محمد باس حلا في راسها وايديها الاتنين ضماها وحلا كانت بتبكي
محمد : هشش دا ما وقت بكا
-- الف الف مبروك يا اخوي
-- ربنا يسعدكم ان شاء الله
محمد صافح الولدين والبتين وهم بباركو ليهو وطلعو كلهم محمد ساق حلا واتحركو
محمد : هاك دي بطاقتك وحأخلي الجواز معاي عشان اوديهو الوكاله بتاعتي ويعملو ليك الفيزا ويكون فضل التذكره بس
حلا : تصدق انو ما خايفه
محمد : لأنك معاي
حلا : عمري ما فكرت اعمل حاجه زي دي بس طول ما انا معاك ما حأخاف من حاجه
محمد : متين نتلمى يااخ
حلا: انت كنت اقرب لي من اهلي في الوقت الكنت محتاجه ليهم لقيتك انت جمبي عشان كدا بقيت اهلي بعديها حبيبي واخر شي راجلي
محمد : وانا اوعدك وعد رجال ما حأخليك يوم تندمي انك اخترتيني شريك حياتك.. ما تنسي بكرا حنمشي للدبله
حلا وهي بتطلع الفي يدها:اي صاح كنت حأنسى هاك رجعها لي صحبك
محمد شال الدبله الكان مستلفها من صحبو لأنو ما لقو طريقه يشترو بسبب الموضوع التم بسرعه دا
حلا : ما ضروري يا محمد
محمد : ما عايز نقاش في الموضوع دا احنا اتزوجنا رسمي وشعبي .. يلا هاك بطاقتك
رجعها المحطه الاتحركو منها مشت البيت وقبل تدخل
حلا : امي جات
اشرف : اي جات
حلا ارتبكت شويه دخلت وما كان في زول في الهول مشت غرفتها ولقت امها هناك
نهله : كنتي وين
حلا اتجهت ع الشماعه وهي بتطلع عبايتها : طلعت شويه
نهله :جيبي الشنطه دي
حلا عاينت ليها باستغراب
نهله : كلامي واضح جيبي الشنطه
حلا جابتا ليها ودخلت الحمام
نهله : تعالي طالعه يا حلا
حلا طلعت ووقفت جمب الباب
نهله : هاك والتلفون دا حيكون معاي
حلا : امي انا طفله عشان تتصرفي معاي كدا
نهله : اي طفله
حلا :انا قلت ليك محمد خلاص طلعتو من حياتي وانتي بنفسك سمعتي كلامي معاهو ماف داعي تحكيها معاي كدا
نهله: طيب حأخليهو بس كان شميت خبر ساي انك لسه متواصله مع الاسمو محمد دا ما بحصل خير
حلا : ان شاء الله
نهله طلعت وحلا قعدت في السرير وهي مبسوطه وبتتبسم براها نور جات داخله وقفلت الباب
نور : يا بت انتي وين بتصل ليك ما بتردي
حلا : التلفون كان سايلنت
نور: كنتي وين طيب
حلا : قلت ليك اتمشيت شويه وجيت
نور : طالعه من 7صباحا وجايه اذان العصر تقولي لي اتمشيت
حلا : نور لو سمحتي انا تعبانه وعايزه ارتاح شويه
نور : طيب ارتاحي بس برضو حتوريني ما على كيفك
نور طلعت وهي بتفكر حلا مشت وين وليه مصره ما توريها؟؟ قطع تفكيرها صوت تلفونها شالتو و ردت
نور: ايوه
قيس : فاضيه؟
-- حسستني اني سيدة اعمال
-- طيب تعالي
-- اوكي
نور لبست عبايتها وطلعت مع اشرف
..............................
صباح : انا عملت كدا عشانك يا ولدي
جاسر : شافع انا؟شافع عشان تقولي لي عشانك لو داير اعرس ما براي بمشي اعرس في داعي تقولي كلامك دا وتخليني زي العوير ماشي ورا خططكم ..وانا عشان رضاك عرستها عشان الزول ما عارف يومو متين عشان ما اموت وامي ما راضيه عني اتذكرت كلام الرسول عليه الصلاة والسلام لمن قال " رضا الله في رضا الوالدين وسخطه في سخطهم" انا عرست فوق لما وعارف الحاجه دي حتوجعنا احنا الاتنين بس قلت دي امك في النهايه ورضاها فوق كل شي لكن خلاص اي شي حينتهي هنا ما دام البت ما راضيه وانا ما راضي يبقى ماف داعي للزواج دا وبكرا حأسلمها ورقتها تشوف حياتها والزول البقدر يكمل معاها باقي عمرها لأنو دا ظلم لينا الاتنين
صباح :اعمل البريحك
جاسر: اصلا حأعمل كدا عن اذنك (وقام)
صباح كلمات ولدها كانو زي السم في قلبها
صباح :ربنا يسامحني والله ما كنت دايره غير سعادتك يا ولدي لكن اخترت الحاجه #الغلط
