السلام عليكم اسفة للأطالة ظروفي النفسية كلش ضدي
صدك شنو هاي التعليقات الي تكول سجى انتي بلا كرامة والخ بلا شخصية 😡 ليش من يمته الي تعلي صوتها بوجه زوجها وتقلل احترام نفسها شخصية والي تخرب بيتها ام كرامة 😡
يعني اذا زوجها ماعنده اسلوب ويضرب هي بلا كرامة تلبس عبايتها وتروح كل يوم زعلانة بيت اهلها لو تمد ايدها عليه لو شنو 😡
لا تدعون المثالية براس احد ترا كلكم بشر اني وانتم وهي بشر وهاي تصرفات بشر مو ملائكة..وبعدين شفتوها من ضربها راحت راضته مو جاي تزعل عليه وانتي رجلج يجي يراضيج ادفرينه يعني 😡
تجي وحدة عمرها 13 سنة تكتب انتي ماتعرفين تتصرفين ماعندج كرامة وشخصية معدومة عود علمينه على شخصيتج وكرامتج ياخطيرة 😡😡
اريد البارت مليان تعليقات بين الفقرات خوووش 😘
البارت الأخير
(لم يخذلني من قال اكرهك بل من قال لي يوماً "احبك")
سجى....
تريد تحجي يسكتها..خابر رجلها...
اني ساكته ومتت خوف شراح يسون بيها..يبووو ماردتها توصل هيج بس غثني يحجي على عقيل القذر..وشكد راح استرها ميفيدها ما تستاهل...
اجه بنفس اللحظة عقيل..كبل لا يسلم استقبلته ببجي وتكله تعال شوف تعال الحك اخوك تحرش بيه بالمطبخ ولزم صدري...
لزمت حلكي مصدومة..عزااا بعينها شلون تجرأت وكالتها من يمي عركت خجل وجسمي قشعر..هنوب ذو الفقار مو هيج الحقيرة الخاينة...
كلت شيسون بيها تستاهل وعقيل مستحيل يصدك اخوه هيج رابي وياه سنين ويعرفه اكثر من نفسه..شفت ذو الفقار من كالت هيج ابتسم بسخرية...
عقيل وكف مو فاهم خطية ظل ساكت يباوعلنه..وهاي تبجي وتمثل..عادت الحجي...كبل لا تكمل سكتها بصيحة غضب...
كلها لا تاكلين خ...... بت الك....ويد اخوي هيج يسوي..لزمها من ايدها بعصبية..شهالخريط واكلان الخ.......
ذو الفقار:عقيل كامت تجفص ابطني مرتك..ان شاء الله يا شقيقي راح تصدكها..اني تدنه نفسي على مرت اخوي
عقيل بقهر:لااااء اني اعرفك شنو اشك بيك واصدك..شجاي يصير فهموني..ويباوع لروان بغضب...
ذو الفقار:انته حمار ماتعرف تختار مثل اخوك..وين النطيحة والمتردية بالله اني سويتها مرة وتبت تعيد الكرة انته تختار زبالة مرة ثانية شبيك
عقيل:شصاير فهموني ليش تحجي هيج روان
رادت تحجي سكتها ذو الفقار...
وجهها اصفر صارت تتوسل بذو الفقار يسكت..تباوعلي بنظرة المسكينة...كلت بكلبي فاتج بعد رحتي بيها...
