وداعا...💔
بعد مرور اسبوعين💙
وضاح : احنا حنكذب لمتين
علي : لحدي ما تقدر تقنع غفران وفتحيه يجو هنا
وضاح : يا عمي والله العظيم ما حيقتنعو وبعدين الشي دا ما لي صالحك حسان حيعرف اي شي
-- انا حابكها زييين
-- انا زهجت ياخ وعايز ارسى خلاص
-- وضااح خت عقلك في راسك ويلا اتخارج عشان اخوك حيصل
-- وهو بقوم: طيب
وضاح طلع وهو بفكر " انا ليه بعمل كدا.. اعمامي بي سببهم احنا اتشتتنا واي واحد بقى كاره التاني .. غشونا انا واخوي.. غشو امي وابوي وخلوني اغش على امي تاني.. انا ما قادر اسكت على الكلام دا خلاص فاض بي .. انا بي سببهم بقيت انسان كعب حياتي كلها لعب وما منها اي فائده بس دا ما #غلطي كلو منهم هم .. طيب انا كبير وواعي ليه سمعت كلامهم معناها انا #غلطان اي غلطان .. انا مخنوق مخنوق شديد ماعارف اعمل شنو نفسي ارقد على رجول امي احكي ليها اي شي وابكي واطلع اي شي جواي ياارب"
وهو بتكلم مع نفسو سمع اذان الظهر عاين للجامع وللناس الداخله عليهو قطع الظلط ومع كل خطوه كان بقرب فيها للمسجد كان بحس بقشعريره بتسري في جسدو دخل المسجد ودي كانت اول مره يدخل بعد ابوهو خلا البيت .. كان بمشي مع ابوهو في كل صلاه .. اتذكر لمن كان صغير وابوهو يمسك يدو ويجي لحدي ما كبر وهو برضو بمشي وراهو مسك دموعو واتوضا دخل المسجد وكان سرحان في اي طفل مع ابوهو لحدي ما سمع الاقامه وقف مع الناس وبعد خلصو الصلاه الناس بدت تخف انتظر لحدي ما المسجد بقى شبه فاضي لحق الامام قبل ما يطلع ووقف قدامو
وضاح : اا السلام عليكم
-- وعليكم السلام
وضاح : عايز اتكلم معاك شويه يا شيخ
-- اتفضل يا ابني
قعدو الاتنين في ووضاح كان قصاد الشيخ
وضاح بدا يتكلم ودموعو بتنزل: ياا شيخنا انا .. انا عملت عملت حاجات غلط كتيره في حياتي حاجات ما بتتغفر .. عملت اي كبيره اي منكر .. كذبت وما الكذب البسيط دا كذب دمر حياة ناس.. سرقت وما سرقت قروش بسيطه سرقت ملاايين.. زنيت وما مره وحده اكتر من مره.. انا بقيت خجلان من نفسي وخجلان اعاين للناس حاسي نفسي قذر شديد وما قادر اعاين لنفسي في المرايه .. حاسي هموم الدنيا كلها في قلبي .. حاسي نفسي تقيل وما قادر امشي نفسي ارجع زي ما كنت طفل وما عارف للدنيا اي شي نفسي ارجع لبراءة زمان وما يكون عندي اي هم.. انا خجلان اتوب خجلان اتكلم مع ربنا واشكي ليهو عاجز عاجز اعمل اي شي💔
الشيخ : شوف يا ولدي ربنا ببتلي الانسان وبخليهو #يغلط عشان يرجع ليهو تاني وربنا لو ما بحبك ما كان خلاك تعرف غلطك وتجي لحدي هنا وتقول الكلام دا .. يا ابني الدنيا دي لاهيه ناس كتاااار ما انت براك وقلال البعترفو بي غلطهم وبرجعو لي ربنا .. وربنا ببتليك عشان تتوب وقلبك ينضف عشان تتعلم من غلطك وما ترجع للغلط مره تانيه..الناس بقت الدنيا سايقاهم شديد واي زول جاري وراها وبعد دا كلو ما بلحقوها .. الزول كان اتوضا وصلى صلاتو دي بخشوع ومسك مصحفو دا قرا ليهو ايتين تلاته ودعا ربنا وقام على حياتو وشغلو تاني ماف شي بخليهو يبعد من ربنا .. وانت الزيك كتاار بس ارجع لي ربنا هسي دا قوم على حيلك قول بسم الله نويت ان اتوضأ اتوضي وصلي ركعتين وفي كل سجده من الركعتين ديل قول اي شي في قلبك لي ربنا سبحانه وتعالي ما تخلي شي ادعي انو يتوب عليك ويتقبلك وان شاء الله حترتاح صدقني واستغفر كتييير ما تخلي لسانك يقيف من الاستغفار
وضاح : ان شاء الله
الشيخ طلع ووضاح مشا اتوضا جاب مصحف من الرف ختاهو قدامو وقف صلى ركعتين في قريب النص ساعه وعمل زي ما قال ليهو الشيخ مع كل سجده كان بقول هم من همومو وحاسي انو لسه عايز يتكلم ..سلم مسك المصحف وقرا سورة المائدة وما كان قادر يمسك دموعو بعد خلص رفع يدينو الاتنين وبقى يدعي
................................
