بعد مرور 5 سنوات🤎🍂
2:30am
في منتصف الشتاء البارد
محمد وهو بلبس معطفو وبشيل مفاتيحو وبي زهج:العيشه معاك بقت تقرف
حلا : ليه اتزوجتني طيب متزوجني ليه؟
محمد : ندمت اصلا لو عندك ذرة حياء ما بتخلي اهلك وتجي معاي
حلا : تتذكر انت قلت لي شنو قلت ما حأخليك تندمي على القرار دا
محمد : وندمتي يا ستي اها في حاجه تاني عشان طالع؟
قامت مخلوعه وبتاخد انفاسها بصعوبه محمد ولع الابجوره وحضنها
محمد: بسم الله بسم الله
حلا مسكت فيهو : محمد انا انا عايزه ارجع السودان
محمد: نفس الحلم صح؟
حلا قامت وهزت راسها باسها في راسها وابتسم ليها
-- طيب انا عندي شغله كدا بخلصها في اسبوع ونسافر
حلا هزت راسها رقدت في حضنو ونامت
......................
4:00pm
جات من الجامعه داخله غرفتها قلعت اللابكوت و الطرحه واترمت في السرير غمضت عيونها وحاوطتها الذكريات قامت بسرعه قبل تتذكر الباقي شالت المنشفه ودخلت الحمام اخدت شاور دافي وطلعت وهي بتنشف شعرها شالت بجامه لبستها وقعدت في اللابتوب جات امها داخله مسحت على راسها وقعدت جمبها
هندا: كيفك حبيبتي
نور وهي مركزة في اللاب: كويسه يا امي
-- بقيت بشوفك من يومين لي تلاته
-- حقك علي حبيبه بس انتي عارفه مشغوله مع تجهيزات التخريج
-- مصره تعمليهو
نور قبلت عليها : نفسي اعرف ليه ما عايزاني اعملو
-- حتتذكريهو لأنو كان نفسو يكون معاك في اليوم دا انتي براك قلتي كدا وحترجعي لاول ايام بعد اتوفى
نور ركزت على اللاب وبعد مسافه: اصلا ما نسيتو عشان اتذكرو
-- خلاص عشان ما ترجعي للحاله ديك انتي ما بتتذكري يا نور حصل ليك شنو اسبوت انتي لا بتاكلي لا بتتكلمي راقده وحاضنه عليك صورتو نوم زاتو الا تدقسي لحدي ما رقدوك في المستشفى تلاته ايام واخر شي قصيتي شعرك
نور بقت تهبش شعرها المقصوص لتحت رقبتها بالتساوي: ظبطتيهو لي لكن
-- نور يا بتي عليك الله ما تعمليهو اي انا عايزه افرح بيك لكن انتي ما حتفرحي
-- امي انا اخدت قراري وخلاص وجهزت لأي شي وما ممكن قبل التخريج بي اسبوع الغي اي شي ما تضغطي علي بليز
-- طيب اعملي البريحك
امها قامت ونور قفلت اللابتوب وعاينت لي الصورتين الفوق الكومدينه شالتهم اي واحدم في يد وابتسمت ابتسامه مكسورة
(لحظه بس وانتو بتقرو في الكلام الجاي دا اتخيلو في موسيقى حزينه وكدا اي موسيقى بالكم بس عشان السيناريو يظبط😁)
نور : الليله خمسه سنوات .. خمسه سنوات من ابشع يوم في حياتي .. اليوم الخسرت فيهو اكتر اتنين بحبهم في الدنيا دي كلها (ختت صورة حلا وبقت تعاين لي صورة قيس الكان مبتسم فيها ومدخل يدينو في جيوبو) انت كنت مصدر قوتي واي شي بقولو ليك .. كنت بتعرفني لو زهجانه او متضايقه وما بتخليني الا وانا مبسوطه .. كنت بتوصيني على قرايتي وانا هسي خريجة هندسه طبيه💜 كنت ناويه اقرا معمار بس بتذكر في يوم قلت لي "انا كان نفسي ادرس هندسه طبيه بس الظروف ما سمحت" قريتها وحبيتها عشانك تلقائيا لقيت نفسي حبيتها وكنت في كل سنه وكل سمستر بكون اولة الدفعه مره وحده صحبتي قالت لي انتي التانيه هههه ويومتها كسرت اي شي في البيت عشان خنت وعدك💔 بس اكتشفت انو صحبتي عملت فيني مقلب ما كانت عارفه انو حأعمل كدا قاطعتها اسبوعين في النهايه حكيت ليها.. قيس انا كل يوم بحس بالذنب انو كان مفروض يومتا اقول ليك وانا كمان بريدك بريدك شدييييد .. ما كنت متخيله فراقك يكون صعب علي للدرجه دي اصلا ما ختيت في بالي انو يوم تبعد عني للدرجه دي.. الفتره القضيتها معاك والايام العشناها سوا ما كانت طويله بس كانت كفيله بأنها تخليني اتعلق فيك لدرجة الجنون .... من يوم اتوفيت ما بنوم لو فتحت تلاوتك ونمت بتذكر يوم قلت لي انا مرات ما بكون فاضي حأسجل وارسلهم ليك في الواتس للان محتفظه بيهم 💜 قيس انا كان نفسي تكون معاي الايام دي وتجهز معاي لي تخريجي بس الله ما كاتب كدا .. ربنا يرحمك ويغفر ليك ويجعل مأواك الفردوس الاعلى يااارب
ختت صورتو ومسكت صورة حلا الكانت ماده فيها لسانها ومغمضة عيونها
نور :" وانتي .. انتي الاتهورتي وعملتي اكبر غلط في حياتك .. انتي كنتي اختي اختي الكبيره البتنصحني وتوعييني جيتي غلطي غلطه زي دي 💔.. كل مره بسأل نفسي ليه؟ ليه ما كلمتني دا اقل شي كان مفروض تعمليهو .. يمكن عشان عارفاني ما حأخليك بس دا ما سبب كافي .. حلا احنا اتربينا سوا في نفس البيت ونفس الغرفه هانت عليك السنين دي كلها فضلتي محمد علينا احنا كلنا؟ طيب هسي انتي مبسوطه ياربي؟ طول الخمسه سنين دي ما اشتقتي لينا؟ ولا فكرتي تتصلي ولا تقولي اشوف اهلي ديل كيف عايشين ولا ماتو؟ ما خلينا مكان ما خلينا زول ما سألناهو منك .. اول ايام انا ما كنت واعيه بسبب موت قيس بس بعد عرفت اتصدمت شديد قلبنا عليك الدنيا فوق تحت وما لقيناك مشينا لي بيت محمد وقالو ما عارفين اي شي حتى محمد ما كلمهم .. حلا انتي اوعى من انك تعملي كدا كان في مية طريقه عشان تقنعي امك بس انتي اخترتي الطريقه الغلط .. ان شا
