زيارة بابا مجانت موفقه
اللي صار ...
وقت المغربيه دا اغسل ملابس بالحمام الفوك اجت رنا تركض ..
زينه .. زنزون !
خير رناوي شصاير !
ابوج عدنه
بابا !!
نشفت أيديه ونزلت ع السريع شفته بغرفة الضيوف (الاستقبال) يسموا
حضنته بلهفة وبوسته وهو هم فرح من شافني ولو جانت واضحه بعيوننه نظره الغضب كعدنه بالكاع دواشك فراش مخلين ماعدهم قنفات ولاكراسي بقيت لازمه ايدين بابا وام اسامه جابت جاي الحمد لله محد اكو ابو اسامة بالكهوه طالع وحسام بعده بالشغل
شفته جايب كراتين صوبه نفطيه وخلاط عصير وتحفيات وسجادات صلاه وعلاليك مليانه ردت اسأله بس شفته ضايج وزمخ بأم اسامه
ليش مراحت زينه للمدرسه !!
اتلبكت وبقت تفرك بيديها ودنكت
اني خفت تصير مشاكل همست بإذنه بابا حسام كلي تركي هالسنه علما نكون نفسنه والسنه الجايه اكمل أن شاء الله
باباتي وليش هيج تحجين بصوت واطي ؟
بلعت ريكي وسكتت
بابا مامتطمن وعيونه تتطلع نار وشرار
بنيتي احجيلي اكو شي
امج ماحجت شيء وانتي من يوم السبعة بعد مازرتي اهلج !
يابابا فهميني !
وينه حسام ؟
ام أسامة كالت بعد روحي ابو فراس اشرب جايك برد
ما شرب جايكم وحسابي وي الزلم اللي بيني وبينهم اتفاق
بابا اهده فدوه اروحلك بلا متصير مشاكل
مشاكل !! ليش بابا شصاير !!
مااعرف شكول دقايق ودخل ابو اسامة سلم من وره خشمه وبيده سبحه يفرها وريحه الشرب تفوح منه بابا ماعجبه الوضع بعده ماحجه شيء ابو اسامة رفس الغراض برجله شنو هاي حضره التاجر بتكم وخذناهه وبعد تنطونه فوكها هدايا ويستهزأ ويترنح من السكر أم أسامة تملخ بخدودها وتعض شفه وتتعذر ظل يسب بيها كدامنه دفعته لغرفته دفعها طيحها بالكاع وظلت تصرخ بابا جرني امشي بابا مالج كعده هنا
اهده بابا حسام هسه يجي و ..
دخل حسام شاف المنظر وأمه وابو يتجادلون خنزر على بابا واشرلي اصعد لغرفتي كلمه منا كلمه منا بابا دفعه وهدده ياخذني وبيننا محاكم دفعه وطلع
خفت وجمدت بمكاني صرخ بيه لسه بعدج هنا ركضت للغرفه لحكني وضربني بيده وبرجله ملخني حتى من الهبطه مااتذكر شكال وطلع بقيت ابجي والطم خفت يسوي مشاكل وي بابا وماما واخواني وره ساعة صنطه بالبيت فتحت الباب وصحت رنا رنا ..
حجت من جوه زينه ظلي فوك تره علكت باب بيت اهلج
شنو !!
عزه العزاك حسام بعد ماشوف دربي دورت بالكنتور ع ملابسي
لبست جبه وحجاب ونزلت رنا كمشت بيه زينه لاتتطلعين فدوه يكطعج حسام بعدني بالطارمه دخل حسام خشمه بي دم نزع نعاله وشمرني وظل يسب ويشتم ولج امشي صعدي
ام اسامه دخلتني يوم اصعدي الله يوفقج ساعة عصبيه تره حسام يحبج وشاريج دخلت بالاستقبال الغراض ماكو رجعهن حسام وعرفت حيدر اللي ضاربه والجيران وكفوا بينهم بس بابا مهدده ياخذني ياريته ياخذني ويخلصني من هالجحيم
بقيت بالاستقبال كتلهم مااصعد للغرفه حسام عصبي وخفت يضربني بقى يصارخ ولج زينه زينه .. واني متلفلفه وابجي وساده اذاني ياربي دخيلك خلصني منه
رنا جابتلي خبز وخيار وطماطه ومي
زينه اكلي وجهج صار اصفر
ماريد رنا فدوه سويلي درب اريد اطلع لأهلي اكيد متخبلين عليه هسه
متخبلين بس مو اكثر من خبال حسام
ماما كوه هدأته انطته عشاه فوك يريدج
بجيت ولزمت ايدها رنا شرديني فدوه إذا يلزمني يكطعني
دفر باب الاستقبال ودخل ينافت رجعت لوره خفت منه ضحك واشرلي
تعاي حبيبتي زنزون تعاي
حسام وديني لأهلي ماريدك
شنو ! انعل ابوج لابو اهلج وسحلني سحل لفوك تكسرت بالدرج كلما اعثر يدفعني ويجرني ودخلني للغرفه نزع ملابسه ونزعني
حسام اهده مو هيج اطيك اللي تريده بس مو بالقسوه والله جسمي يوجعني وابجي وانحب وارجف ماكسرت خاطره بالعكس يستمتع جان ويتلذذ ويزود أكثر وأكثر بدون رحمه لحد مايكتفي
بعدين حضني دفعته خنكني من بلعومي وظل يبوس ويشم رخى أيديه وكلي
تموتين هنا بين أيديه ومتعوفيني زينه انتي ملكي واهلج ميجون ولاتروحين الهم كم شهر أرتب الوضع وأخذج لبيتنه اللي بحي الثوره حتى تبتعدين عنهم افتهمتي !!
حرام عليك حسام عدك اخوات ترضى هيج أزواجهن يسوون ويعاملوهن مثل ماتعاملني؟
رجع ضغط بقوته على بلعومي اختنكت شهكت اشرتله يهدني وخر ايده وضحك
وشمرني واتنده شويه طلع جكاره من الميز ودخن بقيت اكح اختنكت ارجف ولا اهتملي
زينه إذا صرتي مطيعه وتبطلين مرادد وطولت لسان اعاملج مثل الاوادم مثل ماخواتي مطيعات لازواجهن وميطولن لسانهن وجفيني شر اهلج
والسيارة ؟
السياره ياحلوه تاخذيها انتي تجيبيها من اهلج يوم اللي نرجع حتى اخذج بيها منا وفد مبلغ زين من ابوج مسحت دموعي وكمت لزم ايدي وين !
دا اسبح لو ممنوع !
لا ماممنوع بس لاتتاخرين وتعاي نتعشه وفكري شلون تبعدين اهلج وتنسين المدرسه ونعيش حياتنه بوحدنه اني وياج وبس ...عفته ورحت سبحت وحسيت بتعب نفسيتي تتدمرت ماعرف شسوي ولاشلون اتصرف
وفكرت بكلامه
فكرت شلون إذا رحت لاهلي وصارت مشاكل اهلي ميسكتون إذا عرفوا بسوالفه لحسام وإذا بقيت شلون اتحمل هالجحيم شلون اتأقلم واتعود
شلون اصبر عليه واني هسه بعمر 15 سنه وكلشي ماافتهمت من الدنيا
وشلون اتحمل هاي الحياة القاسيه اللي انفرضت عليه وي حسام ...
... يتبع...
