رواية غار الغرام للكاتبة/نبض افكاري// مكتملة

البارت الثاني والعشرون

البارت الثاني والعشرون

يوسف انقهر من كلامها وجنت اجنونه لمح سكين صغيره في صحن الفاكهه الموجود على الطاوله وفي لحظة تهور سحب السكين وهجم فيه على بروق وعينه على صفحة ارقبتها الطويله : والله لتندمين ياكلبه ودامني خسران خسران نخسر سوااااااااااء
هوت يده بالسكين بعنف واعترضتها يد غرور الي اندفعت معترضه السكين بيدها في نفس اللحظه الي تراجعت فيها بروق بحركه سريعه كانت بتمسك يد يوسف لاكن يدها اشطفت السكين وانجرحت وطش الدم على يد يوسف .....وغرور
اطلقت صيحة الم دوت في الفيلا كلها وشاركتها بروق الصراخ لمى شافت دمها ينزف بغزاره
يوسف تخرع من منظر الدم الي ينزف من يد غرور خم يدها بيشوف الجرح ويحاول يوقف النزيف
لاكن غرور دفته عنها بعصبيه : وخر عني وخر لاتلمسني ياحقير يامجرم بعد عني لاتلوثني بقذارتك
يوسف حس بطعنه تخترق قلبه بكل عنف اخر شي توقعه يسمع مثل هالكلام من اخته تسمر مكانه مذهول مخذول ماهو قادر يستوعب الوضع الي هو فيه .......
بروق اسحبت كميه كبيره من المناديل وخمت يد غرور تغطيها بالمنديل وتضغط عليها علشان توقف النزيف وغرور تبكي من الوجع ...صوت الصراخ وصل لام نادر وغزل واطلعو من غرفهم يركضون بخوف اتجاه الصوت اوصلو لصاله وتجمعو على غرور برعب ......ام نادر امسكت يد بنتها الي تشوفها مغرقه المناديل دم : وش فيه وش صاير
غرور واهي تبكي بألم وتنفض يدها من قو الوجع :يمه يوسف كان بيطعن بروق وانا ابعدته عنها والسكين جت في يدي
ام نادر التفتت على بروق بخوف : ليه يطعنك وش صاير
ابروق تصارع علشان تثبت المنديل على يد غرور الي ماهي قادره تثبت على حال واحد من قو الوجع
: تهاوشنا ....خيانه جديده كالعاده
يوسف قيده اختفى من الصاله بمجرد ماشاف امه جايه خاف يسمع منها شي اقوى من الي اسمعه من غرور
غزل انرعبت من منظر الدم وقامت تبكي واهي مغطيه وجهها بيدينها ماتبي تشوف الدم
ام نادر انقهرت من يوسف وعليه سالت دموعها من حرقت قلبها على اعيالها وحده انجرحت يدها والثاني كل يوم طالع لهم بمصيبه جديده امسكت يد غرور بيد ترجف وبعدت المنديل عنها تشوف الجرح وماقدرت تصبر اكثر بكت رغم ان جرح غرور تقريبا سطحي جاي من بين الابهام والسبابه من منتصف المسافه بينهم ونازل لتحت لحد نصف الكف طول الجرح يجي ثلاثه سم تقريبا واسواء مكان فيه بدايه الجرح صاير اعمق مكان فيه وينزف بغزاره
غرور تبكي وتتوجع : اه يمه يدي تعورني يمه يمه يمه اه اه يدي ....
غزل انقهرت من يوسف اجلست جنب غرور واهي تحضن كتفها من جهة يدها السليمه : عسى يده للكسر الحقير بغا يطير يدك
بروق اصرخت على امنه الي جت هي وكم وحده من الخدم على صوت الصراخ : امنه روحي جيبي شنطة الاسعافات الاوليه
ام نادر انفخت على غزل : لاتدعين على اخوك
اركضت امنه تجيب الاسعافات .....وام نادر اسحبت غرور معهابخوف : بلا اسعافات بلا هم يد بنتي راحت انا بوديها المستشفى
قالته والتفتت على الخدم بعصبيه : بسرعه جيبو العبايات
العاملات اركضن يجيبن العبايات كلها لحضه وارجعن لبسن غرور عبايتها والبسن ام نادر وغزل عباياتهم واخذو غرور للمستشفى يخيطون لها الجرح .....