مساء العافية عليكم 😍
مشتاقة لتعليقاتكم وتفاعلكم الحلو
مشهد(راسيل)...
دا امشي بطريقي..راجعة للبيت والشوارع مليانة بأوراق القيقب الصفراء..لأن هسة وكت الخريف..حسيت بخطوات وراي...
ما التفتت واستمريت بطريقي..دائماً امشي للبيت احب اتنفس الهوا الحلو..ونسمات الخريف....
اصوات بطني احرجتني لأن اني ما آكل بالكلية ابد..اخاف همه يستعملون لكم الخنازير..واحنه المسلمين محرم علينه...
لذلك انتظر رجعتي للبيت..طلعت مبايلي اتصل على امجد..لعله يطلع من الورشة واشوفه..احب اباوعله وهو ببدلت العمل مال تصليح سيارات...
داا اتصل يرن..مارد..عرفت انو هو مشغول..اكيد جوه سيارة ويصلح بيها..هو يشتغل لساعات طويلة بالورشة ومصلح ماهر...
اني طريقي للبيت بجانب الورشة..التفت على صوت شاب..وكأني عرفته هذا الغثيث..المتنمر...
التفتت وخرت شعري حطيته وره ذاني..كاصته حد اكتافي وصابغته كستنائي..باوعتله وكف وابتسم..وكال ياحلوة تحتاجين توصيلة...
ماجاوبت وكفت اباوعله بسكوت..وخر سترته من الجانبين بيده وحط ايديه الثنين على وركه..وابتسم ابتسامة عريضة...
ما ابتسمت ابداً:شكراً انته اخر شخص اطلب مساعدته..ودرت وجهي..داروح امشي..انسحبت من زندي..عطت بي شتريد...
رجع ابتسم ابتسامته البيضة:على كيفج العصبية..داكلج اوصلج مراح آكلج..اتمشه وياج عادي؟؟؟...
المشكلة هو ابن بلدي وهنا غربة وصعب الواحد يتأقلم ويه الأجانب لو بعد مية سنة..من اشوف شخص من بلدي احبه حب موطبيعي واحس بالغربة تختفي...
حب لبلدي العراق مو عشك..وجهه جميل وسيم وابتسامته همين حلوة تخلي الواحد غصب يبتسم..بالرغم متنمر وغثيث...
كتله بهدوء:امشي ما لازمتك..ودرت وجهي..كملت طريقي امشي بهدوء..وهو بصفي مشه وايديه بجيوبه..وكل شوي يدفر برجله حصوة عن الطريق...
:-اي ياحلوة شنو اسمج انتي
راسيل:راسيل..بس يكلولي حور..لا تكلي حلوة ماعرفك ولا تعرفني حتى تتغزلني..باوعتله بعقدة حواجب...
:-اهلاً راسيل تشرفت بيج.. اما اني اكيد عرفتي اسمي من الشباب..ولابأس بيج اكيد لقبوج حور لأن حلوة..بنت ولايتي..وابتسم...
راسيل:اي هلا بيك.. وانته لابأس بيك بس لو ما تنمرك على الشاب المسكين..ترا هو ابن بلدك..ولا تكلي حلوة دا تنرفزني
:-اوك اوك ماكولج حلوة بعد..احم احم ترا هو ضعيف ويخلي الواحد يتنمر عليه
راسيل:انته مبين عليك من الواصلين مثل مايكولون ببلدنه..وعندك سيارة فخمة ليش دتمشي بهالطريق
ابتسم ابتسامة جانبية جان بيها لمحة قصد بشي ماعرف شنو..بس النظرة جانت متركزة بوجهي..
:-عجبني الشارع حلوو يجنن..حسيت بي ريحة اهلي وناسي بالعراق...وهو يباوعلي..وكفت وهو وكف وصار مقابيلي وايديه بجيوبه وابتسماته الجانبية نفسها....
راسيل:بس تعاملك جان متنمر ويه ابن بلدك حتى ولو هو ضعيف صير سنده مو تتنمر عليه..روح بطريقك..اعرف مو هذا طريقك حي الناس الفقيرة..واكيد قصرك بأنتظارك وسيارتك الفخمة...
تركته ومشيت سريع..رجع لحكني..شكله هذا مراح يتركني اليوم ماعرف شديخطط..او شنو يريد......يتبع
هذول حيكون الهم دور بالقصة وحور الجميلة 😍 اسمها راسيل وراح تعرفون ليش اهلها لقبوها بحور
صممتلهم غلاف خاص هالثنائي وسميت جانبهم بالقصة همين ومن خلال الغلاف راح تعرفون شنو قصتها لحور 🙈
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وهاي غلاف ابطالنه الأساس وقصتنه ثلاث نجمات عشكي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
صدفة لكيت صورة يشبه نقيبنه بس للأفس شرير 😈 🤣😂
بنية ناشرتها ومصصمة عليه 😂😂
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
شتكولون رضا الوالدين اهم مو 😂😂
وحدة كاتبة تعليق هذا لو حقق وياي بجريمة حتى لوما مرتكبتها اعترف 😂😂
والخ كاتبة اهم شي رضا الوالدين قابل ندخل النار من وراهم 😂😂
وهواي تعليقات خربت ضحك
يالله شدو حيلكم ما باقي شي للبارت الاول منو متحمس 😈👌 رفعو التصويت والتعليقات خلي احس بالحماااص
اساور تحبكم 😘
