منذر : ياخ انا جيت الليله ياداب البيت ما وصلت مالك
فادي : ما تقل ادبك
-- اوف خلاص اها عايزني اقول ليك شنو
-- المهم انا خليتك الشهر دا كلو عندك يومين تاني جيت العنوان دا جيت ما جيت يفتح الله
-- خلاص تمام بجي وتسلمني الصور .. بس انا عايز افهم انت ما عايز قروش ولا اي حاجه اها غرضك شنو
-- يا زول بعد تجي بتعرف بس
-- نشوف اخرتها معاك " تيت تيت"
فادي : حتشوف ي منذر حتشوف😊
مها جات داخله غرفتو : قوم قوم الفطور جاهز وابوي منتظرنا
فادي : تمام جاي
اتلمو كلهم ع السفره وهم بياكلو
حنين : جدو جدو
حسن : عيون جدو
-- دبت لي ايباد ليه انا واحمد عددنا
-- دا حقك انتي وداك خليهو لي احمد
-- ثووكرا☺️💙
-- عيب ما تقولي شكرا
-- بث ماما دالت لي لمن زول يديب ليك حاده تقولي ليهو ثوكرا
-- اي كلامك صح لكن انا ما تقولي لي طيب
-- تيب
فادي : حنين احنا مش قلنا ما نتكلم في الاكل اسكتي وخلي جدو ياكل
حسن : سيبها يا فادي هو انا لاقي حلوه زي تتكلم معاي
حنين : اننننا😝ثمعت ثمعت
كلهم ضحكو وتابعو اكلهم
........................
لما : فاتك كتير ي علا مفروض تنزلي بعد كدا
علا : انزل كيف ي لما وامي بالحاله دي
امل : لما كلامها صح بعدين امك ما براها لو احتاجت حاجه كلنا موجودين
علا : لالا امي لو ما بقت كويسه ما بنزل
لما : يعني ما واثقه فينا ولا شنو كانت احتاجت حاجه احنا حنطنشا يعني؟
علا : ما كدا لكن..
امل : ماف حاجه اسمها لكن ما عايزه تمشي معناها ما واثقه في زول فينا
علا : فاهمين غلط لكن ما بكون مطمنه والله
لما : اهاا دا نفس كلامي ما مطمنه معناها احنا ما بنهتم بيها
امل : قومي ي لما اصلا م دام قعدتنا ما فيها فايده اخير نمشي المقعدنا شنو
قامو الاتنين علا جات لحقتهم
علا : انتو ي بنات فاكه منكم ولا شنو
امل ولما : اي
علا : خلاص بنزل ما تتعاورو
امل وهي بتجضمها : دا الحلو البيسمع الكلام
لما : ههههه
علا : فكيني ي وسخه
لما : دا تلفونك البضرب صح
علا : اي
شالت التلفون وردت
علا : الو
فادي : انتي ي علا عايزه تجننيني
-- ليه مالي انا
-- تلفونك دا يومين بتصل فيهو مقفول
-- امممم م كنت فاضيه
-- ليه في شنو
-- امي كاسره يدها
-- لا يااخ متين الكلام دا
-- امس الصباح
-- سلامتها ربنا يشفيها
-- امين يارب
-- وهسي كيف
-- الحمدلله بس مرات بتشكي انها واجعاها
-- طيب بجي عليكم بعد شويه
-- طيب
-- جاسر قاعد صح
-- اي قاعد لكن حيطلع على الشركه بعدين الظهر
-- تمام ... علا انتي م حاسه انو طولتي من الجامعه
-- اي نازله بكرا
-- حيكون فاتك كتير
-- فعلا شايله هم والله
-- عندي صحبي برضو خريج بكلمو يشرح ليك
-- جادي وااي الحمدلله ما عارفه اقول ليك شنو
-- تقولي لي شنو كيف يعني هبله انتي ي بت
-- بحبك ياخ بحبك
-- ايوه دا الكلام وانا بعشقك يااخ💙
-- هي ما تصدق دا بس عشان الشرح😁
-- تصدقي انك سجم يلا زاتو انا ما فاضي ليك
-- ههههه عارفه يلا طير
-- طير .. اتعلمتي ليك لئامه جديده لكن اصبري لمن افضى ليك
-- سمح "تيت تيت"
