عندما يعشق المافيوز(متوقفة)

المافيوز يزور ليلى وتنهار❌💔

الجزء الخامس عشر
.
يا جمر...(البركان ينادي مساعده)
دخل الجمر بسرعة وقال:حاضر معلم...
البركان:شوف اليوم بليل بدي روح شوف ليلى بس ما لازم يشوفوني أهلها مشان ما سببلها مشكلة ويصير أخوها يسألا و يزعجها

الجمر:معلم بروح بفعسو لأخوها إذا عمللها شي

البركان:لا يا غبي أنا ما بدي ياها تنزعج أبداً...خلص ما دخلك أنت عميل اللي بقلك عليه

الجمر:بس معلم مو ليلى لسا بالعناية المركزة؟؟

البركان:لا صرلها يومين واليوم طلعوها والزيارات صارت مسموحة

الجمر:طيب شو رح نعمل معلم

البركان:رح روح على أساس أنو أنا أستاذها بالجامعة وانت زميلها...

الجمر:أمرك معلم....

البركان:طيب روح هلق اليوم جاية (أبو الورد) بدو ياخد عشرين قطعة سلاح روح جهزون يلا

الجمر:يلا معلم رايح...

جلس البركان يفكر بالكثير من الأشياء وكان هدفه الأول هو أن يتزوج ليلى بعد أن تخرج من المستشفى....

حلَّ الليل وتجهز البركان ليذهب لعند ليلى إلى المستشفى....

قال الجمر للبركان:معلم السيارة جاهزة وباقة الورد الكبيرة اللي وصيتني عليها جاهزة بالسيارة...

البركان:ممتاز يلا لكن خلينا نروح

صعد الجمر والمعلم البركان بالسيارة وانطلقوا إلى المستشفى...

مرَّ نصف ساعة حتى وصلوا....نزلوا وحمل الجمر باقة الورد ثمَّ صعدوا لعند ليلى....

دخل البركان والجمر لعند ليلى ولم يجدوا أخو ليلى بل كانت أمها فقط...

نظرت ليلى وأم ليلى وهم مصدومين....
قال البركان لأم ليلى:مرحبا يا ست أم عادل...أنا أستاذ ليلى بالجامعة وهاد زميلها....

أم عادل:يا أهلاً وسهلاً فيك أستاذ

البركان:شكراً يا ست أم عادل...ثم أكمل قائلاً:كيفا الحلوة ليلى انشالله صارت أحسن

أم عادل:أي صارت أحسن يا أستاذ

قال البركان لأم عادل:ممكن ست أم عادل تتركيني أنا وطالبتي شوي بدي حكيها كلمتين

أم عادل مصدومة ومرتبكة:أأأ...أي طبعاً طبعاً أستاذ

نظر البركان بالجمر وأشار له بعيونه لكي يخرج مع أم عادل....

خرجوا وبقي البركان وليلى وحدهم....
كانت ليلى منزعجة جداُ وحزينة...فقالت:شو جابك لهون بيكفي اللي عملتو فيني بيكفي...

اقترب البركان من ليلى وقال:حبيبتي لا تخافي أنا بدي أتزوجك بس تطلعي من المستشفى....ثمَّ قبلها على وجهها وقال:هاد الورد ما بيلبقلك لو فيني كنت جبتلك كل شي في جواهر بالمدينة بس مشان أهلك ما يحسو على شي ويصيرو يسألوك ويزعجوك....

ليلى وهي تصرخ:طلااااااع لبرااااا انقلععععع تركني لحااالييي

دخلت أم عادل بسرعة إلى الغرفة بعد أن سمعت الصراخ وهي خائفة كثيراًوقالت:ششش شو في شو في

واستمرت ليلى بالصراخ والبكاء....
فقال البركان بكل هدوء:لا تخافي شكلها مزعوجة شوي صغيرة.....

ثمَّ دخل الطبيب بسرعة إلى الغرفة وقال للبركان:لك شو عملت أنت طلاع...طلاع لبرا إذا سمحت

نظر البركان بالطبيب وقال:عم تحكي معي يا حشرة

الطبيب:الزم حدودك وطلاع برا الغرفة أحسن ما أطلبلك أمن المستشفى

ضحك البركان بصوت عالي جداً ثمَّ رفع يده وضرب الطبيب كف جعله يقع على الأرض مغمى عليه....
ثمَّ خرج من الغرفة وترك ليلى تصرخ وهي منهارة مرة أخرى....
صعد الجمر والبركان في السيارة وقال الجمر وهو منزعج:معلم خليني انزل أخطف هالدكتور وأعملو قتلة بالمقر عنا....

البركان وهو يضحك بقوة:ههههههه لك حرام ما بيكفي الكف اللي أكلو....ههههه

ثمَّ ضحك الجمر كثيراً.....

...
دخل الأطباء كلهم إلى غرفة ليلى وأعطوها إبرة مهدئ وحاولوا تهدئتها مرة أخرى....
وكانت أم عادل خائفة كثيراً على ابنتها ومصدومة ولم تفهم ماذا حصل.....

انتقلوا إلى الجزء القادم أحبائي.....