فادي : منتظرك انا
علا : خلاص طالعه
طلعت وهي لابسه فستان لحمي بأبيض جكت جنز وكعب لحمي كان واقف ليها على مسافه من البيت وقبل تصلو نزل من العربيه وفتح ليها الباب عاينت لبهو ابتسمت وركبت قفل الباب ومشا ركب واتحركو
علا : بكرا اذا ما عرفت اشتغل عليك انت
فادي : واثق منك بتنجحي
علا : طيب ماشين وين احنا
-- المطعم
-- بتاعك؟
-- اي
-- طيب
-- قلتي لي عرس بت عمك بعد بكرا
-- ايوه
-- وبتقدري تقري في الجوطه دي كيف شايف العربات كتار
-- لالا بمشي بيت قرايبنا قريب منهم
-- اهاا كويس لو كدا
--اها كيف مع ابوكم
-- الحمدلله علاقتنا اتحسنت
-- ان شاء الله دايما يارب
-- ان شاء الله
-- بكرا قال حيجو مرتو وبنتها
--كويس طيب اصلا ما بتعرفوهم صح؟
-- اي شفنا مرتو لكن بتو في صوره
-- اهاا
وصلو المطعم نزلو وكان ماسك يدها اول ما دخلو جات بوالين وشرايط نازله ونزلت لوحه في الباب البوديك على حديقة المطعم مكتوب فيها Happy Birth day ola ومزينه بالوان حتى المطعم كان مزين بطريقه حلوه وراقيه ... علا كانت مصدومه وعيونها بتلف في المكان عاينت لي فادي وتعابير وشها بين مصدومه ومبسوطه
علا قبلت عليهو: اا ..الليله..
فادي وهي بمسك يدينها : ايوه 17/12
علا ودموعها ف طرف عيونها ومبتسمه : نسيت
فادي : عارف عشان كدا ما اتعزبت في اني افاجئك
علا : بحبك
فادي : وانا ما بحبك لأنو اتجاوزت المرحله دي من بدري
علا دموعها نزلو وهي لسه بتعاين في المكان
فادي وهو بمسح دموعها : لا لا ما تخربي اللحظه دي
علا : مبسوطه شديد دي دموع فرح
فادي : طيب اها نقعد هنا ولا برا
علا : الجو بارد
فادي : طيب تعالي
قعدو في سفره من السفر الجوا وفادي عمل مكالمه قعدو يتونسو وعلا كانت طايره من الفرح بعد شويتين جا قيس ومعاهو شابيين
فادي : قيس تعال
قيس جا عليهم وسلم على علا
فادي: دي علا الكلمتك عنها
قيس : كل سنه وانتي طيبه مدام علا
علا : وانت طيب يارب
فادي : علا دا قيس القلت ليك ممسكو ادارة المطعم
علا : اتشرفنا يا قيس
قيس : شرف الله قدرك
فادي : طبعا هو العمل الحاجات دي كلها انا كلمتو وقلت ليهو ظبطو وهو عرف وما خزلني
علا : تسلم شديد ياخ ما قصرت
قيس : ولو العفوو يلا استأذن انا اخدو راحتكم
قيس مشا والولدين ختو ليهم الاكل والعصير في سفرتهم وطلعو الا قيس طلع حديقة المطعم
علا : باين عليهو زول محترم شفتو منزل راسو كيف وهو بتكلم
فادي : قيس لالا ياخ محترم ومتواضع شديد لو ما كدا ما كان امنتو على الادارة
علا : دا شنو كلو يا فادي
فادي : اتغذي كويس شايفك ضعفتي فترة الامتحانات دي
علا: هههه طيب
قيس : نور انتي مالك نقناقه كدا قلت ليك لمن يجي وقتو
نور : كوويس كويس ما عايزه اعرف زاتو
-- اي احسن
-- يلا عايزه انوم
-- انا حاسي امك وحلا ديل زهجو مني كل مره اقول ليهم شيلو السماعه والتلفون من جمبها
--بطريقتك ارح انا تعبانه الليله
-- خيرا تعمل شرا تلقى
-- قيييس يلا
قيس بدا يقرا ليها ومع اول ايات نامت
................................
