عندما يعشق المافيوز(متوقفة)

خطة البركان للوصول إلى حبيبته المتزوجة

#الجزء الثامن عشر
.
يا جمررر(البركان ينادي مساعده)...
دخل الجمر لعند البركان وقال:نعم معلم

البركان:شوف لازم نلاقي طريقة نعرف فيها مكان مقر الجمجمة

الجمر:ليش سيدي بدنا نهجم عليه؟؟

البركان:لا في خطة براسي بس لازم أعرف مكان الجمجمة

الجمر:أنا بأمرك سيدي...خلص تركا عليي

البركان:كيف؟...شو رح تعمل

الجمر:رح نراقب طريق التهريب وبس نشوف بضاعة الجمجمة مندخل بين السيارات بدون ما يحسو...بس الشي الوحيد الصعب معلم هو أنو كيف بدنا نعرف إذا البضاعة للجمجمة ولا لحدا تاني

البركان:هي سهلة...أنا بتصل بجماعتي وبخليون يقلولي وقت تمر بضاعة الجمجمة...

الجمر:تمام سيدي ممتاز...

البركان:طيب لكن هلق بحكي مع جماعتي وبشوف ايمتا بضاعتو لهلحيوان رح تمر

...

مرَّت ساعة ثمَّ اتصل البركان بأحد الأشخاص الذي يعرفهم ويعمل على الحدود وسأله عن موعد دخول بضاعة الجمجمة وحدد له الموعد....

يا جمر(البركان ينادي مساعده)

دخل الجمر لعند المعلم البركان وقال:أمرني معلم

البركان:حكيت مع جماعتي وعرفت أيمتا بضاعة الجمجمة رح تدخل الحدود...وأكمل قائلاً:بكرا الساعة خمسة الصبح...

الجمر:تمام معلم لكن نحنا رح نطلع قبل بأربع ساعات ونراقب الطريق وبس نشوف البضاعة مندخل بيناتون بسيارتنا...

البركان:تمام لكن يلا روح جهز كل الأوضاع...

مرَّت الساعات حتى أتى موعد الخروج...
خرج المعلم البركان إلى الجمر وهو يحضر نفسه للانطلاق وقال له:دير بالك على حالك يا مساعدي وأيدي اليمين...ولا تخاف أنا سندك وبدعمك وطول ما أنا عايش ما حدا بيقرب عليك...

ضم الجمر البركان بحب شديد وقال له:أنت معلمي وعيلتي وأبي وأخي وحياتي يا معلم وبفديك بروحي...

البركان:يلا يا غالي انطلقوا....

انطلق الجمر مع اثنين من الرجال وذهبوا ليقوموا بمهمتهم الصعبة....

وصلوا إلى الطريق الذي ستدخل منه بضاعة الجمجمة وكان قد بقي ثلاث ساعات على وصول البضاعة....

مرَّت ثلاث ساعات وفجأة سيارات وشاحنات الجمجمة آتية من بعيد...

قال الجمر لرجاله:يلا يا شباب حضرو حالكون...
انتظروا حتى وصلت السيارات والشاحنات إلى جانبهم ثم انطلقوا ودخلوا بينهم بطريقة ذكية....ولم يلحظ أحد أن هناك غرباء....
مرَّت تقريب الساعة والنصف حتى وصلوا إلى المقر وتوقفت جميع السيارات والشاحنات ثمَّ نزل الجميع...
قال الجمر لرجاله:يلا يا شباب انزلو...
نزل الجمر ومعه رجاله وبدأو بنقل البضائع إلى داخل المخزن...وكان الجمر وأصدقائه في قمة توترهم لأنهم إن مُسِكُ فسيتم قتلهم فوراً....
انتهوا من نقل البضائع وجلسوا في الخارج على أساس أنهم سيحرسون المقر في الخارج....
انتظروا هناك حتى الساعة الثانية عشر في منتصف الليل....ذهب الجمر لعند أصدقائه وقال:يلا يا شباب خلينا نروح نطلع بالسيارة ونرجع على المقر....
تفرقوا حتى لا ينتبه أحد وسلك كل واحد منهم طريق مختلف حتى وصلوا إلى سيارتهم وصعدوا....وصلوا إلى الباب الخارجي ولكنه كان مغلق...نزل الجمر لعند حارس الباب الخارجي وقال له:فتحلنا الباب، المعلم باعتنا مهمة
فتح الحارس لهم الباب ثمَّ انطلقوا....

كان الجمر وأصدقائه سعيدين بطريقة رهيبة وكانوا يغنون من شدة الفرحة....

مرَّت ساعة حتى وصلوا إلى المقر...
نزل الجمر بسرعة وصعد بقمة سعادته لعند المعلم البركان....
طقطقطق(الجمر يطرق الباب)....

البركان:تفضل..

دخل الجمر لعند البركان وهو سعيد وقال:معلم...معلمممم...عرفنا مكانو....
نظر البركان فيه وضحك سعيداً وقال:أهلييين يا بطللل...

جلس الجمر وحكى للمعلم كل شئ حدث وقال له أين يقع مقر الجمجمة....
ثمَّ أخرج الجمر مسدسين من بنطاله ووضعهم أمام المعلم البركان وقال:تفضل معلم هدول شفطتون من عند الجمجمة وجبتون مشان تعرف شو نوع البضاعة اللي عم يشتريها الجمجمة

ضحك البركان وقال:هههههه....أنت مجرم رائع يا جمر...هههه
ثمَّ حمل البركان أحد المسدسين وبدأ يتفحصه بتمعن ثمَّ رماه على الطاولة وقال:غريب كيف الجمجمة عم يشتري هي الأسلحة الجربانة السيئة....

ثمَّ قال الجمر:معقول معلم؟؟!!

البركان:أكيد لا...بس أكيد في قصة وراء هالبضاعة السيئة

الجمر: طيب معلم مشان قصة قصي وليلى شو الخطة هلق؟

البركان بصوت هادئ:بكرا بتعرف...بكرا بتعرف....

الجزء القادم صادم وقمة في الروعة...انتقلوا إليه أحبائي❤❤