السلام عليكم حبايب قلبي اريد اعتذرلكم حيييل عن تقصيري كتلكم ظروفي ضدي 💔😢 حاولت اسوي يومي مالحك البارت يرادله تفكير وتعديل لهجة راسيل نصها فصيحة بسبب كلامها الي نصه انكليزي ونصه عربي
اما سجى كومة قهر جاي امسح واختصره كلبي يوجعني من اكتب الها احس بأحساسها بأعماقي 🥺💔😢
واصبعي بحالة صعبة والله العظيم امس لفيته بلكي يتحسن 😢💔 ومو من النوع الأكتب بعشر اصابع ماعرف مامتعودة بس هذا الأبهام
بارت ال24
(لم نعد كما كنا اين تلك الشرارة التي لا تنطفأ؟؟لا لم تنطفأ انما نحن من انطفأ💔
راسيل...مصطفى💔 سجى...ذو الفقار)
سجى.......
حطيت الهيدفون بذاني ويمه اسمع صوت زلمة...كلبي انخرط ويه حطت الهيدفون..شمرته عالقنفة...كلت يمكن اخوها...
تالي فكرت اني غبية شنو اخوها وتسمي هدى وليش نهار كله سوالف وياه بالهيدفون ومكالمة...لزمت وجهي كلت عززززاااا عقيل....
يعني شكثر ماعنده حظ الاولى تزوجت وعافته بعد حب وعشك..وهاي مرته جاي تخونه وعلى شنو والله وردة عقيل والقرآن ذو الفقار ابد مو مثله...
كمت رحت للمطبخ اشوفها كملت العجينة..كالت انتي حامل يعني العجن مابيج اله المن تعجنين هسة وكتها..كتلها هو 3 كلاصات طحين موعشرة كيلو...
روان:ولوو العجن يتعبج
سجى:اهااا تعرفين يعني حامل وبطني كبرت واتعب..ليش روان ماتسوين انصاف بالشغل..عالأقل تعلمي تنظفين هذا بيتج مو بس بيتي
روان تركت العجن:لا حبي هذا بيتج الج انياول وتالي اكعد بيتي لوحدي اني وعقيل
سجى:والله ماعرف شكول..بس اشوف انج تعرفين كلشي بالشغل بس متعلمة احد يخدمج..شوفي لا عبالج اني مسكينة ومن اهل الله وماعرف اخبث..منا وهيج اشتغلي بأنصاف والا تشوفين سجى مختلفة..دوم احب اتصرف بلباقة ولطافة بس من تصير ثخينة لا مزاجي يتغير
روان:اي حييل انتي قوية..لا والله حبي انتي وحدة مسكينة وبلا كرامة..زوجج سحلج سحل وهاي انتي رجعتيله ولا كأنو صار شي..لو عقيل يفكر يمد ايده الا اخلي اخواني يكسرونها اله
سجى:ماتاكلين تبن ام الكرامة..لو زوجج يحبج ربع حب زوجي اليه..حبيبتي تردين كل يوم عبايتي على راسي وازوج رجال جديد وفرحانة بكرامتي يومية ويه رجال شكل..لو افكر مثلج لا والله زوجي يكرهني وبعد حتى مايباوع بوجهي..نصيحة الج لا تشتكين على رجلج عد اهلج لأن راح تصيرين انتي وشحاطته واحد خوش..يا ام هداوي
روان عافتني وراحت لتلفونها بسرعة..حطت هيدفونها بذانها..ونزعته..باوعتلها بأستهزاء..كتلها عقيل يعرف عن صديقتج هداوي..ياترى عدها شوارب لو لحية...
