السلام عليكم
راح اكتب القصة الكم رجعتلي بشرط محد يتجاوز بس يصير تجاوز تنمسح
وحيكون السرد بلسان سجى
مشهد
سجى....
كاعدة على الشباك...واباوعله نزل من سيارته ببدلته العسكرية..كلبي صار يخفق بكل عشك...بقيت صافنة بأوصافه والهيبة..ونظارته الشمسية تجنن عليه وشواربه الي تميزه بأنو هو عسكري....
اساور:احم احم المتابعين
سجى:هههه احم اي خل احجيلكم عن عشكي..صارلي سنتين عاشكه ابن جيرانه النقيب..اسمه ذو الفقار من اشوفه مدري شيصيرلي كلبي يرجف رجف والله يصعد لبلعومي ويدك حيل..اتوتر وخدودي تشعل نار..وهو مايدري بيه
اني جبانة مستحيل اعترف بحبي لرجال واوكف واواجهه ماعندي هالجرئة ابد..وماعرف جاي احس راح يروح من ايدي...
المشكلة ابنه يبقه يمي نص النهار لأن هو مطلك مرته وأخذ منها ابنها بسبب خيانتها اله..يعني اني متعلقة بي وبأبنه
قبل 3 سنوات ماعرف اذا صحيح بس الناس تحجي بيها..ويكولون طلكها لأن خانته وناس تكول لكاها ويه عشيقها بفراشه..وناس تكول رماها طلقتين وعوقها بس ماندري وين الصدك
بس الصدك انها خاينته ومطلكها لهل السبب ومحد يعرف شوكت ويمته ويه منو وشلون محد يعرف بس الناس الفت من عدها اشكال...
المهم اكوللكم ليش يبقه ابنه يمي..ام سيادة النقيب موظفة وماعدها احد تخلي يمه..عدها ولد ثنين ذو الفقار وعقيل......وعلى وشك تتقاعد...
رادو يحطونه بحضانة اني كتلها عادي اهتم بي اني مايحتاج تحطينه بحضانة...ومن يومها صار يجي عندي من تروح بيبيته دوام او اي مكان
مشهد 2
ذو الفقار:يمه شلون تأمنين بت جيرانه تهتم لسيف
ام ذو الفقار:يمه لا تكبرها سنين جيرانه واعرفها خوش بنية وحبابه وترا مهتمة لأبنك تجيبه نظيف ومرتب وحتى كام يتعلم سلوك حلو وماكام يوكح..الفاظه جانت ماتنكال بسبب روحته يم خواله..وفد خوش بنية ومتعلمة وبس انخاها تركضلي
ذو الفقار:اني اخاف على ابني لا أكثر شعليه بيها حبابه وخوش بنية ومتعلمة ماراح اخطبها..ابني جاي تخلينه يمهم يعني ماعرف شيصير مايصير
ام ذو الفقار:لعد وين اخلي عد امه الخاينة الوكحة..يالله انته تفرغله لو اعوف دوامي..لو تزوج وفض السالفة
ذو الفقار:يمه شما حجيت طفرتي للزواج هو انتي تردين تخلصين كلبي لمن اتزوج..كتلج سالفة زواجي شيليها من بالج..وانتي راح تتقاعدين وتتفرغيله..لذلك انسي الزواج
ام ذو الفقار:بس يمه ابقه مرة جبيرة مابيه حيل جاهل..ازوج وخلصني من هالسالفة تعبت واقنعك مو كلهن نفس الشي مو كلهن خاينات..بس شكول الله يهديك
ذو الفقار:خلصتي حجيج يمه اني رايح..في امان الله....
مشهد 3
جاي الاعب سيف وماخذه راحتي بلا حجابها لأن كلتلي ام ذو الفقار اخذي راحتج ولدي مايجون..منطلقة الاعب الولد..
ومامنتبهه للعيون الي تراقبني...
دوم ادلع سيف سوسو الحلو...وهو هم يكلي خالة ثوثو الحلو...لأن مايلفض السين..بسبب اسنانه...
سجى:سيوفي تحبني
سيف:احبج خالة ثوثو الحلو
ضحكت بخفة:ثوثو ههههههه ليش تسميني ثوثو ياشرير..كول خالة سجى
سيف:خالة ثجى..ويضحك..واني ضليت اضحك وأعيد عليه اسمي ويلفظه بالثاء....
ذو الفقار...
واكف اباوعلها مامنتبهة اليه جاي اباوع عليها شلون تلاعب سيف ابني..مو كلش حلوة ورائعة الجمال بس بيها شي مميز..وماجاي ألاحظه شنو هو...وشعرها كصير حد ذانها حلو عليها...
باوعت عدل انتبت لشامات خدها عدها 5 شامات بوجهها بس 3 مميزات بخدها ومشكلات شكل قوس وهالشي ناطيها تميز....غير شكل..باوعت لنجماتي الثلاثة...
ابتسمت ابتسامة جانبية وكلت هالعبارة..ام تلث شامات وابو تلث نجمات.. لا مانرهم بس من عدد شامات ونجمات...
اتحمحمت بعد ما فصلتها تفصال بعيوني...هي انتبهتلي
واكف بطولي..ومارفعت راسها لوجهي..لاحظتها ارتبكت وتخربطت احوالها...........يتبع
التنزيل ماعرف شوكت بس اكتب بارت هاليومين انزل وراح يكون النشر يومين استراحة ويوم نشر الي يتحملني على راسي والمايتحملني هم على راسي واذا ماحابين اتابعون وياي براحتكم
#اساور التميمية
احبكم 😘
