رحلتنا الي عفَافَ🌿💙

قصص "الحب في الحلال 🌸5"

الحب الحلال

-واحده بتحكي قصة زواجها بتقول :
أنا شوفتة وهو خارج من صلاة الجمعة من 6 سنين  كنت انا رايحة عند جدتي كان هو الخطيب بتاع المسجد عيني جات في عينة فجأة وهو بيكلم واحد قلبي اول ما شافة دق لساني اتلعثم مبقاش عارف ينطق صاحبتي فضلت تقولي "أنتي كويسة في اي يابنتي " وانا ماشية سرحانة أنا زي ما أكون أذنبت بعدم غض البصر فعاقبني الله بحبة فضلت طول اليوم سرحانة وابتسم وبس ، عدي فترة طويلة وكل يوم جمعة قبل ما الصلاة تخلص وهما لسة في الركعة ألاخيرة أطلع اعمل نفسي رايحة عند صاحبتي اللي بيتها قدام المسجد وابطئ ف خطوتي عشان اشوفة بس مش بلاقية ، من يومها واختفي خالص ، نسيتة بس قلبي لسة بيدق كل ما بيفتكر عيونة ، عدي سنة ونص علي اليوم دا عدي سنة ونص وبدعي انة يكون من نصيبي جات مسابقة قران وخلاص قررت أني ادخلها وكدة يعني اهو بالمرة أراجع علي اللي نسيتة ؛ وفعلا قدمت وروحت ولما دخلت لاقيتة قدامي هو ومجموعة من الشيوخ أول ماشوفتة بدأت اتوتر جامد ونسيت كل اللي حفظاة قعدت قدامة عشان أسمع سألني وقالي ابدئي من أول اية

"  وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ "

مبقيتش قادرة انطق من التوتر حاولت ابص في الارض الارض مشالتش حتي توتري انا اصلا مشيلتش عيني من الارض مجاوبتش ع سؤالة وقولت مش فاكرة ، جة الشيخ اللي جمبة سألني سؤال ف جاوبت وبدأت أجاوب عادي خالص ومغلطش نهائي ..

جة دورة تاني فسألني

معرفتش أجاوب وبصيت في الارض وكأن سؤالة ليا بيجي بنبرة صوت تدق قلبي بجد ، بصيت للارض للمرة التانية الارض اللي تقريبا مشيلتش عيني من عليها وقولت مش عارفة ؛ وبدأت افرك في ايدي بطريقة أي حد يلاحظها ، لاقيت الشيخ اللي جمبة بيقولة

- أهدي كدة يا ياسر جاوبي يابنتي علي سؤالي دا وبدأ يسأل وأجاوب سأل حوالي 7 اسئلة ومغلطتش ولا غلطة واحدة  حتي فيهم ..

ولما قالي بارك الله فيكِ بس اشمعنا اسئلتي يعني وابتسم قلبي اتبعثر ع الارض وقتها وارتبكت فبيقولي داخلة ب 27 جزء صح ؟ كنت باصة ف الارض طول الوقت عيني مترفعتش من الارض قولتة لا ب 3 قالي 3 ازاي يابنتي انتي لسة مجاوبة ع اسئلة ف العمران والانفال والتوبة قولتلة مش فاكرة مش فاكرة ... وعيني بدأت تدمع لاقيتة بياخد ملفي من قدام الشيخ اللي جمبة وبيبص فية يعرف انا حافظة كام جزء وأول مافتح وشاف صورتي قدامة ابتسم وقال ياااااة دلوقت بس عرفت انتي متوترة لية ..والدك برة معاكي !؟

ف الشيخ اللي جمبة كان اسمة الشيخ جلال بيقولة ف اي ياشيخ ياسر !

قالة لا مفيش مفيش اتفضلي انتي ياجهاد دلوقت وطلعت ووشي احمر وعيني بتدمع وهو كان بيبتسم ،،،

روحت البيت خدت شاور ولبست وقولت لامي نازلة اتمشي  مع صحابي شوية ، ونزلت فعلا بعدها ب 3 ساعات موبايلي رن بابا بيرن عليا قولت لصحابي اكيد بابا هيزعق عشان اتأخرت وكدة ففتحت وبقول  والله اسفة يابابا جاية اهو لاقيتة هو يا اسراء بيقولي لوسمحتي يا انسة جهاد أنا الشيخ ياسر المفروض تتسألي 10 اسئلة وانتي اتسألتي 9 اسئلة ناقص سؤال واحد ليكي عشان كدة جيت لحضرتك البيت اسئلة السؤال هو موافقة علي اني ابقي زوجك !؟

يخربيت دقات القلب انا اغمي عليا وقتها والبنات صوتت لما وقعت علي الارض  ... هو فضل يقول انسة جهاد !! يابنتي ردي ، حتي السؤال دا كمان نسيتي أجابتة يا انسة جهاد  بابا بيقولة في اية يا شيخ ياسر قالة والله ياعمي شكل الانسة جهاد ماتت من الصدمة  واتخطبنا وقعدنا 9 شهور ملتزمين بضوابط الخطوبة قالي حتي الموبايل مش هنتكلم فية بس كل جمعة تعالي المسجد اسمعي الخطبة وفعلا كنت  اروح كل جمعة اسمع خطبتة واروح كان كل جمعة بيخطب بدرس بكون محتاجاة فعلا واتجوزنا اول جملة قالها ليا بعد كتب الكتاب " خلتيني اروح اخطب في مسجد في بلد تانية من اول ما شوفتك عشان مغضبش ربنا فيكي "  ،،، عاوزة اقولك ان اللي كتب الكتاب هو الشيخ جلال وطول كتب الكتاب يقول يانمس دلوقت بس عرفت هي لية كانت متوترة  ..!😂

واتجوزنا ومعانا دلوقت رقية وخديجة