ثلاث نجمات عشكي

البارت ال19

السلام عليكم

والله القصة ماتسوة التعب الي اتعبته تفاعلها ابد مو حلو

وتجي وحدة تكتبلي انتي موكد نشر والتزام لا تنشرين من انتي مكطعه نفسج وتتفاعلين وتقدرين تعبي يحقلج تحجين مثل ما تردين التزام اني همين اريد حق تعبي وسبحانه المايصير عنده ظروف تجي حتى تصويت ماتحط ولا تعليق يشجعني وينطي حق تعبي تكول انتي مو كد نشر

اني نشرت حتى استمتع بكتاباتي واخلي البعض يستفاد من تجارب غيره مو حتى تكليلي المهم يشوفونها شسوي بالشافوها ومغلسين مثلا شجعوني...

اني اريد تقدير لتعبي مجاي تحطون فلوس هو صوت وتعليق احنه الكاتبات الزغار مانختلف عن كاتباتكم الكبار بالسرد بس البعض يعشك اللواكه 🙂

يالله اقرو وغلسو بذمته المايقدر تعبي

البارت ال19

سجى

رن تلفوني برسايل..فتحتهن..كاتبلي ام سيوفي عيوني انتي ديري بالج على نفسج..اي شي يصير خابريلي اجيج طياري...

كتبتله فدوة لكلبك ياروحي..ان شاء الله وانته دير بالك على نفسك..كالت بيسوو اووي عالرومنصية..كتلها وجع وخري راسج بتلفوني...

بيسان:عوووي عووي معت سحت رومنسيته تلعب النفس باي رايحة ازوع..كتلها عاااااابت....

طن طن تلفوني من جديد برسالة. بعد ماعندي شغل وعمل لازمة التلفون اراسل حبيب القلب....فتحتها قريت بلي بيها...وبطني وجعتني من الخوف...

مكتوبلي هلاوو حبي سجاوي شلونج شخبارج ذو الفقار التحق مو هيج..يا حرام بقيتي بحدج..ياترا شغل الكاميرا قبل مايطلع حبيب الكلب...

ضجت اكيد ضرغام الحقير..كلت ماراح اخلي يستغلني اعرف شمسح وشنو اخلي خاف يصير مايصير عالأقل اراوي ذو الفقار...

فكرت اسوي ايميل ثاني واصور كلامه واحتفظ بيهن بهذا الأيميل واسويله خروج من المبايل..ماراح احظره راح اخلي يحجي براحته...

اذا تماده اكثر انطي صور المحادثات لذو الفقار قبل لا يتعشه بيه اتغده بي عالأقل قبل لا يورطني...

ظليت خايفة يسوي اشياء يخلي ذو الفقار يصدكه..اووف زوجي واعرفه الشك يتحكم بي وقت الشك مايشوف عقله يطير وكل عقل مايظل براسه...

ياربي ساعدني انت اعلم اني ماعندي شي ولا يوم رفعت راسي بوجه زلمة مستحيل اسوي شي غلط..ياربي ازرع هالشي براس ذو الفقار تعبت من الشك...

والله شعور يخوف..شخص يهددج وبس الي مر بشعوري يفهمني..خوف وهذا مايخاف الله شراب وابو نسوان كلشي يطلع منه وزوجي ماشاء الله يثق بيه ومايندفع بسرعة بالشك...

اعرف الصارله مو شويه خلاه هيج يصير..ذو الفقار بسرعة يصدك اي شي ينكال اله بسبب المر بي..مرته تكول عمتي جانت متلبسة لباس الإيمان وشنو ينكال عنها مايصدك...