احلى يوم واحلى ليله مرت عليه والوقت مشى بسرعه وصار الصبح شبعت نوم يالله صارلي اسبوع مانايمه براحه واستقرار ماما محضرة الريوگ تريكت للاسف وحدي الكل طالع للدوام وبابا سافر مالحگت اودعه بعدني دا اشرب الجاي أجت ام اسامه بوست ماما وبوستني
يلا بنيتي لمي غراضج وتعالي مشتاقيلج يمعوده
خاله ليش مااجه حسام ؟
ماما طلبت مني الم بغراضي من الغرفه
رحت جمعتهن بجنطنتي وبدلت اجيت قريب المطبخ سمعتها تحجي على ام اسامه بالچ عليها ومو تحرمونه نجي ونشوفها عبالكم هاي هيه كل اسبوع تتدزيها تبات يمنه وترتاح افتهمتي لو نتصرف غير تصرف وياكم
حسن بيه اجيت استغربت ضحكن وتباوسن كدامي ام اسامه خذت جنطة ملابسي وطلعت كدامي ماما بوستني واطتني فلوس ووصتني اشحن الموبايل ومن احصل مجال اخابرهم ردت اسألها عن اللي سمعته دفعتني يلا ماما روحي رجالج منتظرج خطيه
قلبي انقبض وحاسه بنفسي رايحه للاعدام
طلعت ورة خاله ام اسامه ساكته ماحجت ولاكلمه وصلنه شفت بنيه ضعيفه كلش واكفه تغسل مواعين وكفشه شعرها اصفر محترك من الصبغ وعيونها حمر شكلها مبهذل تلكتني هلهلت وبوستني ام اسامه ضحكت وضربتها على متنها
وخري سوسن لاتخرعين البنيه
كالت بضحك اني زوجة اسامه
ها تشرفنه اسفه ماعرفتج
لا حبي مصار شي هسه عرفتيني وان شاء الله اخوات لهجة كلامها مبينه بصراويه ولو مااعرف لهجتهم بس تختلف عن كلامنه بس مبينه متعوبه ومااعرف سوالفها كأنما مو صاحيه كل شويه تضحك دخلت ماكو احد بس رناوي على التلفزيون طفرت من شافتني وشبكتني يالله زنزون اشتقنالج بوستني وأخذت الجنطه تعالي اساعدج صعدنه الدرج شاورتني ترة حسام منتظرج بالغرفه ماطلع للشغل لااكل ولاشرب من رحتي البارحه ولحد هسه
صدك !
حسيت بلويه ببطني كأنما داخله لقاعه الامتحان خفت من ردت فعله كلت هسه يطلع ونسه البارحه والضحك الضحكته من خشمي
فتحت الباب ودخلت شفته متمدد على الچربايه رنا دخلت الجنطه وطلعت
اشرلي تعالي خفت تبسمرت بمكاني
اشرلي مرة لخ وابتسم أمنت شويه تقدمت باتجاهه سحبني وگلبني نام فوگي بقه يبوس بيه بجنون گطع شعري
حسام اهدة حباب مو هيج شوي شوي
خنگني من رگبتي
أهدة ولج !
تدرين شكد دمرتيني انتي مو كافي محروم منج سنه كامله تجين اسبوع وترجعين لاهلج انعل والديج اذا بتتي برة مو يمي اخر مرة الچ
يحچي ويرجف ويمزك بملابسي جنت لابسه كوستم بي دگم من گدام كطعهن وگطع ملابسي الداخليه حتى كلامه قاسي غلط وسب وشتم وماخله كفر ماگاله مجنون بشكل رسمي لحد ما اخذ اللي يشبعه وزيادة بس هالمرة كلي تعالي نسبح سوة يعني حتى بالحمام مااكدر ابقى وحدي على الاقل ابچي ويه نفسي بدون مايشوفني جرني من ايدي ودخلنه للحمام ومااعرف شلون سيطرت على دموعي سبحنه سوة وحاولت امثل عليه دور الزوجه المطيعه رغم الآلم اللي يگطع بقلبي و مشاعري أكدلي بكل تصرفاته انه مجنون مهووس بشي اسمه جنس مااعرف اذا چان يحبني من صدك وتصرفاته هذي تعبير عن حبه ألي بس اللي حسيته خوف من شخص مريض يضرب ويعض ويتلفظ بالفاظ قذرة حتى بالشارع ماسامعتها
ولا هيج جان قبل الزواج
طلعنه كلي ربع ساعه وجايج نزل يركض
عاينت للساعه شوكت وصلت وهسه كم ساعه بقيت ويه هالمتوحش جسمي كله يوجعني شرجعني ياربي لطمت على وجهي وبچيت بس سديته لحلگي بايديه اثنينهم خفت يسمعني سمعته قريب الباب مسحت دموعي بسرعه وتصنعت الابتسامه اجه يركض وشبگني وظل يبوس
لچ زينه اموتج والله ماتروحين لاهلج بعد واذا رحتي ماتباتين هزيت براسي اي
يلا ناكل جوعان حتى ارجع اكلج وعضني بأذني دمعت عيوني شبيج ام دميعه اتشاقه
مسحت عيوني مااكدر احچي بس احجي يمكن انفجر ببوجهه
اكله انته شكد مخبل انته شكد مريض واعوفه واشرد وارجع لاهلي تحملت وسكتت تغدينه شفت اكلهم كلش بسيط تمن ومرك باذنجان وخبز وخضرة ولبن
وجان الاكل مو طيب
تعلمت على طبخ ماما ونفسيتها الطيبه
كلي زنزون باجر اطلع للشغل الكاج متحضرة ومبدله وطابختلي اكل من ايديج ماريد سوسن هالخبله تطبخ اكلها ناشف مثل وجهها
بداخلي كتله ع اساس انته مو خبل شو كلكم طلعتو مخابيل
كمل الاكل رجع يبوس بيه مثل المحروم من شى مااعرف اوصف حالته لا مثل الجوعان أيام ويلكه اكل يظل ياكل بشراهه بس هالشي كلش زايد ومبالغ وسببلي دمار نفسي ومجبورة اتحمل انتظرته لحد ماتعب ونام تسحبت ببطء لبست روب ابيض وطلعت من الغرفه ردت اتنفس اختنكت تمشيت بالطابق الفوك دورت على باب السطح لكيتها مقفوله خفت افتحها يحسون بيه ماكو شباك اي منفذ التفتت وراي شفت اسامه فززني شكله يخوف طبعا هو اسامه ميشبه لاحسام ولارنا ولاكأنما اخوان يختلف عنهم ناعم مو كلش طويل وشعرة محلقه نمرة ولحية وشوارب بيهن شيب وعيونه سود بس نظراته شريره تخوف
كتله مساء الخير ارتبك
رد بصوت ناصي
مسساء النور .. شتسوين هنا !
... يتبع .....
