بعد منتصف الليل

الفصل الثامن عشر

واقفة امام دولاب الملابس تجمع ملابسهم وتضعهم بالحقيبة تتحدث بحزن : بقا معقول شهر يمر بالسرعة دي انا كأن فرحي امبارح مش حابة اسيب المكان هنا انا اتعلقت بيه جدا ومش عاوزة امشي انا لو مش  مامي وبابي وحشوني كنت قولتلك نعيش هنا
زين بحب وهو يقترب منها ويحتضنها من الخلف :ياحبيبتي شغلي اتعطل يرضيكي أقصر مع المرضي بتوعي شهر كتير جدا بس لاني مبحبش التقصير فضيت حالي بصعوبة ليكي لكن اوعدك كل اجازة ليا هنقضيها هنا ومش هينفع نعيش هنا علي طول  مقدرش اركز في شغلي وانا سايبك لوحدك هنا فعلشان كده كان لازم نرجع وسط مامتك وباباكي ليديرها اليه ويقربها منه وهو يهمس بصوت خافت ملئ بالمشاعر ودلوقتي بقا تعالي نودع البيت بتاعنا
لتهمس ليل بطريقة جننته : انا عارفة ان حبيبي مش مقصر خالص
زين بمشاعر حارة اثارتها تلك الجنية : انا كده بحب ادي لكل حاجه حقها 
لتعبس ليل وهي تتحدث : بس انا مش حاجة
زين بحب : انتي حبيبتي ومراتي وبنتي ووو ليكمل باقي حديثه بالفعل بعدما اوقع الحقيبة علي الارض ليستلقي مكانها ويؤجل توضيبها وقت لاحق

في القصر

قسم بسرور لابنها : حبيبي يا زين كده تغيب من غير ماتسأل عليا وحشتني اوي لم تعطي اي اهتمام للواقفه بجانبه لتاخذه بعيد تحت تافف ليل من معاملاتها لتتوسع اساريرها عندما رأت سوار تقترب بسعادة منها
سوار بسعادة : ليل قلب مامي ياروحي وعقلي القصر من غيرك مالوش اي طعم وهي تحتضنها باشتياق
عزيز من بعيد : وانا اعمل ايه عمرهامابعدت عني المدة الطويلة دي لكن هقول ايه بقا لتقترب منه وهي تحتضنه بقوة
ليل : وحشتني اوي اوي يا بابي انا بجد فرحانه اوي اني قدامك دلوقتي
عزيز بمزاح : يابكاشة لو كنت وحشتك بصحيح كنتي اتصلتي او حتي طلبتي تيجي لبابي لكن دكتور زين خطفك مني ومقدرش اعترض انا شايف بسم الله ماشاء الله لمعة عنيكي وفرحتك عندي بالدنيا
لتبتسم بخجل ووجه احمر من شدة الخجل ليقف بجانبها بعد انا رحب بعمه وزوجة عمه وتحدث معهم لبعض الوقت لتأتي ناريمان وترحب بهم

جالسون يتحدثون لتقطع عليهم الجلسة دخول نوران تجري وهي تحتضن ليل
نوران بشقاوة : ست ليل اللي لقت احبابها ونسيت اصحابها وغابت وقالت عدولي
ليل بابتسامه :تتحدث بهمس : والله غصب عني
نوران بمكر : عذراكي ياحبيبتي عذراكي كنتي مشغولة باين عليكي
ليل بخجل : اتلمي يانوران و اصبري بس نعد مع بعض وعندي ليكي حكاوي كتير
نوران بهمس : انا اللي عندي ليكي كوارث
ليل متسائلةليقطع عليهم الحديث دخول كرم وهو يبتسم لزين ليقترب له محتضن زين ويرحب به ليرحب ب ليل ثم تأتي عيناه علي من تجلس بجانبها تنظر له بملامح جامدة
لتلتف ليل  لنوران بحاجب مرفوع : قولتلي كوارث اااااه تقصدي ككككرم انا فعلا فاتني كتير جدا
كادت ان تتحدث نوران لتري زين وهو يقف
زين : احنا هنطلع نرتاح ومن فضلك ياامي بلغوا الدادة تطلع الغداء فوق في الجناح ليقترب من ليل وهو يمسك يدها امامهم تحت خجلها ليصعد بها وسط صمتها
دخل وهي معه ليخلع قميصة امام المرأة لينظر لها وهي جالسه علي الفراش بصمت ليقترب منها ويجلس بجانبها ويتحدث بهدوء
زين : مالك يا حبيبتي
لتنظر له لثواني ثم تتحدث : احساس غريب يا زين اني من شهرين بس كنت بنام في اوضتي ومش مسموحلي اقرب من جناحك ويوم مادخلت كنت مرغمة وبردو محستش انه مكاني فجأة بقا جناحي وفجأة بقيت اقرب حد ليا وبقيت ملكي انا حاسة اني بحلم
ليبتسم لها زين وهو يقترب منها وينحني يقبلها قبل متقطعة وهو يتحدث لها : ها دلوقتي صدقتي انك مش بتحلمي لتومئ وهي تبتسم لتبعده عنها ببطئ وتتحدث بتلك النبرة التي يعشقها : انت اكتر شخص مستغل للمواقف
زين بشوق لن ينفذ ابدا : لو شايفه شوقي ليكي استغلال اوك يبقا استغلال وتسمحيلي بقا اني استغل الموقف من غير اعتراض
ليل بضحك : انت تعبان يازين منمتش من امبارح
زين بمغزي : انا فعلا تعبان وتعبان اوي اوي كاد ان يقترب منها ليسمع طرق علي الباب
ليتأفف ويتحدث بغضب : بدانا الازعاج
لتقوم ليل وهي تضحك عليه قائلة : طبيعي الباب يخبط انت طلبت الغداء يطلع هنا ليدخل الحمام
وهي تقوم لتسمح للطارق بالدخول

عادت الايام كما كانت زين مشغول بمشفاه وعمله ويعود لليل وحياته مستقرة
لم تخلو الايام من مواقف ومشاكسات كرم ونوران
غرام سافرت مع مصطفي لتعيش معه بالخارج
جهاد منذ عودة زين وليل وهي تحاول أن تبدو طبيعية جدا بدأت تقترب اكثر من ليل وطبيعة ليل الطيبة سمحت لها بالتقرب ونسيان ماحدث بالماضي ولكن نوران لم ترتاح لعلاقة جهاد وطريقتها مما زاد الشك بقلبها هو رؤيتها دائما ما تتهامس مع زوجة عمها سالم دون وجود احد معهم وكأن هناك شئ غامض بينهم

بالحديقة

نوران بمزاح : هيييييح يابختك يازين لو تعرف وانت بعيد حال ليل دايما شارده وفي عالم تاني خاص بيك انت وبس
لتنتبه ليل لها وهي تتحدث بخوف : ابدا يا نوران انا بس خايفه اوي زين متغير مخبي عليا حاجه في حاجه مش طبيعية بينه وبين كرم الفترة اللي فاتت بقا يتأخر ويقولي الشغل والعمليات لكن الموضوع مش كده خالص
نوران بتأكيد : فعلا انا كمان لاحظت علي كرم الفترة اللي فاتت جدية غريبه عليه وبقا يتجاهلني لم تذكر لها ما حدث بينهم عندما كان في غرفتها فقط اكتفت بذكر التفاصيل العاديه فهو منذ ذلك اليوم وهو يتجاهلها هي بالأخص
ده حتي عمو سالم دايما عازل نفسه في مكتبه ومش بيخرج ومبقاش يشاركنا اي وجبات
قطع عليهم الحديث دخول عمهم بخطوات سريعه الي مكتبه دون أن ينتبه لهم ثواني وكان صوت صراخه ينادي علي من بالقصر لتجري ليل ونوران ليعرفوا ماذا يجري

كان الجميع متواجد ماعدا عزيز وزين وكرم

سالم للخدم : مين اللي اتجرأ ودخل مكتبي وانا مش موجود
كان الخدم صامتون وخائفون ليصرخ بهم لتقاطعه قسم بخبث اسأل بنت اخوك هي عندها إجابة
لتلتفت الانظار
كانت ليل تنظر له بصدمة وهو يحدثها بنبرة جامدة مغيب عن الحقيقه
ليل بارتباك : انا فعلا النهاردة كنت بمكتب حضرتك كنت فاكرة حضرتك موجود وقولت اشوفك واتكلم معاك لكن لما ملقتش حد خرجت
سالم بغضب اعماه : في ملف مهم اختفي من مكتبي في اللحظة دي انا مسيبتش مكتبي غير ساعه واحده بس وانتي دخلتي في الوقت ده والملف كان علي المكتب

ليل بصدمة وقلب مجروح : تقصد اني اخدت الملف ده طيب ازاي وليه هعمل كده
سوار بغضب : سالم انت شايف نفسك بتقول ايه علي بنتي انا مسمحلكش
سالم بنفاذ صبر وعدم وعي ينظر لليل وتجاهل سوار : عاوزه تثبتي ايه بفعلتك دي يا ليل عاوزه تطلعي سر فضل مستخبي اكتر من تلاتين سنه عاوزه تدمري كيان أسرة
ليل ببكاء وهي تحرك وجهها وتحتضن والدتها انا ماخدتش حاجه 

لحد هنا وكفايه كده

كان صوته العالي هو من اوقفها عن البكاء لتترك والدتها  وتجري عليه تحتضنه هو أمانها وحاميها ليحتضنها يطمئنها ويهديها
ثم يلتفت لوالده وينظر له بغموض ثم لوالدته  لياخذ ليل ويصعد لجناحه دون أن يتحدث
نائمة في احضانه تبكي لينظر لها بحب وهو يمسح دموعها قائلا : مكنتش اتخيل انه هيجي اليوم اللي هقصر فيه معاكي ومقدرش احافظ عليكي 
توقفت دموعها وهي تتحدث بنبرة حزينه : وانت ذنبك ايه ده سوء تفاهم واكيد الملف ده مهم عند عمو وده السبب في انه غضب انا مش زعلانه
زين بحب  : انا مش عارف احبك اكتر  من حبي اللي في قلبي  مشاعري وصلت لاقصي درجه انتي ازاي متفهمة كده انتي طيبة اوي ياليل وده سبب انك الوحيدة اللي قدرتي توقعيني
ليل بعبوس : ياسلام ولو كنت شريرة مكنتش هتحبني
زين بمزاح يحاول ان يخرجها من حالتها : لو كنتي اكثر نساء الأرض شر كنت بردو هعشقك وهفضل اعشقك
لتقترب منه وتحتضنه بقوة ليبادلها العناق لتنام قليلا وترتاح تاركه قلب لن يرتاح ولن يغفل حتي يعلم ما الذي يحدث بالقصر وما السر وراء هذا الملف

######################### يتبع
Rehab Ayman