وهل هوا حرام ولا لا؟
أولا: الارتباط يا إما (زواج أو خطبه) غير كدا يا بنت الناس حرام حرام💙
ثانياً: هتقوليلي بحبه وهو بيحبني ومش عارف اي
هقولك دا حب حرام شرعاً.
حد هيجي يقولي دلوقتي مين قال انو الحب حرام ؟
= انا مقولتش انو الحب عمومًا حرام ولكن انك ترتبطي وتحبي فـ السر حرام
ثالثاً: الحب إنو يخاف عليكي
الحب إنو يدخل البيت من بابه مش تتكلموا بحجة الظروف اللي مبتخلصش ولا الجيش اللي لسه هيدخله ولا دراسته اللي لسه هيكملها..💙
رابعا: بقااا واللي كله هيقولي هاتي دليل من القرآن انو الارتباط حرام ودا كلام معظم البنات أو الشباب للأسف ممكن يكون مش فاهم بس لازم دليل
=حاضر هقولك دليل قال الله تعالى
"ولكن لاتواعدوهن سرا" (سورة البقرة"235")
وقوله تعالي( ولا متخذات أخدان)
هااا لسه مش حرام؟💙
خامساً: اللي بيحبك هيخاف عليكي
مش هيخاف عليكي من الناس لا ...هيخاف عليكي من يوم القيامة .
اه من يوم القيامة لما يوم القيامة يكون هو السبب من إنك تقعي من علي الصراط .
لما يكون هو السبب في إنك خونتي ثقه مامتك وباباكي وكلمتيه وسهرتي للفجر علشان تكلميه💙
سادساً: هما ميستاهلوش أنهم يزعلوا علشان بنتهم خانتهم..
والله ميستاهلوا
راجعي حساباتك كويس راجعي حساباتك تاني..
هما ملهومش ذنب أنهم ادولك فون وادولك ثقه
اه ادولك ثقه
اوعي تخونيها..
ارجعي وتوبي قبل فوات الاوان 💙
سابعاً:لو بتحبيه ومينفعش تكملي من غيره سبيه
سبيه وادعي بيه في القيام ولو نصيبك هيبقي ليكي من ترك شيئا لله عوضه الله خيرا منه يجميلة
لكن مش بالطريقه دي💙
ثامناً:فكري كدا من يوم ما ارتبطي علاقتك بربنا عامله إزاي؟
هتقوليلي هو اللي خلاني انتظم علي الصلاة
=ماشي يحبيبتي بس حرام برضو طول ما هو مش من محارمك مينفعش تكلميه
تاسعاً:لسة ممكن ترجعي علي فكرة باب التوبه مفتوح ربنا مبيردش حد ..
روحيله إنتي بس وهو هيقبلك
بس توبي توبه صح ...
التوبه انو تكوني ندمانه بجد ع الذنب دا .
خلي عندك عزيمة انو مش هترجعي للذنب دا تاني .
ابداي صفحة جديدة مع ربنا بس متتنيش الصفح التانيه لا اقطعيهاا خالص علشان مترجعيش تاني 💙
أنت تقرأ
رحلتنا الي عفَافَ🌿💙
Ficción Generalهو رفيق الروح.. لن يضلّ عنه قلبكِ. قد ترفضين قبله محاولات الكثيرين من الإقتراب منكِ، حياءً و عفّة! و انتظارًا لحلالٍ يُرضي به الله قلبكِ فترينه، و كأن روحك تبحث عنه من زمن بعيد شعور تعانق الأرواح! الألفة منذ اللحظة الأولى أمر عجيب.. يفسره "خلق ل...
