بعد 13 يوم.. الاربعاء 11:00am
مكالمة فيديو (السودان-الكويت)
امل : كلامها ما عايز يطلع من راسي ي صابرين وما مقتنعه بي الحجه دي نهائي
صابرين (صحبتها): امل روقي واهدي انتي عرسك بعد بكرا ما تخلي حاجه تعكنن ليك اليومين ديل
-- ما بيدي والله وانا اصلا حاسه انو ناس البيت داسين علي حاجه تصدقي للحظه دي انا ما عارفه شي عن اهلو
-- كيف يعني ولما جا اتقدم الجا معاهو منو
-- اعمامو اتنين وحريمهم وبناتهم انا قصدي امو وابوهو
-- يمكن متوفيين
-- كانو مفروض يكلموني او هو بنفسو ما جاب لي سيرتهم ولا اتوفو متين ولا كيف
-- يمكن ما جات فرصه
-- ياخ انا امو ما عارفه اسمها منو
-- نعم؟
-- جد والله
-- طيب اسمعيني انتي ما تفكري في الحاجات دي حاليا العني الشياطين واشغلي نفسك بأي شي تاني واكيد يعني هو لو ما زول كويس اهلك ما كانو وافقو وبعد العرس استحاله ما تعرفي عن امو وابوهو شي
امل اتنهدت بضيق : اااه طيب
صابرين وهي بتحاول تلطف الجو: انسينا ياخ من الكلام دا اها احساسك شنو وانتي حتطلعي من عالم البوره😂
-- بوره في عينك انا ياداب عمري 22😂
-- والكان بقول لي بُرتي منو😏
-- اها هشام كيف عليك الله
-- كويس والله بطلع من صباح الرحمن ما بجي الا قريب المغرب
-- بتقعدي براك
-- لالا عندي جارتي في السكن سودانيه مره بكون معاها ومره هي معاي
-- اهاا كويس طيب
-- لما وعلا كيف وينهم ما ظاهرين
-- كويسين والله .. لما كانت هنا امس بتجي من الصباح وبترجع المسا علا شغاله امتحانات السمستر الاخير بكرا اخر امتحان
-- كويس والله ربنا يوفقها ان شاء الله
-- امين يارب
-- ريونه الشيطونه كيف😂
-- شيطونه ساي ..مشت تشوف الفساتين اصلا مفروض يستلموها امس مشت شاكلت الراجل وقالت ليهو بكرا كان ما خلصتهم بجي بقفل ليك المكان دا😂
-- بتعملها المجنونه دي
بعد خلصت ونستها قفلت منها وبقت تفكر في الكلام الشاغل بالها من اسبوعين
Flash back...
غاليه : حسان؟ بتعرفي حسان من وين انتي؟
امل : نعم؟
-- كلامي واضح
-- وانا بسألك نفس السؤال بتعرفي حسان من وين
-- جاوبيني ي بت الناس
-- حسان خطيبي
-- خطيبك؟ اهاا اسمو حسان منو
-- حسان الطيب
-- اها معليش اتلخبطت بس
قطع تفكيرها صوت رزعة الباب
ريان : هيي جبتهم بس كان القاهو م خلصهم وقسما كان شاف حاجه ما ياها الليله
امل : يقطع شيطانك خلعتيني
ريان عاينت ليها وهي بتتبسم : كنتي سرحانه وين في حسان صح .. ي بتي اصبري كلها يومين وتبقي معاهو
امل وهي بتطلعها من عرفتها : قومي من جمبي ي ريان قومي ما عايزه اشوف خلقتك دي
ريان : كلامي حرقك صح عادي عادي اصلا
طااخ طلعتها وقفلت الباب
............................
جاسر : ياا لما يا لما انتي مالك فهمك ضيق كدا
لما : اي فهمي ضيق وشكرا ليك وقوم من جمبي عشان المسلسل حيبدأ وما عايزه ازعاج😒
جاسر مسك ايدينها الاتنين وقفل التلفزيون
لما : دا شنو ي جاسر انا ما عايزه معاك كلام قوم من جمبي واديني الريمود دا
جاسر قام وهو ماسك يدها : قومي معاي
لما : ما قايمه وهات الريمود دا لو سمحت
جاسر شالها وهي بتضربو وتكورك فيهو دخل الغرفه قفل الباب برجلو وختاها ف السرير عايزه تقوم كورك فيها
جاسر : لماا😡
لما من الخلعه قعدت مكانها وهي خايفه
جاسر : دي شنو حركات الشفع البتعملي فيها دي
لما : مم انا
جاسر : انتي شنو بطلي قوة راسك دي وخلينا نتفاهم
لما وهي منزله راسها : طيب
قعد جمبها سكت مسافه وهو خاتي يدو في وشو بعد شويتين نزل يدو وهو خاتيهم في حنكو وبعاين ليها وهي لسه منزله راسها
جاسر : بتخليني اضطر اتصرف معاك تصرفات زي دي
عاينت ليهو وتاني قبلت
جاسر : عايز اعرف المزعلك شنو تاني
لما : قلت ليك زعلانه انا؟ شكيت ليك؟
جاسر : ما ضروري تقولي ما بعرفك انا يعني
-- ماف شي مزعلني براك بتتوهم
-- لما
-- نعم
-- انتي زعلانه ومتضايقه لأني اتزوجت غيم؟
-- .....
-- زعلانه صح؟ ليه تزعلي؟
لما عاينت ليهو : ليه ازعل؟
-- اي ليه تزعلي مش انتي الكنتي بتقولي لي اتزوج وانت من حقك تجيب اطفال وانا حاسه بالذنب .. انتي الاخترتي نبعد عن بعض وانتي الاديتيها الفرصه تزعلي ليه
لما وقفت ع حيلها وهي صوتها مبحوح ودموعها بدت تنزل وبأنفعال :اي انا القلت كدا وانا الكنت بزن عليك وفعلا كنت حاسه بالذنب بس كل الكلام دا ما من قلبي وانت عارف الحاجه دي .. انت عارف اني بحبك وقصة اني اشوفك مع وحده غيري كانت موت بالنسبه لي .. جاسر انت عارف انو كل ما اشوفك معاها او اي زول يجيب سيرتكم بختنق بتضايق بتجيني نفسيات بحس نفسي عايزه امسكها بأيديني الاتنين واخنقها واقول ليها جاسر دا ماف وحده بحق ليها تعاين ليهو غيري(كانت بتتكلم وهي بتأشر بيدها) انا عارفه انها جميله واكتر مني بكتيير كمان بس انا متأكده انها ما بتحبك زي ما انا بحبك ولا بنسبة 1% ما كنت متخيله يوم واحد انو وحده تشاركني فيك💔💔💔.. جاسر انا كنت بغير لمن اشوفك بتتونس مع وحده من بنات اهلك في حين انو انا متأكده ا
