السلام عليكم
البارت الثالث
من رواية ثلاث نجمات عشكي
للتوضيح ذو الفقار من حجه بصوت جهوري مو صيح تره بس قصده حجه بصوته العادي بدون ماينصي ويه وامه بالطارمة...
اكثر تعليقات ضحكتني هنه هواي بس اختاريت هذا صاحبة التعليق _17shosh
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كُنت قد حسبت عدد المرات التي ستقول لي بأنك تحبني..وقد حسبت عدد اطفالنا..واعددت لنفسي جو عشقاً لم اعشه من قبل....💔
سجى....
خالة سلوى تمسكت بيه ماروح بيتنه..كتلها خالة اعذريني اروح..كالت ساعديني بكف البيت يمه تعرفين حرمة جبيرة وماكدر لوحدي...
استسلمت ماكدرت اعوفها..بقيت وياها وساعدتها..كفيت كلشي اني الهول والمطبخ..وماكو شي هنه شكم خط كيك وجكوليت...
سمعت صوت باب الحوش انسد..اعرف هذا هو يمكن..لأن اخو الثاني مسافر ويه اصدقاءه ماعرف وين رايح...كالتلي امه مايجي لذلك كلتلي اخذي راحتج...
اجاني سيف يركض للمطبخ يريد كيكه لبابا..ضحكت وكتله هسة اكصلك واحطها بصحن وديها لبابا...
طلعت الكيكة من الثلاجة..وراح خيالي بعيد..اني امه وزوجة ابوه..مدري شلون رهمتها المهم الفكرة...وابوه جاي يريد كيكة واريد اكصله...
آخذها اله ويكلي الله شكد طيبة من ايدج الكيكة..هو جذب طالبينها شغل بيت هههههه..ظليت اضحك...
همين اعرف اسوي كيك طيب..وكلشي اسوي تعلمت للطبخ من زمان امي علمتني كلشي..وبعدين كلشي كمت اتعلم بنفسي حتى صار طبخي ممتاز....
سيف:خالة ثوثو أَشبيك تضحك أَشبيك
ضحكت ونزلت عليه بوسته يضحكني من يكول أَشبيك:هيج مخبلة خالة سجى وتضحك ويه نفسها
سيف:لا خالة ثوثو عاكل..كاليت لبابا خالة ثوثو حلو عاكل
لزمت وجهي:عزززااا شنو كلت لبابا عني
سيف:كاليتله يحب خالة ثوثو الحلو
ظليت اكرط اضافري:سيووفي شمجفص..وظليت اذكر..ماكلت شي كدام سيوفي..حتى سوالفنه اني وبيسان يمه بالألغاز عززززااااا بس لا كايل شي لأبوه عني
