الف صلاه وسلام عليك يا نبي الله محمد
جات داخله الصاله وهو ماسك يدها وقدامهم الشباين (ريان..علا..بنات خالتهم اتنين واربعه من اولاد خالاتها وخيلانها.. البنات كانو لابسين فساتين بالكبدي مع الجسم وفيها ذيل من ورا طويل والاولاد بدل بالاسود والمنديل البكون جوا الجيب داك والكرفته بالكبدي.. كلهم 8 ع اليمين الاولاد والشمال البنات ماشين بخط مائل .. امل كانت على جهة الاولاد وحسان على جهة البنات .. المهم الدخلة كانت حلوه ومنظمه والاضاء مركزه في العرسان.. الشباين بطريقه حلوه جو وقفو دائره حولينهم وفتحو اغنيه سلو رقصو فيها امل وحسان وبعديها قعدو في كرسيهم وبدت الربةةة💃💃
لما كانت لابسه توب بدره ساده زيتي وكاسراهو ب فضي (فضه) ..اكسسورات بالفضب وكعب فضي والميكب بتاعها حاجه تانيه كانت حلوه بكل ما للكلمه من معنى
كلهم كانو في الدايره وحاتينو حت ما خلو شي في الفاصل من التعب قعدو والناس لسه كانت بتبارك للعرسان
حباب : قومي يلا شوفي شغلك
غاليه :اصبري خلي الناس يمشو من جمبها
لما كانت جمب علا وبتصورو
جاسر : تتصورو على شنو الاتنين شينات (جاسر كان لابس بدله بالزيتي مطقمين هو ولما)
علا : منو الشين اسكت بالله
علا مشت من جبهم ولما ربعت ليهو يدينها : قلت لي شينه
جاسر : اتحصنتي؟
لما : اااخ نسيت والله مع الجوطه
جاسر : يا رب الهمني الصبر تعالي معاي
لما : وين
جاسر مسكها وطلعو برا فتح ليها باب العربيه
لما : جاسر جنيت ماشين وين
جاسر : ما ماشين مكان اركبي
ركبت وهي زهجانه وهو ركب ضما يدينو وهو بقرا فيهم وحصنها
لما : الله يخليك لي
جاسر : ويهديك لي وتبطلي نسيانك الكتير دا
لما : امين😄
نزلو الاتنين وجاسر مسك يدها ودخلو كان الفاصل انتهى واول ما جو داخلين المصور اخد ليهم لقطه وثبتهم (لما كانت بتضحك وجاسر بضحك وبعاين ليها .. كانت لقطه حلوه)
لما : وااي يا جاسر دا شنو
جاسر : شوفي حلوين كيف
لما : الله يجازيك
جرت يدها ومشت قعدت
حسان وامل كانو شويه يتونسو وشويه يسكتو بعد شويه جات امل وحسان كان متوتر وخايف انها تقول حاجه مدت ليهو يدها وهو صافحها
غاليه وهي مبتسمه : الف مبروك ربنا يهنيكم
دنقرت عشان تبارك لي امل وهمست ليها : الف مبروك اعرفي حافظي عليهو وامسكي عليك انا ما قدرت انتي ان شاء الله تقدري
امل وشها جاب مية لون وغاليه باركت ليها ومشت قعدت مكانها حسان لاحظ ليها ونزل راسو عشان يتكلم معاها
حسان : مالك
امل : ما ماف شي
حسان : قالت ليك حاجه؟
امل : منو
حسان : البت دي
امل عاينت ليهو وقبلت : لا
بعد الحفله خلصت كان الجيرتق مشو عشان يجهزو ليهو وريان سألت امل
ريان: انتي محمد وين ما شايفاهو
امل : ما عارفه والله جا بارك لي وتاني ما شفتو
لما : شفتو قبيل طالع من الصاله لمن طلعت لكن بكون رجع
ريان : يا بنت الايه شايفه الصورة الثبتوكم فيها
لما : وااي ما تذكريني انا بالاحراج كنت حاموت
علا : تتحرجي لي يا بت راجلك ولا حبيبك لمن تتحرجي
لما : انتي وريان حتشيلو الصينيه صح
علا : اي
لما : خلاص انا امشي قدامكم
