السلام عليكم
حبايب اخذو راحتكم بالتعليقات بعد النقيب مايتابعهن ✌😌 شووفو شلون خليته يترك القصة 😌✌ طردته
جذب 😂 هو مشغول وكال جاي يمل 😂😂 يكول شلون انتم النسوان تقرون قصة وتابعون هيج
وللمرة الألف سجى وراسيل ثنينهن بطلات القصة مو لسجى البطولة الرئيسية 🙂 صاااااار معلووووووم
يالله استمتعو 😘
البارت ال16
(نحن لا نرحل حين نحزن..بس نرحل لأن المكان لم يعد يسعنا....💔)
سجى...
باوعتله شلون نايم..غطيته البارحة رغم الشفته البارحة كلبي يحبه وماكدر اعوفه هيج..غطيته من قهري كعدت يم راسه امسح على وجهه..واعاتبه ليش هيج...
مسحت دموعي..رحتله بعصبية كعدته ماكعد..رحت جبت الماي..وكلبته على وجهه..كام مفزوع..وعقد حواجبه بغضب...
ذو الفقار كاملي بعصبية:شجااج شبيج شنو هالتصرف
انفعلت كلش:ايي ماتذكر من السم الشاربه...من سواياتك الما تنحجي هيج سويت..هسة اكلك ليش....
اكو مراية صغيرة على ميز التواليت..اخذتها اله..كتله بغضب.. شوف المصايب الي بركبتك...
دفر المراية بيده..ولزم راسه بألم..ولسانه شكله بعده شوي ثكيل..كال سجى ماسويت شي والله وغلات سيف ماسويت شي..
صيحت جذاب..لا تجذب ذو الفقار ركبتك تخزي وجايني شارب البارحة وتكلي ماكو شي ماسويت شي...
ذو الفقار اجه عليه لزم ايديه:وشلون اثبتلج ماسويت شي..ورب الكون ماسويتها ومالمست اي شريفة..هذا العار ماعرف شحطلي بالعصير واليوم حسابه يمي
كتله بصياح:لااااا ترجع تجذب..اكرهك اكثر من تبرر وتكول ماسويت شي..وركبتك فهمني شنو كرصتك ذبانة
ذو الفقار:سجى اهدي ولا اصيحين بوجهي..الج الحق بس مو هيج..خلي نتفاهم بهدوء..الي بركبتي مو معناها نمت ويه مرة ثانية....
ماكمل كتله بغضب:انته ماقبلتها على نفسك الخيانة شفت شلون مرضتك وعذبتك..ليش احنه حيوانات عدكم ماعدنه احساس بس انتم تنجرحون بالخيانة
ذو الفقار سكت..وظل يباوعلي بنظرة قهر..كتله لا تحاول تبرء نفسك..واليوم اني مابقه هنا انتظرتك تصحه حتى احاسبك...
لزمني قوي:اذا تعتبين الباب سجى امووتج..ومارحمج..روحة لأي مكان ما الج..هناااا مكانج يمي
عصبت اكثر:انته ليش بلا احساس اناني مغرور..كلبي يحترك من داخل نار شاعلة بيه وانته ماهامك غير نفسك
ذو الفقار بعصبية:كتلج ماصار شي هذاا ال....... ابن ال..ماكملها استغفر الله...افهمي ماصار شي شتردين احلفلج اني ابد ما قرب الحرام بعزوبيتي ماسويتها هسة من صار عندي مرة بالحلال
