ثلاث نجمات عشكي

البارت السادس

السلام عليكم

بهالبارت مضطرة اختصر صاحب القصة مايقبل تنكتب تفاصيل اكثر 🥺

فقرة راسيل اخر بارت تنذكر لغتهن 💔 هسة كلها تكول لا احب فقرتها واقراها وانتم مو يمها اصلاً

البارت السادس

بعد نبضاتي شمالك مايل مو انته معدل..تعال ميل هنا على صدري وامسح دموعك بحظني...مو كلت ماراح انكسر...شو لكيتك صاير انصاف...💔
.
.
.
.
.
.
.
.
.

سجى.....

انزفينه..صعدونه السيارة وللفندق..اريد اجمع كلماتي..لزم ايدي سحبتها منه..وهو يحجي وياي بالسيارة ماحجيت كال شبيج سجاوي...

ماجاوبت واحترم سكوتي..يمكن كال متوترة وحقها خلي اسكت..وصلنه للفندق..دخلنه...الرجفة سرت بكل انحاء جسمي...

التفتت بأندفاع كتله دير بالك تقرب عليه..كال بتوتر شبيج سجى ليش تكولين هالكلام سامعة شي..كتله ببجي اسفة والله اسفة بس ماكدر اتقبلك...

جاسم بتوتر:شنو تكولين..سجى فهميني اهلج غصبوج عليه لو شنو

هزيت راسي ببجي:لاء

جاسم:لعد ليش تكولين هيج..بدر مني شي مو زين..احجي ماراح اجبرج على شي وشرفي ماجبرج

ظليت ابجي اكثر:لااااء..المشكلة بيه مو بيك جاسم

جاسم:شنو المشكلة شبيج سجى..ترا مجاي نلعب هذا زواج..وسكت ومسح عرك جبينه وتأفف..اني الي مجاي العب

سجى:وافقت عليك بأرادتي وكامل قواي العقلية..بس المشكلة بكلبي

جاسم بعد سكوت:قصدج ماحبيتيني..مو هيج..هز راسه بأي..يجي الحب سجى يجي..بعد العشرة يجي الحب

ابتعدت لبعيد:جاسم اسفة ماريد يصير....

كاطعني وكلي روحي بدلي حلفتلج بشرفي ماجبرج مستحيل..هزيت راسي بأي بسرعة اشوف الجنطة كبالي فتحتها...

استغربته ابدا شكله مختلف..ماجنه الي جان متحلف بيه..بكومة اشياء..وماخليج تنامين ومدري شنو...

بدلت وليلتها نمنه كل واحد بجهة حتى حظنه ماصارت بينه..وطول الليل يتأفف..حسيت بقهره..متت بجي وقهر شسويت بي وبنفسي...

زين تقبلني ماعرف شنو جاي يصير بس ما معقول هيج تقبل الموضوع وقبل مايلمسني..لو رجال غيره غصبن ياخذ الي يريده...

بس جاسم مو هيج هو انسان واعي مثقف..مدرس اجيال ابداً مايسوي مثل الهمج...خلص طاقته وهو كاعد احس بي واني ميته بجي بسكوت...

مانمت للصبح مثله..الفجر غفينه ثنينه سويه..ماعرف بيش الساعة فزيت البردات مفتوحة والشمس داخلة..كمت بسرعة ماشفته...

كمت ابدل الملابس العليه حاطتلي بيسان ملابس ارجع بيهن..عدلت وجهي بالمكياج اخفي اثر البجي وانتظره يجي...