رحلتنا الي عفَافَ🌿💙

طيب ركّزي معايا كويس جدّا يا ست البنات 💜:)

- دايمًا مفهوم العفّة مرتبط عند البنات بكلام الروايات، معناه إيه الكلام ده؟
معناه أن فلانة بتحب فلان؛ فقررت تعفّ نفسها عنّه فيشاء السميع العليم بقدرة قادر-سبحان الله يا أخي- أن هو كمان يطلع بيحبها ويتزوجوا في الآخر، وسبحان الله برده في كل الحالات دي بتكون أخته صاحبتها :D

نركن بقى كلام الروايات ده وتعالي نتكلم جد شويه :)

- احنا لمّا بنقعد نقول عفّي نفسك واتّقي الله في قلبك، فده عشان خايفين عليكِ وعلى قلبك من الوجع، وعشان عاوزين نمتثل لأمر الله، لكن ده مش معناه أبدًا أن احنا باصمين لكِ بالعشرة أن الشاب ده هيكون ليكِ :D
وده مش تشكيكًا في قدرة الله-حاشاه- ولكن ده عشان نكون واقعيين شوية..يا ربنا يكرمك ويرزقك بيه لو خير.. يا يرزقك بالخير والأحسن لك..ولحد ده ما يحصل احنا بنقول نعفّ نفسنا.

- بس لما تقرري تعفي نفسك خلّي نيتك صافية وجدديها لله..احنا مش بنتقرب لربنا ونعف نفسنا وغرضنا كله الولد اللي بتحبيه!
لازم تعرفي أن ربنا-عزّ وجلّ- بيغار على قلوبنا..ولازم برده تعرفي أن في العجلة الندامة..
فـ في الأول وفي الآخر احنا بنعمل كده ارضاءً لله..

- ادعي ربنا يقربك ممن هو خيرٌ وعونٌ لكِ بلاش تدعي بحد معين بعينه..وادعي ربنا ينزع من قلبك أي حب لا يرضيه..هترتاحي كتير :
ادعي بحب..ادعي بإلحاح..ادعي بتذلل..ادعي بخشوع
وربنا مش هيخيبك أبدًا ولا هيردك
وتذكرى دايماً التسليم والرضا لقضاء الله 💙🌸