بعد منتصف الليل

الفصل السادس والعشرون

تتململ في فراشها براحة وسعادة هل مازالت تحلم به لمساته كأنها حقيقة تشعر بيداه علي وجهها وقبلاته لتبتسم بحب لم يفارقها حتي في احلامها لتهمس بإسمه : كرم

    :: ياروح قلب كرم

تجمدت مكانها هذا صوته انه معها ليس حلم لتفتح عيناها علي وسعهما تستدير ببطئ للجهه الاخري لتجده نائم بجانبها لتشهق من الصدمة وتقوم من مكانها جالسه لتتحدث اخيرا
نوران بصدمة وهي تتفحص ملابسها وهيئتها : نهارك اسود انت عملت فيا ايه وايه اللي جابك هنا
كرم بمزاح : اولا نهاري مش اسود ده ابيض وزي الفل    ثانيا انا معملتش فيكي حاجه انا يادوبك بوستك بس وثالثا اللي جابني هنا شوقي ليكي يا قمر
نوران وهي تبعده عنها فجأة ليقع من علي الفراش علي الارض قائلة  : الله يخربيتك انت واخوك محدش قادر عليكم
كرم وهو يقوم من علي الارض ليقترب منها بغيظ كادت ان تتحرك لتجد يداه حاجز لها من علي الطرفين لتصبح في الوسط  : لسانك يا حبيبتي هيتقطع لو متلمش
نوران بغضب : انت ازاي تتجرأ اصلا وتنام جمبي وتبو .... تبووو .. يووووه وتعمل اللي عملته
كرم بتسليه : انتي مراتي اتجرأ زي ما انا عاوز ووقت ما احب وانام جمبك ده شئ طبيعي يعني  اتعودي علي كده من هنا ورايح اما بقي بالنسبة اني بوستك اعتقد ده مكانش رايك امبارح وانتي ماسكة فيا و عاجبك اللي بعمله وبعدين حبيت اثبتلك اني زي ما ليا في الاكشن ليا في الرومانسية كمان واظن ان رومانسيتي نالت اعجابك ولو مكنتش في الوقت المناسب فوقت كان زمانك دلوقتي مراتي قولا وفعلا
كانت نوران تحمر خجلا من وقاحته وجرأته في الحديث من قبل كان يتحدث معها بجرأة  لكن بحدود الان اصبح وقح ولا احد يقدر عليه
كان كرم يقرأ معالم وجهها ويعلم جيدا في ماذا تفكر ليرأف بحالها وخجلها ليقترب منها ويمسك يدها بحنان واضح في عيناه
كرم : انا مش عاوز اشوف نظرة الخوف دي تاني وانا معاكي المفروض اني امانك وحمايتك
نوران بخوف : انت اماني وحمايتي و حبيبي وكل شئ ليا انت عوض ربنا ليا عن ابويا اللي معرفش عنه اي شئ  خوفي مش منك خوفي من انك تبعد عني
كرم بحب : ومين قال اني هقدر ابعد انا خلاص قلبي بقا معاكي لو بعدت اموت
نوران بخوف : لو حصل وعملتها زي بابا و زين
كرم باندفاع :انا مش زي حد يانوران افهمي ابوكي ده واحد حقير متقارنش بيه لا انا ولا زين  .. زين وليه ظروفه اكيد ليل هتعرفها وهتتفهم
نوران بتذكر : صحيح زين رجع هو ناوي يعمل ايه
كرم بقلق : مش عارف مش عارف يانوران بس شكلها كده هتبقي دمار المهم بكرة كل شئ هيظهر وليل هتعرف اسباب زين وهتسامحه
نوران بأصرار: ليل اللي انا اعرفها من بعد الحادثة  مش ممكن تسامح ابدا 
كرم بهمس : انتي غلبانه اوي يانوران ده مش بعيد يكون بدأ سلطتة عليها
نوران بتساؤل : حبيبي مالك بتقول حاجه  
كرم بمكر : نوران ايه اللي في وشك ده
نوران بخوف :  ايه يا كرم في ايه
كرم بجدية زائفة : قربي هنا بسرعه
لتقترب نوران منه ولم تكد تستوعب انه يكذب إلا بعدما حاوطت يداه خصرها ليكتم اي كلام يخرج من فمها حاولت الاعتراض ولكنه كعادته قضي عليه لتستسلم لحبه وقبلاته