Unicode
စစ်မင်းရောင်ရန်ကုန်လေဆိပ်ထဲသို့ရောက်ရှိနေသည်။ ဖေဖေရယ်မေမေရယ်အပြင် လင်းလဲလိုက်လာခဲ့သည်။ ပြီးတော့သူ့ရဲ့အချစ်ရဆုံးသော သူငယ်ချင်းနှစ်ယောက်ဖြစ်တဲ့ နွေးနွေးနဲ့ရန်မျိုးအောင်ကော သူ့ကိုနှုတ်ဆက်ရန်ရှိနေသည်။ စစ်မင်းရောင် ငိုနေရှာသောသရဖီစစ်ရှေ့တွင် ဒူးတုပ်ထိုင်ကာ သူ့
ရင်ခွင်ထဲထွေးပွေ့ကာဖက်ထားမိသည်။ သူ့ကိုလေယာဥ်ကွင်းကို လိုက်ပို့သူများထဲတွင် တစ်စုံတစ်ယောက်တော့ပါမလာခဲ့ချေ။ ထိုသူကပါစစ်။ စစ်မင်းရောင်စစ်ဆေးရေးဂိတ်ကိုဖြတ်ရန်မိနစ်အနည်းငယ်သာလိုတော့တာမို့ သူရောက်လာမလားဟူသောအတွေးတစ်ခုနဲ့ လိုက်ရှာနေမိသည်။ တစ်နေရာရာကများ ပါစစ်ကြည့်နေမလားဟူသောအတွေးစတို့လဲ လွှင့်ပျောက်လို့သွားခဲ့သည်။
"မကြာမီအချိန်အတွင်းမှာ ထွက်ခွာတော့မည့် ရန်ကုန်ကနေစင်ကာပူလိုက်ပါမယ့်ခရီးသည်များ စစ်ဆေးရေးဂိတ်ကိုဖြတ်ကျော်ပြီး မိမိတို့လိုက်ပါစီးနှင်းမည့်လေယာဥ်ပေါ်သို့ တက်ရောက်နိုင်ပါပြီရှင်။
အားလုံးပဲသာယာတဲ့မနက်ခင်းလေးဖြစ်ကြပါစေရှင်။"
လေယာဥ်မယ်လေးရဲ့သတိပေးသံကြောင့် စစ်မင်းရောင်လေယာဥ်ပေါ်သို့တက်လာခဲ့သည်။ လင်းကတော့သူ့ဖေဖေရဲ့companyမှာ အလုပ်လုပ်နေရသူမို့ သူ့ဆီကိုသာအလည်အပတ်လာမယ်လို့သာပြောရှာသည်။ သူမြန်မာပြည်ကြီးကနေ မခွဲခွာချင်ခဲ့ပါ။ သို့သော်...
စစ်မင်းရောင်ထိုင်ရမည့်ခုံနံပါတ်ကိုရှာနေမိသည်။ ဟော...လူတစ်ယောက်သူထိုင်ရမည့် ခုံဖက်သို့ကျော်လွန်ကာ ခြေထောက်ဆင်းအိပ်နေသည်။ လူကစိတ်ကမကြည်ချင်တာမို့ ထိုလူရဲ့ခြေထောက်ကိုအသာအယာတွန်းဖယ်လိုက်သော်လည်း ခြေထောက်ကနေရာမရွေ့။ နောက်တစ်ချက်အားခပ်ပြင်းပြင်းနဲ့တွန်းဖယ်လိုက်မှသာ သူထိုင်လို့ရတော့သည်။ စစ်မင်းရောင်လက်ကဖုန်းကိုသာကြည့်နေမိသည်။ ပါစစ်ဆီကနေဖုန်းခေါ်လာလေမလား။ massageတစ်စောင်လောက်များရောက်လာမလားဟူသောအတွေးကြောင့် ဖုန်းကိုစက်ပိတ်မထားသေးပါ။
"လူကြီးမင်းရဲ့ဖုန်းလေးစက်ပိတ်ပေးထားပါရှင်။ မကြာခင်လေယာဥ်စတင်ထွက်ခွာတော့မှာမို့ပါ။"
ВЫ ЧИТАЕТЕ
ဘေးအိမ်ကကိုလူချော(ေဘးအိမ္ကကိုလူေခ်ာ)(Unicode&Zawgyi) (Complete )
Любовные романыကျွန်တော်မျှော်လင့်စေလောက်မယ့်အခွင့်အရေးတွေမပေးပါနဲ့လား ကျွန်တော်ပါစစ်ကိုချစ်တယ် ကြၽန္ေတာ္ေမွ်ာ္လင့္ေစေလာက္မယ့္အခြင့္အေရးေတြမေပးပါနဲ႔လား ကြၽန္ေတာ္ပါစစ္ကိုခ်စ္တယ္ Art.Lay Pyay Yhine Writter: Khant Oct.22.2020
