رحلتنا الي عفَافَ🌿💙

#لا_ما_بدي🌸

💞 مابدي  أروح على مطعم يخسر  نص معاشه عشان أحس إني بتعشى بمطعم راقي.. بس آه بدي يعزمني مرة ع مطعم عادي ويحسسني إني ملكة.

💞ما بدي يشتريلي ذهب ألبسه ع كل مناسبة وأتفاخر فيه.. بس آه بدي كل مناسبة نروحها اروحها وأنا مرتاحة ومبسوطة وفش بيني وبينه زعل وما يجرحني ولا مرة.

💞 ما بدي أمثل قدام الناس إنه كل فترة بيجبلي هدية يا سيارة يا طيارة يا ألماس يا ذهب وورا كل هدية من هدول في قصة وجع و كلمات جارحة وغلطة عملها هو..
بس بدي يجيبلي بلوزة بسيطة ويقلي استحليتها إلك أو وردة وحدة يقلي اتخيلتها إلك.

💞ما بدي نركب سيارة موديل جديد ونكون جايبينها بالدين.. بس آه بدي يكون عنا سيارة ع قدنا وكل يوم جمعة أو سبت يقوللي تعالي نروح مشوار بسيط ونروح فيها مبسوطين ومرتاحين.

💞 ما بدي تكون حياتنا ملانة ضجيج اجتماعي وزيف اجتماعي.. بس آه بدي يكون عنا أصحاب بسيطين زينا وننبسط معهم..

💞ما بدي يكون حديث الناس عن قديش طلع نصيبي منيح وانه دللني بنظرة الدلال الاجتماعي.. بس آه بدي يكون مرتاح وهو عارف قديش أنا مبسوطة معه من غير دلال مادي.

💞 ما بدي يسفرني كل 3شهور على بلد وورا كل سفرة من هدول أكون عانيت 3 أشهر من الاهمال والتقصير..
بس آه بدي نطلع بالسيارة ونلف بأي محل لو ضلينا بالسياره وأكون شبعانة من وجوده بحياتي كل يوم..

💞 ما بدي بيتي يكون كامل ومتكامل عشان الناس تقول بيتي حلو.. بس آه بدي بيت نكون فيه وتكون بكل زاوية فيه ذكرى حلوة تجمعنا.

💕بدي أكون مبسوطة وسعيدة وبدي أكون صبيه بتسعى بكل قوتها لسعادة بيتها وأهل بيتها💕

بنت الأصل بتقيس الزلمه بأفعاله ، والبنت الجوعانه بتقيس الزلمه بماله