها  هتمطر مش متاكد يعني السما مغيمة والجو تلج والموج خلاص شويه وهيوصلنا وتقولي شكلها  هتمطر ياعمي انا فعلا اتأكدت ان انت وبنتك وزين نسخه واحدة ربنا يستر علي اللي جاي 

سوار وهي تخرج بطبق اللحوم  : تقصد اللي جاية
ليل من الخلف : ليه ياماما كنت عاوزه اعملها مفاجأة لبابا
عزيز وهو يقف ويحتضن ابنته بفرحة : انا هكون جدو لاحلي واجمل بنوته في الدنيا وان شاء الله تجيبيلي ولد كمان يكون معايا في كل مكان
كرم بغيظ : وانا ان شاء الله هتسيبوني في حالي امتي علشان اعرف اجيب ليها عريس
عزيز بمزاح : في دي بقا معاك حق انا حاسس بيك كل ما تيجي تاخد شهر عسل يتلغي علشان حاجه
كرم يقاطعه بغيظ : بنتك ... يتلغي علشان بنتك يا عمي مرة توديني وراها امريكا ومرة عاوزة تجمع شمل العيلة في عز يناير 
ليل بقلب جامد : ايه المشكلة يا كرم بيه بقيت وحشه علشان نفسي نتجمع كعيلة
كرم بغيظ :  ملاحظ ان قلبك جامد وانتي بتتكلمي
زين من ورائه : وقلبها ميجمدش ليه الملكة تحلم بس وانا انفذ لينظر لليل بعشق لم ينتهي ابدا لتزداد حمرة خدها من ذلك الفارس الذي لم يكف عن اظهار حبه لها وتعويضها دائما عن ما رأته
عزيز بفرحة لابنته : يلا احنا نشوي اللحوم انا جوعت جدا
ليغادر زين وكرم وعزيز