بعد منتصف الليل

الفصل الثاني عشر

جهاد بخوف : الحقني يازين

كان زين يقف امام تلك الفتاه النائمه هناك كدمات علي وجهها وخبطات بالرأس ادت الي كسر بالجمجة والواضح للانظار انها تعرضت لحاله اغتصاب

زين بهدوء : انتي متأكده انها صديقة نوران
جهاد بخوف : ايوة طبعا متأكده دي علياء صديقة نوران كنت بقابلها مع نوران بالجامعه

لينظر زين لتلك النائمه بتمعن وشك ليقول : قوليلي بقي ايه اللي حصل
جهاد : انا معرفش في راجل هو اللي وصلها هنا و احنا متحفظين عليه
ليخرج زين من غرفتها وهو يقول لها : ابعتيلي الراجل ده وخليكي انتي جمبها متسيبيهاش لتبدي اعتراضها ولكنه نظر لها ليقضي علي اي اعتراض

جالس بمكتبه ليدخل عليه ذلك الرجل الذي ظهر عليه الوقار والاحترام

زين بهدوء : اتفضل يا عم جمال البطاقة قدامي وواضح انك رجل طيب عاوزك تحكيلي بقي ايه اللي حصل

ليبدأ عم جمال بسرد ما يعرفه

انا يابيه بخلص ورديتي بليل لاني انا شغال سواق تاكسي ففي اليوم ده كنت راجع الفجر كده قولت امشي من طريق مختصر ساكت شويتين
من بعيد لقيت عربيه سوده ضخمه واقفة قلبي قالي ان في حاجه مش كويسه لوقوفها في الوقت ده وزي ما قلبي قالي شوفتهم بيرموا حاجه في الترعه ولولا ستر ربنا مشافونيش ومشيوا بعدها بدقايق اطمنت انهم اختفوا روحت اشوف ايه الحاجه دي لاقيتها البنت دي روحت بسرعه مطلعها وفضلت اشوف نبضاتها لقيتها لسه فيها الروح واخر حاجه قالتهالي وديني مستشفي الحكم وانا يابيه لاني سواق تاكسي فعارف كل شبر في بلدي وجبتها والباقي انت عارفه يابيه

ليومئ له زين ثم يقول : هتنتظر برة شويه يا عم جمال الشرطه علي وصول هتاخد اقوالك ومتقلقش انت في حمايتي

ليطلب زين كرم ليأتي له ويسرد عليه ما حدث ليتأكد كرم من شكوكه هناك شئ تخفيه نوران

في القصر بغرفة نوران

كانت تبكي ومنهاره وليل بجانبها تهدأها هي لا تعرف سوا احداث بسيطه
ليل : لازم حد يعرف يانوران مش هتفضلي طول حياتك مختفيه اكيد هتظهري ولازم تقولي للشرطه وتسلميهم الملف
نوران بانهيار بقولك خطفوها ياليل يعني لو سلمت الملف هيقتلوها

طرقات علي الباب لتاذن للطارق
كان اخر شخص توقعت ظهوره كرم بنظرات تاكيد فهو بات متأكد ان هناك امر غريب وتورط نوران بالامر

كرم بجدية وشخصيه غير المازحه التي كانت تراه بها دائما : ليل ممكن تسيبينا لوحدنا
لتومئ ليل وتخرج بهدوء

شهقت عندما اصطدمت بذلك الجدار الصلب امامها واقف خلف الباب في الخارج

ليل بارتباك : زين انت جيت امتي
زين وكان الارهاق والتعب واضح عليه : جيت مع كرم ولما عرفت انك هنا جيت اشوفك